Farming Agricultural News Marathi complaints regarding seed germination in district Nagar Maharashtra | Agrowon

बियाणे उगवणीबाबत नगरमध्ये ७६८ तक्रारी

टीम अॅग्रोवन
सोमवार, 6 जुलै 2020

सोयाबीन, बाजरीच्या निकृष्ट बियाण्यांचा पुरवठा केल्याने बियाणे उगवण झाली नसल्याच्या तक्रारी येत आहेत.  नगर जिल्ह्यात आतापर्यंत सुमारे ७६८ शेतकऱ्यांच्या तक्रारी कृषी विभागाकडे दाखल झाल्या आहेत.

नगर  ः सोयाबीन, बाजरीच्या निकृष्ट बियाण्यांचा पुरवठा केल्याने बियाणे उगवण झाली नसल्याच्या तक्रारी येत आहेत.  नगर जिल्ह्यात आतापर्यंत सुमारे ७६८ शेतकऱ्यांच्या तक्रारी कृषी विभागाकडे दाखल झाल्या आहेत.

त्यातील ६०८ शेतकऱ्यांच्या तक्रारींनुसार पाहणी करून पंचनामे केल्याची माहिती कृषी विभागाने दिली. मात्र जिल्ह्यात नेमक्या किती क्षेत्रावर बियाणे उगवण झाली नाही, याची माहिती कृषी विभागाकडे अजूनही उपलब्ध नसल्याचे दिसून आले आहे. बियाणे उगवले नसल्याने बाजरी, सोयाबीन उत्पादक शेतकऱ्यांना महाबीज बियाणे बदलून देत आहे, मात्र खासगी कंपन्यांकडून बियाणे घेतलेल्या शेतकऱ्यांबाबत अजून निर्णय झाला नसल्याने अशा शेकडो शेतकऱ्यांवर दुबार पेरणीसोबत आर्थिक संकट ओढावले आहे. 

जिल्ह्यात आतापर्यंत सोयाबीनची सरासरीपेक्षा चौदा टक्के जादा म्हणजे ६२ हजार हेक्टर तर बाजरीची दीड लाख हेक्टरच्या जवळपास पेरणी झाली. मात्र सोयाबीन, बाजरीच्या बियाणांची उगवण झाली नसल्याच्या तक्रारी शेतकऱ्यांकडून आल्या. आतापर्यंत ७६८ तक्रारी दाखल झाल्या असून त्यातील ६०४ तक्रारींनुसार कृषी विभागाच्या पथकाने शहानिशा करून पंचनामे केले आहेत. असे असले तरी अजूनही १६० शेतकऱ्यांना पंचनाम्याची प्रतीक्षा आहे. बियाणे उगवले नसल्याने किती क्षेत्रावर दुबार पेरणी करावी लागेल, किती शेतकऱ्यांचे नुकसान झाले याबाबात मात्र अजून कृषी विभागाकडेही माहिती नाही. बियाणांच्या तक्रारी कृषी विभाग गांभीर्याने घेत नसल्याचा आरोप करत कृषी विभागाच्या कामावर बहुतांश लोकप्रतिनिधींनी नाराजी व्यक्त केली आहे. 

खासगी कंपन्यांबाबत तक्रारी अधिक 
निकृष्ट बियाण्यांबाबत आतापर्यंत सोयाबीनमध्ये महाबीजच्या २३६; तर खासगी विविध कंपन्यांच्या २७८ तसेच बाजरीत सर्व खासगी कंपन्यांच्या २४३ तक्रारी आहेत. शासनाने दिलेल्या आदेशानुसार महाबीज बियाणे बदलून देत असले तरी खासगी कंपन्यांनी याबाबत कोणताही निर्णय घेतला नसल्याने शेतकऱ्यांना पुन्हा एकदा स्वतः खर्च करून बियाणे खरेदी करावे लागणार आहेत. खासगी कंपन्यांनीही बियाणे बदलून देण्याची मागणी असली तरी त्याकडे दुर्लक्ष केले जात आहे.

सोयाबीन, बाजरीचे बियाणे उगवले नसल्याबाबत तक्रारी असलेल्या शेतकऱ्यांना महाबीज बियाणे बदलून देत आहे. मात्र खासगी कंपन्यांचे काय, त्या शेतकऱ्यांना नुकसान भरपाई कोण देणार, सरकारनेही याबाबत हात वर केले आहेत. खासगी कंपन्यांनीही तातडीने बियाणे बदलून द्यावे. शिवाय निकृष्ट बियाणे पुरवठा करणाऱ्या कंपन्यांच्या सतत तक्रारी असताना त्याकडे जिल्ह्यातील कृषी विभागाचे अधिकारी दुर्लक्ष करतात त्याबाबतही चौकशी होऊन कारवाई झाली पाहिजे, अशी मागणी शेतकरी संघटनेचे नाशिक विभाग अध्यक्ष बाळासाहेब पटारे यांनी केली.

सोयाबीन बियाण्याच्या तक्रारींची संख्या ः श्रीरामपूर ः ८६, नेवासा ः ३७, कोपरगाव ः २३१, पारनेर ः ७, जामखेड ः ६९. पाथर्डी ः १, राहाता ः ८२, संगमनेर ः ४, राहुरी ः १. 

बाजरी बियाण्याच्या तक्रारींची संख्या ः नगर ः ६, पारनेर ः २२०,संगमनेर ः ११, शेवगाव ः १, राहुरी ः २.

पहिल्यांदा बाजरी पेरली, मात्र उगवली नसल्याने दुबार पेरणी करण्याची वेळ आली आहे. त्यामुळे पेरणीची मजुरी, बियाण्यांचा खर्च पुन्हा करावा लागणार आहे. आधीच आर्थिक संकट ओढवले असताना आता पुन्हा नवीन अडचण निर्माण झाली आहे. 
- मंगेश कान्होरे, शेतकरी, घारगाव, ता. संगमनेर, जि. नगर.

 


इतर ताज्या घडामोडी
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...
नांदेड जिल्ह्यातील एक लाख ९२ हजार...नांदेड  ः यंदा जिल्ह्यातील २ लाख ६८ हजार...
ओसंडून वाहतोय आडोळ प्रकल्पशिरपूरजैन, जि. वाशीम ः दमदार पावसामुळे येथील आडोळ...
काटेपूर्णा प्रकल्प तुडुंब, पाणी साठ्यात...अकोला ः यंदाच्या मोसमात आत्तापर्यंत वेगवेगळ्या...
अकोला जिल्ह्यात युरिया खताचा वापर वाढलाअकोला ः जिल्ह्यामध्ये मागील वर्षाच्या तुलनेत...
राधानगरी धरणाचे दोन दरवाजे खुलेचकोल्हापूर : जिल्ह्याच्या पश्‍चिमेकडील...
नाशिक शहरात बैलपोळा साहित्याच्या...नाशिक : गेल्या वर्षांपासून शेतीमालाचे नुकसान व...
मालेगाव तालुक्यात भाजीपाल्यासह खरीप...नाशिक : मालेगाव तालुक्यातील पश्चिम भागात झालेल्या...
येलदरीच्या दोन दरवाजातून विसर्गपरभणी : बुलडणा जिल्ह्यातील खडकपूर्णा धरणातील...
सांगली जिल्ह्यात पावसाचा जोर ओसरलासांगली ः जिल्ह्यात पावसाचा जोर कमी झाला आहे....
नाशिकमध्ये ढोबळी मिरची प्रतिक्विंटल...नाशिक  : येथील कृषी उत्पन्न बाजार समितीमध्ये...