मुंबई बाजार समितीत महाविकास आघाडीचीच सत्ता

मुंबई : मुंबई कृषी उत्पन्न बाजार समिती निवडणुकीत महाविकास आघाडीने दणदणीत विजय मिळवला आहे. या निवडणुकीत भाजपला एकही जागा जिंकता आलेली नाही. ६ महसूल आणि ४ व्यापारी मतदारसंघात महाविकास आघाडीने निर्विवाद वर्चस्व राखले आहे. या एकूण अठरा जागांपैकी तेरा जागा महाविकास आघाडीला मिळाल्या आहेत, तर पाच जागांवर अपक्षांनी बाजी मारली आहे. 

राज्यातील महाविकास आघाडीचा प्रयोग स्थानिक स्वराज्य संस्थांमध्येही होऊ लागला आहे. असाच प्रयोग मुंबई बाजार समितीच्या निवडणुकीतही झाला. सोमवारी या निवडणुकीची मतमोजणी झाली. या निवडणुकीत अनेक दिग्गजांची प्रतिष्ठा पणाला लागली होती. त्यामुळे निकालाकडे संपूर्ण राज्याचे लक्ष लागले होते. या निवडणुकीसाठी राष्ट्रवादी, काँग्रेस, शेकाप आणि शिवसेना यांनी आपले पॅनेल बनवले होते. भाजपही या निवडणुकीत सहभागी होता. मुंबई बाजार समितीच्या ६ महसूल आणि ४ व्यापारी अशा एकूण १० मतदारसंघांची निवडणूक शनिवारी (ता. २९ फेब्रुवारी) पार पडली. निवडणुकीमध्ये सोळा जागांसाठी एकूण ५८ उमेदवार रिंगणात होते, तर दोन जागा यापूर्वीच बिनविरोध झाल्या आहेत. ६ महसूल विभागांत एकूण ३९२८ मतदारांपैकी ३८७८ मतदारांनी मतदान केले होते. एकूण सरासरी ९२.५७ टक्के मतदान झाले होते. 

मुंबई बाजार समितीच्या वाशी येथील कांदा-बटाटा बाजाराच्या आवारात मतमोजणी पार पडली. मुंबई बाजार समितीत राज्यातील सहा महसुली विभागांतून बारा शेतकरी प्रतिनिधी समितीच्या संचालक मंडळावर निवडून येतात. मुंबई बाजार समितीच्या निवडणुकीसाठी मुंबईमधून अर्थात तुर्भे येथील एपीएमसी बाजारातून सहा संचालक निवडून दिले जातात. यात कांदा बटाटा लसूण, भाजी, फळ, धान्य आणि मसाला बाजारातून प्रत्येकी एक संचालक तर या बाजारात गेली अनेक वर्षे काम करणारे माथाडी, हमाल, कामगारांमधून एक संचालक निवडला जातो. पाच संचालक हे राखीव संवर्गातून राज्य शासनाकडून नियुक्त केले जाणार असून दोन संचालक हे मुंबई व नवी मुंबई पालिकेमधून नियुक्त होणार आहेत.

महसूल विभागनिहाय विजयी उमेदवार आणि त्यांना मिळालेली मते 

व्यापारी विभाग