Farming agricultural Business sugarcane crushing season status Aurangabad Maharashtra | Agrowon

मराठवाडा, खानदेशातील नऊ कारखान्यांची धुराडी थंडावली

टीम अॅग्रोवन
बुधवार, 26 फेब्रुवारी 2020

औरंगाबाद  : येथील साखर सहसंचालक कार्यालयांतर्गत येत असलेल्या १८ साखर कारखान्यांनी २३ फेब्रुवारीपर्यंत ३२ लाख २५ हजार ३६७ टन उसाचे गाळप केले. सरासरी ९. ७८ टक्के उताऱ्याने ३१ लाख ५४ हजार ४१६ क्‍विंटल साखर उत्पादन केले. सध्या अठरापैकी जवळपास नऊ कारखान्यांचा गाळप हंगाम संपल्यात जमा आहे. 

औरंगाबाद  : येथील साखर सहसंचालक कार्यालयांतर्गत येत असलेल्या १८ साखर कारखान्यांनी २३ फेब्रुवारीपर्यंत ३२ लाख २५ हजार ३६७ टन उसाचे गाळप केले. सरासरी ९. ७८ टक्के उताऱ्याने ३१ लाख ५४ हजार ४१६ क्‍विंटल साखर उत्पादन केले. सध्या अठरापैकी जवळपास नऊ कारखान्यांचा गाळप हंगाम संपल्यात जमा आहे. 

औरंगाबाद साखर सहसंचालक कार्यालयांतर्गत असलेल्या धुळे, नंदूरबार, जळगाव, औरंगाबाद, जालना व बीड जिल्ह्यांतील १८ साखर कारखान्यांनी ऊस उपलब्धता माहीत असतानाही यंदाच्या हंगामात गाळप सुरू केले. काही कारखान्यांचे धुराडे पेटले परंतु काही दिवसांत गाळप थांबविण्याची वेळ कारखान्यांवर आल्याचे चित्र पहायला मिळाले. औरंगाबाद जिल्ह्यातील घृष्णेश्वर कारखान्याने यंदा हंगामात सहभाग नोंदवला पण या कारखान्याकडून आजवर ऊस गाळप झाले नाही. अशीच काहीशी स्थिती १२५० टन दैनिक गाळप क्षमता असलेल्या शरद पैठण कारखान्याची झाली. या कारखान्याचा हंगाम तेरा दिवसांत गुंडाळला गेला.

बीड जिल्ह्यातील जय भवानी साखर कारखान्याची स्थितीही यापेक्षा वेगळी नाही. ७ डिसेंबर २०१९ ला हंगाम सुरू झालेल्या या कारखान्याचे ३ जानेवारीला अर्थात २६ दिवसांत गाळप थांबले. त्यापाठोपाठ औरंगाबाद जिल्ह्यातील पैठण तालुक्‍यातील संत एकनाथ (सचिन घायाळ) साखर कारखान्यालाही आपला हंगाम ५१ दिवसांत गुंडाळण्याची वेळ आली. औरंगाबाद जिल्ह्यातील मुक्‍तेश्वर शुगर्सने २९ नोव्हेंबर २०१९ ला हंगाम सुरू करत ६८ दिवसांत अर्थात ७ फेब्रुवारी २०२० ला गाळप बंद केले.

जळगाव जिल्ह्यातील संत मुक्‍ताबाई शुगर अँड एनर्जी कारखान्याने १४ फेब्रुवारी २०२० ला अर्थात ७६ दिवसांनी गाळप बंद केले. नंदूरबारमधील सातपुडा तापी, ॲस्टोरिया(पुष्पदंतेश्वर), औरंगाबाद जिल्ह्यातील कन्नडमधील बारामती ॲग्रो व संभाजी राजे या चारही कारखान्यांचे ऊस गाळप थांबले असल्याची माहिती साखर विभागाच्या सूत्रांनी दिली. यंदा सुरू झालेल्या कारखान्यांपैकी जवळपास निम्म्या कारखान्यांना अपुरा ऊस, मजुरांची टंचाई आदी कारणांवरून गाळप थांबवावे लागले असल्याची माहिती सूत्रांनी दिली. 

साखर उताऱ्यात घट
गतवर्षी औरंगाबाद साखर सहसंचालक कार्यालयांतर्गत येत असलेल्या सहा जिल्ह्यांतील जवळपास २३ कारखान्यांनी ऊस गाळपात सहभाग नोंदविला होता. या कारखान्यांनी सुमारे ८८ लाख टन उसाचे गाळप केले होते. यंदा मात्र स्थिती फारशी चांगली नाही. यंदा केवळ १८ कारखान्यांनी गाळप हंगामात सहभाग नोंदवला.  १८ कारखान्यांनी २३ फेब्रुवारीपर्यंत ३२ लाख २५ हजार ३६७ टन उसाचे गाळप करत सरासरी ९. ७८ टक्के उताऱ्याने ३१ लाख  ५४ हजार ४१६ क्‍विंटल साखरेचे उत्पादन केले. गतवर्षी कारखान्यांचा सरासरी साखर उतारा १० टक्‍क्‍यांपुढे होता. 
 

जिल्हानिहाय कारखाने, ऊस गाळप (टन), साखर उत्पादन (क्‍विंटल) उतारा (टक्के)
जिल्हा  कारखाने  ऊस गाळप साखर उत्पादन साखर उतारा
औरंगाबाद  ५,३२,३९५.०५ ५,१५,४७५  ९.८८
जालना ९,२७,३४३.४५  ९,६१,६४०  १०.३७
बीड  ९,०५,८५७.१२ ७,९१,०७० ८.७३
नंदूरबार   ३  ७,१६,१७९.२४ ७,३२,८८१ १०.२३
जळगाव   १  १,४३,५९२.१२   १,५३,३५०  १०.६८

 

 


इतर ताज्या घडामोडी
औरंगाबाद बाजार समितीत मिरचीची १३०...औरंगाबाद : येथील कृषी उत्पन्न बाजार...
'राज्यातील पोलीस पाटील, ग्रामसेवकांनाही...बुलडाणा : राज्यात कोरोना विषाणूचा प्रादुर्भाव...
उद्धव ठाकरे परिषदेवर जाणार विधानसभेतून...मुंबई : महाराष्ट्राचे मुख्यमंत्री उद्धव...
मुद्रित माध्यमेच सर्वाधिक विश्‍वसनीय :...नागपूर: कोरोनाविषयी विविध माध्यमे आणि सोशल...
परभणीत पहिल्या दिवशी १७५ किलो...परभणी : कृषी विभागाच्या महाराष्ट्र...
‘कोरोना’च्या सावटातही पैसे काढण्यासाठी...अकोला : कोरोना विषाणू संसर्गाच्या संकटात मदत...
पणन हेल्पलाईनला फोन केला.. अन्‌ ढोबळी...पुणे : पणन मंडळाच्या आंतरराज्य शेतमाल वाहतूक...
बीसीजी लस घेतलेल्यांना कोरोनाचा धोका...पुणे : क्षयरोगाचा (ट्यूबरक्यूलोसिस-टीबी) प्रतिबंध...
प्रधानमंत्री गरीब कल्याण योजनेच्या...मुंबई: कोरोना विषाणूच्या प्रादुर्भावामुळे...
पुणे विभागात यंदा कमी पाणीटंचाईपुणे : मॉन्सून कालावधीतील दमदार पाऊस,...
कृषिरत्न फाउंडेशनची ‘आधारतीर्थ’तील...नाशिक : ‘कोरोना’च्या पार्श्वभूमीवर सध्या...
पुणे विभागात धान्याचा साडेसतरा हजार...पुणे : ‘‘पुणे विभागाात दोन एप्रिल रोजी...
लॉकडाऊनमुळे कृषी यांत्रिकीकरणाचे ९...पुणे: राज्याच्या कृषी यांत्रिकीकरण मोहिमेला...
सांगलीतील नागवेलीच्या पानांना मागणी...सांगली : कोरोना विषाणूमुळे परराज्यातून...
कराडमधील ग्राहकांच्या घरी १४० पेट्या...रत्नागिरी : ऐन हंगामात ‘कोरोना’च्या...
पीकविम्याची रक्कम कर्जखात्यांत जमा करू...अकोला : ‘कोरोना’च्या पार्श्‍वभूमीवर बँकांनी खरीप...
मोफत धान्य देण्यासंदर्भात केंद्राचे...मुंबई: कोरोनाचा प्रादुर्भाव टाळण्यासाठी सध्या...
‘जीवनावश्यक वस्तूंच्या दुकानांत ‘सोशल...नाशिक : ‘कोरोना’च्या पार्श्वभूमीवर राज्यातील...
आठवड्याचा अंदाज : ढगाळ हवामानासह...महाराष्ट्रावर हवेचा दाब १०१० हेप्टापास्कल इतके...
आरोग्यदायी लसूणआपल्या स्वयंपाकघरातील महत्त्वाचा घटक म्हणजेच लसूण...