आदर्श गाव योजनेतील १०० गावांमध्ये कृषी सप्ताह

 नगर : माजी मुख्यमंत्री स्व. वसंतराव नाईक यांच्या जयंतीनिमित्त १ जुलै ते ७ जुलै या कालावधीत आदर्श गाव योजनेत सहभागी असलेल्या राज्यातील १०० गावांत कृषी सप्ताह राबविण्यात येणार असल्याचे आदर्श गाव योजनेचे कार्याध्यक्ष पोपटराव पवार यांनी सांगितले.

या कृषी सप्ताहात प्रामुख्याने कृषीविषयक परिसंवाद आयोजित करून सेंद्रिय शेती उपक्रम, सुधारित बियाण्यांचे वाटप, सेंद्रिय कर्ब वाढीच्या दृष्टीने उपाययोजना, सीताफळ लागवड यावर मार्गदर्शन करण्यात येईल. याची सुरवात आजपासून (ता. १) हिवरे बाजार येथून नगर जिल्हा अधीक्षक कृषी अधिकारी, उपविभागीय कृषी अधिकारी, तालुका कृषी अधिकारी यांच्या उपस्थितीत होणार असल्याचे श्री. पवार यांनी सांगितले.