Farming Agricultural News Marathi Ground water survey will be done in scarcity affected villages pune maharashtra | Agrowon

पुणे जिल्ह्यातील टंचाईग्रस्त गावांत भूजल सर्वेक्षण करणार : जि. प. अध्यक्षा निर्मला पानसरे

टीम अॅग्रोवन
रविवार, 24 मे 2020

पुणे  : जिल्ह्यातील टंचाईग्रस्त ८२ गावांत पिण्याच्या पाण्याच्या उपायोजना करण्यासाठी भुजल सर्वेक्षण विकास यंत्रणेच्या माध्यमातून या गावांच्या भूजलाचे सर्वेक्षण करावे, सध्या पिण्याच्या पाण्याची टंचाई भासत असलेल्या गावांमध्ये विंधन विहरी खोदण्यासाठी तत्काळ परवानगी द्यावी, स्थानिक लोकप्रतिनिधींशी समन्वय ठेऊन नियोजन करावे, असा निर्णय जिल्हा परिषदेच्या स्थायी समितीच्या बैठकीत घेण्यात आल्याची माहिती जिल्हा परिषद अध्यक्षा निर्मला पानसरे यांनी दिली.

पुणे  : जिल्ह्यातील टंचाईग्रस्त ८२ गावांत पिण्याच्या पाण्याच्या उपायोजना करण्यासाठी भुजल सर्वेक्षण विकास यंत्रणेच्या माध्यमातून या गावांच्या भूजलाचे सर्वेक्षण करावे, सध्या पिण्याच्या पाण्याची टंचाई भासत असलेल्या गावांमध्ये विंधन विहरी खोदण्यासाठी तत्काळ परवानगी द्यावी, स्थानिक लोकप्रतिनिधींशी समन्वय ठेऊन नियोजन करावे, असा निर्णय जिल्हा परिषदेच्या स्थायी समितीच्या बैठकीत घेण्यात आल्याची माहिती जिल्हा परिषद अध्यक्षा निर्मला पानसरे यांनी दिली.

जिल्हा परिषदेची स्थायी समितीची सभा शुक्रवारी (ता.२२) जिल्हा परिषदेच्या सभागृहात पार पडली. जिल्हा परिषदेच्या अध्यक्षा निर्मला पानसरे, उपाध्यक्ष रणजित शिवतरे, आरोग्य बांधकाम सभापती प्रमोद काकडे, महिला बालकल्याण सभापती पुजा पारगे, गटनेते शरद बुट्टे पाटील, मुख्य कार्यकारी अधिकारी आयुष प्रसाद तसेच समितीचे सदस्य उपस्थित होते.

‘कोरोना’मुळे जिल्ह्यातील रस्त्यांची दुरूस्ती रखडली आहे. महिन्याभरात ही दुरूस्ती न झाल्यास ठेकेदार ही कामे टाळून अनामत रक्कम काढतील. यामुळे महिन्याभरात दुरूस्तीचे कामे व्हावी अशी मागणी शरद बुट्टे पाटील यांनी केली. दोन वर्षांमध्ये झालेल्या ग्रामीण रस्त्यांची दुरूस्ती करण्याबाबत सुचना करण्यात आल्या. जी कामे अद्यापही सुरु झालेली नाहीत अशा ठेकेदारांची यादी तयार करावी आणि सभेमध्ये सादर करावीत अशा सुचना मुख्य कार्यकारी अधिकारी आयुष प्रसाद यांनी दिल्या.

‘कोरोना’च्या पार्श्वभूमीवर पुण्याबाहेरून येणाऱ्यांची तपासणी व्हावी, यासाठी प्रत्येक तालुक्यात कोव्हीड केअर सेंटर सुरू करावे. घशातील स्रावाचे नमुने तालुका पातळीवरच घेण्याची सोय करावी, कोरानाबाधितांचे सर्वेक्षण करणाऱ्या आशा सेविकांना एक हजार रुपये देण्याची घोषणा करण्यात आली होती. आशा सेविकांना केवळ एका महिन्यांचेच मानधन मिळाले. यापुढील मानधन देण्यासाठी व्यवस्था करावी अशी मागणी आशा बुचके यांनी केली. यासाठी एक वर्षाचा प्रवास भत्ता तसेच मतदार संघातील फिरती भत्ता रक्कम देण्यासही जिल्हा परिषद सदस्यांनी मान्यता दिली. आषाढी पालखी सोहळ्याच्या पार्श्वभूमीवर औषध खरेदी करण्याचा निर्णय बैठकीत घेण्यात आला.

 
‘क्वारंटाइन कालावधी पूर्ण केल्यावरच घरी पाठवा’
कोरोनाबाधित रूग्णांवर योग्य उपचार झाल्यानंतर आणि क्वारंटाइन कालावधी पूर्ण झाल्यावरच डिस्चार्ज मिळावा, अशा सूचना अध्यक्षा पानसरे यांनी आरोग्य अधिका-यांना दिल्या. जिल्हा परिषदेच्या सर्व सुरक्षा रक्षक सफाई कर्मचाऱ्यांची आठवड्यातून एकदा आरोग्य तपासणी करण्यात यावी. पुणे-मुंबईतून येणाऱ्यांचे योग्य पद्धतीने विलगीकरण व्हावे, अशा सुचनाही पानसरे यांनी दिल्या.
 
बैठकीतील निर्णय असे

  • पावसाळ्यात अतिवृष्टीमुळे डोंगर-कडे कोसळण्याची शक्यता असलेल्या गावांचे सर्वेक्षण करणार.
  • पशुवैद्यकीय दवाखाना तळेगाव दाभाडे येथे एक्सरे मशिन खरदी करण्यास प्रशासकीय मान्यता
  • यशवंत शरद ग्रामविकास योजनेचा निधी ग्रामपंचायतीकडे वर्ग करण्यास मंजूरी
  • जिल्हा परिषद शाळांना क्रीडा व इतर साहित्य देणार
  • यशवंतराव चव्हाण कला, क्रीडा व सांस्कृतिक महोत्सवाच्या निधीत २५ हजारांची वाढ करणार

इतर ताज्या घडामोडी
स्वामीनाथन सूत्रानुसार हमीभाव दिल्याचा...नाशिक: स्वामीनाथन सुत्राप्रमाणे उत्पादन खर्च...
उस्मानाबाद, लातूर, बीडमध्ये पावसाचा जोर औरंगाबाद : मराठवाड्यातील पाच जिल्ह्यात बुधवारी (...
नगरच्या ४० महसूल मंडळांत जोरदार पाऊसनगर : जिल्ह्यात सलग तिसऱ्या दिवशी बुधवारी (ता.३)...
परभणी, नांदेड, हिंगोलीत पावसामुळे कापूस...परभणी : परभणी, नांदेड, हिंगोली जिल्ह्यात गेल्या...
बुलडाण्यात पीककर्जाचे ७ टक्केच वाटप बुलडाणा : पावसामुळे शेतकऱ्यांनी पेरणीच्या...
कोल्हापूर जिल्ह्यात दिवसभर संततधार...कोल्हापूर : जिल्ह्यात दिवसभर संततधार पाऊस सुरूच...
निसर्ग चक्रीवादळाचा पुणे जिल्ह्याला...पुणे : निसर्ग चक्रीवादळाचा जिल्ह्यालाही फटका...
नाशिकच्या पूर्व भागात वादळामुळे नुकसान नाशिक : जिल्ह्यात बुधवार (ता.३) सकाळपासून सर्वदूर...
सांगली जिल्ह्यात बरसला मुसळधार सांगली : कोकणचे प्रवेशद्वार समजल्या जाणाऱ्या...
विदर्भात सर्वदूर मान्सूनपूर्व पावसाची...नागपूर : विदर्भात सर्वदूर मान्सूनपूर्व पावसाने...
साताऱ्यात वाऱ्यासह मुसळधार पाऊस सातारा : जिल्ह्यात बुधवारी सकाळापासून...
‘निसर्ग’मुळे रत्नागिरी जिल्ह्यात...रत्नागिरी : निसर्ग चक्रीवादळाने जिल्ह्यात...
भाटी मिऱ्या समुद्रात नांगरलेली जहाज...चिपळूण, रत्नागिरी : निसर्ग चक्रीवादळाचा जोरदार...
जीएम पिकांच्या मान्यतेसाठी केंद्राकडे...नागपूर: जागतिकस्तरावर जीएम पिकांच्या लागवडीस...
विविध मागण्यांसाठी रेशन दुकानदार ...नाशिक: राज्यातील स्वस्त धान्य दुकानदार व...
मका खरेदी तातडीने सुरू कराबुलडाणा ः मोताळा तालुक्‍यात मागील दहा दिवसांपासून...
शेतकऱ्यांना त्रास झाल्यास भाजप आंदोलन...अकोला ः शेतकऱ्यांना बी-बियाणे, कर्जपुरवठा तसेच...
सिंधुदुर्गात पाऊस सुरूच सिंधुदुर्ग: जिल्ह्यात तिसऱ्या दिवशीही...
जादा खरेदी दर, नापासच्या अधिक ...अकोला ः महाबीजने सोयाबीन वाणाच्या प्रमाणित...
ऊस उत्पादक केंद्राचे वैरी आहेत काय? कोल्हापूर: केंद्र सरकारने शेतकऱ्यांना दिलेल्या...