Farming Agricultural News Marathi potato shortage in south maharashtra kolahpur | Agrowon

...आता बटाट्याचीही टंचाई

राजकुमार चौगुले
सोमवार, 16 डिसेंबर 2019

यंदा बेळगाव बाजार समितीत गेल्या वर्षीच्या तुलनेत बटाट्याची केवळ चाळीस टक्के आवक बाजार समितीत होत आहे. दर चांगले असले तरी बटाट्याचे उत्पादन अतिशय कमी असल्याने या दराचा नफा शेतकऱ्यांना होत नसल्याची स्थिती आहे. पावसामुळे बटाट्याच्या दर्जावर विपरित परिणाम झाला. मोठ्या आकाराचा बटाटा खूपच कमी प्रमाणात येत आहे.

- सुनील अष्टेकर, व्यापारी, बेळगाव बाजार समिती.

कोल्हापूर: कांद्यापाठोपाठ आता बाजारपेठांमध्ये बटाट्याचीही चणचण भासत आहे. उत्तर भारतात बटाटा हंगाम संपला आहे. तर कर्नाटकात अतिवृष्टीने बटाट्याचे नुकसान झाले आहे. याचा एकत्रित परिणाम म्हणून बटाट्याची आवक बहुतांशी बाजारपेठात घटत आहे. दक्षिण महाराष्ट्र उत्तर कर्नाटकात बटाट्याची आवक तब्बल ६० टक्‍क्‍यांपर्यंत घटली आहे. 

देशात गुजरात, इंदूर, आग्रा, होशियारपूर, कर्नाटकातील हसन परिसर आदि ठिकाणी बटाट्यांचे उत्पादन मोठ्या प्रमाणात होते. देशातील बाजारपेठांमध्ये या भागातील बटाटा वर्षभर जातो. व्यापारी कालावधीनुसार वेगवेगळ्या ठिकाणाहून वर्षभर बटाटा मागवत असतात. यंदा अतिवृष्टीमुळे बटाट्याचे मोठे नुकसान झाल्याने त्याचा थेट परिणाम विविध बाजारपेठांवर जाणवत आहे. 

दक्षिण महाराष्ट्र व उत्तर महाराष्ट्राच्या सीमेवर असणाऱ्या बेळगाव बाजारसमितीत तर बटाट्याची केवळ चाळीस टक्के आवक होत आहे. बेळगाव बाजार समितीत क्विंटलला बटाट्याचा दर २२०० रुपयांपर्यंत पोचला आहे. पावसामुळे बटाट्याचे पीक गेल्याने येत्या काही दिवसांत तरी बटाट्याची आवक खूपच कमी रहाणार असल्याचे बेळगाव बाजार समितीतील सूत्रांनी सांगितले. 

बेळगाव बाजारपेठ ही कोल्हापूर जिल्ह्यातील पश्‍चिमेकडील भागासाठी सोयीस्कर ठरते. गडहिंग्लज परिसरातील बटाटाही या भागात जातो. परंतु, यंदा पावसाने सगळेच गणित बिघडले. बेळगावबरोबर बेंगळूर परिसरातील बटाट्याच्या पट्ट्यात यंदा अवकाळी पावसाने बटाट्याची काढणी शक्‍य झाली नाही. यामुळे शेतकऱ्यांना मोठे नुकसान झाले. कर्नाटकात नवा बटाटा नसल्याने आता बाजारपेठांची गरज भागविण्यासाठी कोल्ड स्टोअरेजमधून बटाट्याची आवक व्यापाऱ्यांमार्फत होत आहे.

कोल्हापूरसह परिसरातील बाजारपेठांमध्ये कोल्डस्टोअरजमधील बटाटा येत आहे. तोही अगदी गरजेइतकाच येत आहे उत्तर भारतातला बटाट्याचा हंगाम जानेवारीनंतर सुरू होणार असल्याने जानेवारीपर्यंत मागणीइतक्‍या बटाट्याचा पुरवठा करण्याचे आव्हान व्यापाऱ्यांपुढे असल्याचे कोल्हापूर बाजार समितीतील बटाटा व्यापाऱ्यांनी सांगितले. 

गेल्या पंधरा दिवसांपासून थोड्या थोड्या प्रमाणात बटाट्याची आवक घटली. नोव्हेंबर महिन्यात दररोज सुमारे चार हजार पोती बटाटा बाजार समितीत दाखल होत होता. आता हे प्रमाणे दोन ते अडीच हजार पोत्यावर आले. यामुळे कोल्हापुरातही बटाट्याचे दर वाढत आहेत. गेल्या वर्षीच्या तुलनेत बटाट्याचे दर पंधरा ते वीस टक्क्‍यांनी वाढत असल्याची माहिती कांदा बटाटा विभागातून देण्यात आली.

प्रतिक्रिया

सध्या उत्तर भारतातील हंगाम संपला आहे. यामुळे बटाटा आवक घटली आहे. जानेवारीनंतरच या भागातून बटाट्याची आवक होईल. तो पर्यंत बटाटा कमी प्रमाणात येणार आहे
- मनोहर चूग, कांदा बटाटा व्यापारी, कोल्हापूर बाजार समिती

ऑक्टोबरमध्ये झालेल्या जोरदार पावसामुळे बटाट्याचे नुकसान झाले आहे. यामुळे यंदा आमच्या भागातून अगदी नाममात्र प्रमाणात बटाटा बाजारपेठेत जात आहे.
- बाबूराव पाटील, कवळीकट्टी, ता. गडहिंग्लज, जि. कोल्हापूर


इतर बातम्या
कृषी कायद्यांना एकसंध विरोध; मुंबईत...मुंबई : दिल्लीतील शेतकरी आंदोलनाला पाठिंबा,...
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...
पुणे विभागात गहू क्षेत्रात ३६ हजार...पुणे ः गहू पेरणीस पोषक हवामान उशिराने तयार झाले....
संघटित कुक्कुटपालनातून ‘बर्ड फ्लू’चा...नाशिक : विभागात संघटित व शास्त्रीय पद्धतीने...
अण्णांच्या शेतकरी आंदोलनाला चार...नगर ः पीपल्स हेल्पलाइन, भारतीय जनसंसद व ‘मेरे देश...
महाराष्ट्राच्या चित्ररथावर संत...राळेगणसिद्धी, जि. नगर : प्रजासत्ताकदिनी (ता. २६)...
मराठवाड्यातील उपयुक्‍त पाण्यात दोन...औरंगाबाद : मराठवाड्यातील एकूण प्रकल्पांमधील...
जालना जिल्ह्यातील दोन केंद्रांत अडीच...जालना : येथील कृषी उत्पन्न बाजारसमिती व उपबाजार...
पाणीपुरवठ्यापासून एकही गाव वंचित...परभणी ः  ‘‘‘हर घर नल से जल’ योजनेअंतर्गत...
लिंबूवर्गीय फळांच्या आयातीवरील बंधने...२०२१ च्या सुरवातीस ब्रिटनने युरोपीय संघाच्या एकल...
पीकविमा सरसकट द्या; ‘प्रहार जनशक्ती’ची...नांदेड : पीकविमा मंजूर व्हावा म्हणून यापूर्वी...
मनमाडमध्ये शेतकऱ्यांच्या ट्रॅक्टर...नाशिक : मनमाड येथे किसान सभेच्या वतीने ...
नगर जिल्हा बँकेची निवडणूक महाविकास...नगर :  नगर जिल्हा मध्यवर्ती सहकार बॅंकेची...
समन्यायी पाणी वाटप आव्हानात्मक विषय : ...नांदेड : समन्यायी पाणी वाटप हा दिवसेंदिवस अत्यंत...
`मका खरेदीची प्रक्रिया शुक्रवारपर्यंत...नाशिक: ‘‘मका खरेदीसाठी शासनाने ३२ जानेवारी पर्यंत...
तीन हजार महिलांना देणार रोजगार : विजय...चंद्रपूर : ‘जिच्या हाती पाळण्याची दोरी, ती जगाला...
पत्र्या ठोकण्याची वेळ आणू नका : राजू...सांगली : केंद्र सरकार कृषी कायदे शेतकऱ्यांवर...
मका खरेदीचे कमी उद्दिष्ट, शेतकऱ्यांसमोर...बुलडाणा : मका खरेदीसाठी शासनाने नवे उद्दिष्ट देऊन...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...