प्रतिकूल हवामानाचा नगर जिल्ह्यातील गहू पिकावर परिणाम

गेल्या काही दिवसांपासून सातत्याने हवामानात बदल होत असल्याने गहू पीक पिवळे पडत आहे. यामुळे वाढ कमी होऊन उत्पादनावरही परिणाम होण्याची शक्यता आहे. यंदा पाणी बऱ्यापैकी उपलब्ध असले तरी गव्हावर नवे संकट आले आहे. - पंडित कोपनर, शेतकरी.
संग्रहित छायाचित्र
संग्रहित छायाचित्र

नगर  ः जिल्ह्यामध्ये गेल्या दोन दिवसांपासून प्रतिकूल हवामान असल्याने गव्हाचे पीक पिवळे पडू लागले आहे. पाने तांबडी, पिवळी पडू लागल्याने गव्हावर तांबेराचा प्रादुर्भाव होतो की काय अशी चिंता शेतकरी व्यक्त करू लागले आहेत. यामुळे उत्पादनात घट होण्याची शक्यता व्यक्त होत आहे. 

जिल्ह्यात यंदा पाण्याची बऱ्यापैकी उपलब्धता असल्याने हरभरा, गव्हाचे क्षेत्र वाढण्याची शक्यता आहे. आत्तापर्यंत साधारण सरासरीच्या चाळीस टक्के क्षेत्रावर गव्हाची पेरणी झाली आहे. ऑक्टोबरमध्ये जोरदार पाऊस झाल्याने मुळात गव्हाच्या पेरणीला उशिरा होऊ लागला. त्यातनंतर थंडी गायब झाल्याने गहू पेरणीला फारसा वेग येताना दिसत नव्हता. आता पुन्हा दोन दिवसांपासून हवामानात बदल झाला असून, ढगाळ वातावरण व थंडी गायब झाल्याने गव्हाची पाने पिवळी पडू लागली आहेत.  

कर्जत तालुक्याच्या पूर्व भागातील निंबे, अहल्यानगर, डोंबाळवाडी, शेगूड, अळसुंदे, सटवायवाडी आदी भागांत गहू लहरी हवामानामुळे पिवळा पडू लागला आहे. त्यामुळे शेतकरी चिंताग्रस्त झाले आहेत. परिसरातील शेतकऱ्यांनी खरीप हंगामातील मका, बाजरी आदी पिकांची काढणी करून गव्हाची पेरणी केली होती. मात्र सकाळी थंडी, दुपारी उष्णता, तर मध्येच ढगाळ वातावरण यामुळे गव्हाचे पीक पिवळे पडू लागले आहे. त्यामुळे किमान हे पीक पूर्णपणे हातात यावे, यासाठी परिसरातील शेतकरी रासायनिक उपाययोजना करताना दिसत आहेत.    

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com