Farming Agricultural News Marathi crops damage due to lack of water Nagar Maharashtra | Agrowon

मुळा कालव्याचे पाणी अनेक गावांत पोचलेच नाही 

टीम अॅग्रोवन
गुरुवार, 9 एप्रिल 2020

पाटबंधारे विभागाचे अधिकारी राजकीय दबावापोटी राहुरी व नेवासे तालुक्‍यातील ‘हेड’च्या भागात पाण्याची उधळपट्टी करतात. शेवगाव-पाथर्डीच्या ‘टेल’च्या भागातील शेतकऱ्यांवर प्रत्येक आवर्तनावेळी अन्याय होतो. 
- शिवाजी भिसे, सदस्य, मुळा कालवा सल्लागार समिती

अमरापूर, जि.नगर  : मुळा उजव्या कालव्यातून सध्या सुरू असलेल्या आवर्तनाचे नियोजन पूर्णपणे कोलमडले आहे. आवर्तन सुटून पंधरा दिवसांपेक्षाही अधिक कालावधी उलटला, तरी अमरापूर येथील पाथर्डी शाखा कालव्यांतर्गत येणाऱ्या तीन व भातकुडगाव येथील एक अशा चार वितरिकांखाली येणाऱ्या शेतकऱ्यांना ऐन उन्हाळ्यात पाणी मिळालेले नाही. त्यामुळे शेवगाव, पाथर्डी तालुक्यातील एकूण ६० गावांतील शेतकऱ्यांची भुईमूग, कांदा, बाजरी, ऊस व चारापिके जळून चालली आहेत.

मुळा धरणाच्या उजव्या कालव्यातून २० मार्चला सुरू झालेल्या आवर्तनातून अमरापूर उपविभागातील पाथर्डी शाखा कालव्याअंतर्गत येणाऱ्या तीन वितरिकांतून पाथर्डी तालुक्‍यातील सुसरे, साकेगाव, काळेगाव, चितळी, पाडळी, हनुमान टाकळी, जवखेडे, कासार पिंपळगाव व शेवगाव तालुक्‍यातील अमरापूर, फलकेवाडी, आव्हाणे, वाघोली, वडुले, मळेगाव, बऱ्हाणपूर, गरडवाडी, सामनगाव या गावांना आणि भातकुडगाव वितरिकेअंतर्गत येणाऱ्या ढोरजळगाव, आखतवाडे, जोहरापूर, लोळेगाव, भायगाव, देवटाकळी, हिंगणगाव, खामगाव या ‘टेल’च्या भागातील शेतकऱ्यांना ‘टेल टू हेड’ या प्राधान्याने पाणी मिळणे अपेक्षित होते. पाणीपट्टीची रक्कम भरून तशी मागणी शेतकऱ्यांनी नोंदविलेली आहे; मात्र आवर्तनाचे ‘टेल टू हेड’ या क्रमाने पाणी देण्याचे नियम धाब्यावर बसवून नेवासे व राहुरी तालुक्‍यातील वरच्या भागात पाण्याची उधळपट्टी सुरू आहे. आवर्तन सुटून १५ दिवस उलटून गेले, तरी पाणी न मिळाल्याने व उन्हामुळे पिके जळू लागली आहेत.

धरणात यंदा मुबलक पाणी असताना पाटबंधारे विभागाच्या ढिसाळपणामुळे शेतकऱ्यांची हातात आलेली पिके हातची गेली आहेत. ‘कोरोना’च्या पार्श्वभूमीवर जमावबंदी व संचारबंदीची अंमलबजावणी सुरू असल्याने अधिकाऱ्यांना जाब विचारण्यासाठी शेतकऱ्यांना जाता येत नाही. त्यामुळे आमदार मोनिका राजळे यांनी लक्ष घालून शेतकऱ्यांना त्वरित पाणी उपलब्ध करून द्यावे, अशी मागणी शिवाजी भिसे, बाळासाहेब कंठाळी, श्रीकांत मिसाळ, भाऊसाहेब उदागे, दत्तू घुले, विवेक सातपुते, आप्पासाहेब सातपुते, कचरू चोथे, संजय खरड, रामदास कोळगे, भीमराज सागडे, उमेश भालसिंग, राजेंद्र आघाव, दादा कंठाळी, अनिल खैरे आदी शेतकऱ्यांनी केली आहे.
 


इतर ताज्या घडामोडी
फूल उत्पादकांना आस दसरा, दिवाळीचीपुणे : टाळेबंदीत सर्वाधिक फटका बसलेल्या फूल...
लातूर विभागात २३ लाखावर शेतकऱ्यांना...उस्मानाबाद / लातूर : लातूर येथील विभागीय कृषी...
औरंगाबादमध्ये कांदा २०० ते ३२०० रूपये...औरंगाबाद : येथील कृषी उत्पन्न बाजार समितीमध्ये...
पुणे जिल्ह्यात पीककर्जाची होणार सहा...पुणे :  नियमित कर्ज फेडणाऱ्या...
मूग, उडीद खरेदीसाठी सोलापूर, बार्शी,...सोलापूर  : मूग, उडदाच्या आधारभूत किंमती...
खानदेशातील दुष्काळी भागातील प्रकल्पांत...जळगाव  ः खानदेशातील दुष्काळी भागातील निम्मे...
वाशीम जिल्ह्यात पिकांच्या नुकसानीचे...वाशीम  : ‘‘जिल्ह्यात गेल्या काही दिवसांत...
खानदेशात सोयाबीनची कापणी, मळणी लांबणीवर...जळगाव  ः खानदेशात काळ्या कसदार जमिनीत वाफसा...
हिंगोली, परभणीत एक लाख हेक्टर पिकांवर...हिंगोली, परभणी : अतिवृष्टी, ओढे - नाले, नद्यांचे...
साखर कारखान्यांचे वजनकाटे सुधारा, ‘...कोल्हापूर : साखर कारखान्यांच्या वजन काट्याबाबत...
सांगलीत मूग, उडीद खरेदीसाठी नोंदणी सुरूसांगली : बाजार समितीच्या आवारातील विष्णूअण्णा...
कृषी विधेयकाच्या समर्थणार्थ ‘रयत’ने...नाशिक  : केंद्र सरकारने कृषी विधेयकाच्या...
राज्यात ढगाळ हवामानाची शक्यताईशान्य मॉन्सून म्हणजेच परतीच्या मॉन्सूनला सुरुवात...
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....
सांगलीत नियोजनाअभावी थेट शेतमाल विक्री...सांगली : लॉकडाउनच्या काळात संपूर्ण बाजारपेठा बंद...
सोलापुरातील उपबाजार समित्यांचा प्रस्ताव...सोलापूर ः सोलापूर कृषि उत्पन्न बाजार समितीच्या...
कोल्हापुरात शेतकरी संघटनांकडून कृषी...कोल्हापूर : राज्यसभेत मंजूर झालेल्या कृषी...
नुकसानग्रस्त पिकांचे तातडीने पंचनामे...सोलापूर ः अतिवृष्टीमुळे नुकसान झालेल्या...
शेतकऱ्यांचे प्रश्‍न शासनाकडे पोचवणार :...नाशिक : ‘‘मी देखील शेतकऱ्याचाच मुलगा आहे. कांदा...
मराठवाड्यात कृषी विधेयकांची होळीऔरंगाबाद / परभणी /  नांदेड :...