farming agricultural business sugarcane rate issue continue satara maharashtra | Agrowon

सातारा जिल्ह्यात ऊसदराची कोंडी फोडणार कोण?

टीम अॅग्रोवन
बुधवार, 11 डिसेंबर 2019

सातारा  ः साखर कारखान्यांची धुराडी पेटली शेतातील ऊसही चरख्यात गेला. गाळप हंगाम सुरू होऊन १५ दिवस उलटून गेले मात्र, तरीही अद्याप कोणत्याही कारखान्याने उसाचा पहिला हप्ता जाहीर केलेला नाही. ऊसदराची कोंडी अजूनही कोणत्याच कारखान्याने फोडली नसल्याने शेतकरी हतबल झाले आहेत.    

सातारा  ः साखर कारखान्यांची धुराडी पेटली शेतातील ऊसही चरख्यात गेला. गाळप हंगाम सुरू होऊन १५ दिवस उलटून गेले मात्र, तरीही अद्याप कोणत्याही कारखान्याने उसाचा पहिला हप्ता जाहीर केलेला नाही. ऊसदराची कोंडी अजूनही कोणत्याच कारखान्याने फोडली नसल्याने शेतकरी हतबल झाले आहेत.    
मॉन्सूनोत्तर पावसामुळे ऊस गाळप हंगाम सुरू होण्यास तब्बल एक महिना उशीर झाला आहे. परिणामी अनेक कारखान्यांची तोडणी यंत्रणा विस्कळित झाली असून ऊस तोड मजूर येण्यास उशिरा झाला. जसजसे ऊस तोडणी मजूर येतील तसा गाळपास वेग येऊ लागला आहे.  मात्र, अद्यापही गाळप अपेक्षित प्रमाणात झालेले नाही. गाळपाची गती वाढविण्यासाठी कारखान्यांकडून सुरुवातीपासून हार्वेस्टरचा वापर केला जात आहे. सध्या अनेक कारखान्यांचे गाळप सुरू होऊन १५ पेक्षा अधिक दिवस होऊन गेले असले तरी पहिला हप्ता किती, कधी देणार याबाबत मौन पाळले गेले आहे.

स्वाभिमानी शेतकरी संघटनेनी जयसिंगपूर येथे झालेल्या ऊस परिषदेत प्रतिटनास एफआरपी अधिक २०० रुपये तर शेतकरी संघटनेचे नेते रघुनाथदादा पाटील यांनी प्रतिटनास चार हजार रुपये दर देण्याची मागणी केली आहे. महापुरामुळे कोल्हापूर, सांगली तसेच सातारा जिल्ह्यात शेतीचे मोठे नुकसान झाले आहे. ऊस पिकास सर्वाधिक फटका बसला आहे. यामुळे शेतकरी अगोदर हवालदिल झाले असतानाही ऊस दराबाबत साखर कारखान्यांकडून स्पष्ट भूमिका घेतली जात नसल्यामुळे शेतकऱ्यांमध्ये आता नाराजी आहे.

महापुरामुळे उसाचे नुकसान झाले असल्याने लवकरात लवकर ऊस तुटला जावा, यासाठी बहुतांशी शेतकरी संघटनांकडून आंदोलनाचा पवित्रा घेतला गेला नसल्याचे संघटनेच्या प्रतिनिधींकडून सांगितले जात आहे. आंदोलन होत नसल्यामुळे प्रशासनाकडून ऊस दरासाठी बैठक घेण्याकडे दुर्लक्ष झाले आहे. ऊस तुटल्यावर पहिला हप्ता १४ दिवसांत देणे बंधनकारक असते. मात्र, अनेक कारखान्यांनी गाळप सुरू होऊन १५ दिवस उलटून गेले तरी दर जाहीर न करताच ऊस तोडणी सुरू ठेवली आहे. अनेक कारखान्यांकडून साखरपोती पूजनही केले गेले आहे. मात्र, दराबाबत कोणतीही हालचाल होत नसल्याचे दिसून येते. शेजारील कारखाने किती दर देतात? यानंतर आपला दर जाहीर करू, अशी अनेक कारखान्यांची भूमिका असल्याचे सांगितले जात आहे.  
 
ऊसदराकडे शेतकऱ्यांचे लक्ष
राज्यातील सुमारे ८० कारखान्यांनी गाळप हंगाम सुरू केला आहे. मात्र, अजून कोणत्याच कारखान्याने उसाला पहिला हप्ता किती? व कधी देणार? याबाबत भूमिका घेतलेली नाही. केंद्र सरकारने साखरेला किमान विक्री मूल्य ३१०० रुपये क्विंटल जाहीर केले असल्याने बहुतांशी कारखान्यांना ‘स्वाभिमानी’ने मागणी केलेला दर देणे शक्य असल्याचे बोलले जात असले तरी कोणत्याही साखर कारखान्यांकडून दर जाहीर केला गेलेला नाही. यामुळे कोणता कारखाना दराची कोंडी फोडणार? याकडे शेतकऱ्यांचे लक्ष लागले आहे.


इतर ताज्या घडामोडी
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...
लातूर, उस्मानाबादमध्ये २० तूर खरेदी...लातूर : लातूर व उस्मानाबाद जिल्ह्यात हमी...
शेती करताना जैवविविधता जोपासणे आवश्यक...नाशिक : वाढत्या लोकसंख्येचा भार कृषी क्षेत्रावरही...
अकोला : तूर विक्रीसाठी ऑनलाइन नोंदणीत...अकोला  ः शासनाकडून हमी भावाने तूर खरेदीसाठी...
भंडारा : शेतकरी किसान सन्मानच्या...भंडारा ः पंतप्रधान किसान सन्मान योजनेला वर्षभराचा...
कवठेमहांकाळ तालुक्यात पाणीसाठ्यात वाढसांगली  ः कवठेमहांकाळ तालुक्यात ऑक्टोबर...
खानदेशात कांदा लागवड सुरूचजळगाव ः खानदेशात कांदा लागवड सुरूच असून, सुमारे...
असे करा घाटेअळीचे जैविक व्यवस्थापनघाटेअळी नियंत्रणासाठी सातत्याने रासायनिक...
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...