Farming agricultural Business maize procurement status Sangli Maharashtra | Page 2 ||| Agrowon

सांगली जिल्ह्यातील तीन केंद्रांवर २०२३ क्विंटल मका खरेदी

टीम अॅग्रोवन
रविवार, 12 जुलै 2020

हमीभावाने मक्याची खरेदी अंतिम टप्प्यात आली आहे. १५ शेतकऱ्यांकडील मका खरेदी करणे बाकी आहे. ज्या शेतकऱ्यांची मका खरेदी केली आहे. त्यांच्या खात्यावर रक्कम जमा करण्यासाठी वरिष्ठ विभागाकडे प्रस्ताव सादर केला आहे. तो मंजूर झाल्यानंतर लगेच शेतकऱ्यांच्या खात्यावर रक्कम वर्ग होईल.                           - दिलीप पाटील, जिल्हा पणन अधिकारी, सांगली.

सांगली  ः जिल्ह्यात हमीभावाने मका खरेदीसाठी चार खरेदी केंद्रे सुरू करण्यात आली होती. त्यापैकी जत, आटपाडी, आणि तासगाव या तालुक्यांतील खरेदी केंद्रांवर १०३ शेतकऱ्यांनी २०२३ क्विंटल मक्याची विक्री केली असल्याची माहिती जिल्हा पणन विभागाच्या सूत्रांनी दिली.

शासनाने हमीभावापेक्षा कमी दराने शेतीमालाची विक्री होऊ नये आणि किमान आधारभूत किमतीचा लाभ शेतकऱ्यांना मिळावा यासाठी खरेदी केंद्रे सुरू केली आहेत. सध्या जिल्ह्यात मक्याची हमीभावाने खरेदी करण्यासाठी सांगली, आटपाडी, जत, आणि तासगाव या ठिकाणी चार केंद्रे सुरू केली आहेत. मका खरेदीची मर्यादा हेक्टरी २५९१ किलो आहे. त्यामुळे शेतकऱ्यांना दिलासा मिळाला आहे. मक्याला १७६० रुपये क्विंटल असा हमीभाव असल्याने ११८ शेतकऱ्यांनी खरेदी केंद्रांवर मका विक्रीसाठी नोंदणी केली आहे. मका उत्पादकांना खरेदी केंद्रांवर मका विक्रीसाठी येण्याकरिता मोबाईलद्वारे संदेश पाठवण्यात आले आहेत.

सांगली येथील खरेदी केंद्रावर मका विक्रीसाठी नोंदणी झालेली नाही. तासगाव, आटपाडी आणि जत तालुक्यातील केंद्रांवर शेतकरी नोंदणी झाली आहे. आटपाडी तालुक्यातील ६२ शेतकऱ्यांनी १ हजार ११ क्विंटल, जत तालुक्यातील २१ शेतकऱ्यांनी ६४८, तर तासगाव तालुक्यातील २० शेतकऱ्यांनी  ३६४ क्विंटल मक्याची खरेदी केंद्रांवर विक्री केली आहे. अजून १५ शेतकऱ्यांनी मक्याची विक्री केलेली नाही. खरेदी केंद्रांवर मका विक्रीची हमीभावाप्रमाणे ३५ लाख ६० हजार ४८० रुपये इतकी रक्कम झाली आहे. ही रक्कम शेतकऱ्यांच्या खात्यावर अदा करण्यासाठी त्याचा प्रस्ताव वरिष्ठ विभागाकडे सादर करण्यात आला आहे. तो प्रस्ताव मंजूर झाल्यानंतर शेतकऱ्यांच्या खात्यावर रक्कम वर्ग केली जाईल.
 


इतर ताज्या घडामोडी
पुणे विभागात खरीप पेरणीत अडीच लाख...पुणे ः यंदा जूनच्या सुरुवातीला पावसाने चांगली...
बिबट्याच्या पिंजऱ्यांशेजारीच बसून करणार...मंचर : वनखात्यानेही बिबट्याचे हल्ले रोखण्यासाठी...
खरीप पीक कर्जासाठी भाजपचा आज ठिय्याअमरावती : खरीप हंगाम अर्ध्यावर आला असतानासुद्धा...
औरंगाबादेत ग्राहकांचा रानभाज्या खरेदीला...औरंगाबाद ः आरोग्यदायी व अनेक औषधी गुणधर्म...
नगर जिल्ह्यात तुरीचा ५४ हजार हेक्टरवर...नगर ः नगर जिल्ह्यात यंदा चांगला पाऊस झाला...
रत्नागिरी जिल्ह्यातील ६५ पैकी ४८ धरणे...रत्नागिरी ः अरबी समुद्रात निर्माण झालेल्या कमी...
सांगलीत अडीच हजार क्विंटल मक्याची खरेदीसांगली ः जिल्ह्यातील तीन हमीभाव केंद्रांच्या...
निकृष्ट बियाणे पुरवठादार कंपन्यांवर...अमरावती: निकृष्ट दर्जाच्या बियाणे पुरवठा प्रकरणात...
मराठवाडा विभागातील हवामानानुसार पीक...मराठवाडा विभागातील एकूण हवामान, पर्जन्यमान या...
औरंगाबादमध्ये आज रानभाज्या महोत्सवऔरंगाबाद  ः ‘‘वसंतराव नाईक मराठवाडा कृषी...
सांगलीत ६८ हजार शेतकऱ्यांनी उतरवला...सांगली  ः जिल्ह्यातील ६८ हजार ०१८...
रिसोडमध्ये पावसाची उघडीपवाशीम  ः राज्यात बऱ्याच भागात पाऊस धुमाकूळ...
वाशीम जिल्ह्यात एक लाख ४२ हजार हेक्टर...वाशीम ः पंतप्रधान पीकविमा योजनेत जिल्ह्यातील...
खानदेशात ताग लागवडीला पसंतीजळगाव  ः कमी पाण्यात व उशिरा लागवड करूनही...
पंचगंगा नदीच्या पाणीपातळीत घटकोल्हापूर : पश्चिम भागात पावसाचा जोर घटल्याने...
परभणी विभागात बिजोत्पादन होणार २७ हजार...परभणी : यंदा महाबीजच्या परभणी विभागातील परभणी,...
अकोल्यात पाऊस सुरुचनगर  ः अकोले तालुक्याच्या पश्चिम आदिवासी...
विदर्भातील पोल्ट्री व्यावसायिकांचे...अमरावती : विदर्भातील पोल्ट्री व्यावसायिकांना...
इगतपुरी, नाशिक तालुक्यात वाऱ्यामुळे...नाशिक : जिल्ह्याच्या पश्चिम पट्ट्यात झालेल्या...
विक्रीअभावी मालवंडीत लिंबू उत्पादकांना...मालवंडी, जि. सोलापूर ः बार्शी तालुक्यातील मालवंडी...