खरिपातील धानाला देणार २५०० रुपयांचा दर : प्रफुल्ल पटेल

भंडारा ः केंद्र सरकारकडून धानाला हमीभाव कितीही असला तरी येत्या खरिपातील धानाला बोनस आणि सानुग्रह अनुदानाच्या माध्यमातून २५०० रुपयांचा दर दिला जाईल, असे आश्‍वासन खासदार प्रफुल्ल पटेल यांनी दिले.
प्रफुल्ल पटेल
प्रफुल्ल पटेल

भंडारा  ः केंद्र सरकारकडून धानाला हमीभाव कितीही असला तरी येत्या खरिपातील धानाला बोनस आणि सानुग्रह अनुदानाच्या माध्यमातून २५०० रुपयांचा दर दिला जाईल, असे आश्‍वासन खासदार प्रफुल्ल पटेल यांनी दिले.

लाखांदूर बाजार समितीत आयोजित कार्यकर्ता व पदाधिकार मेळाव्यात श्री. पटेल बोलत होते. या वेळी आमदार राजू कारेमोरे, मनोहर चंद्रिकापुरे, राष्ट्रवादी काँग्रेसचे जिल्हाध्यक्ष नाना पंचबुद्धे, माजी आमदार राजेंद्र जैन, माजी तालुकाध्यक्ष नरेश दिवटे, बाजार समिती उपसभापती देवा राऊत, दीपक चिमणकर, मोहन राऊत, देवानंद नागदेवे उपस्थित होते.

या वेळी श्री. पटेल म्हणाले, की शेतकऱ्यांच्या शेतीमालास जास्तीत जास्त दर मिळवून देण्यासाठी राष्ट्रवादी काँग्रेस नेहमीच प्रयत्नशील राहिली आहे. त्यामुळेच उन्हाळी धान खरेदीला मुदतवाढ मिळावी या मागणीचा पाठपुरावा करण्यात आला. धान खरेदीला एक महिन्याची मुदतवाढ मिळाली आहे. जिल्ह्यात पहिल्यांदाच हमीभावाने मका खरेदी करण्यात आला. येत्या हंगामातदेखील शासकीय मका खरेदी होणार असल्याने शेतकऱ्यांनी मका लागवड क्षेत्रात वाढ करावी.  

‘कोरोना’च्या पार्श्वभूमीवर लॉकडाउनमुळे सर्वसामान्य नागरिकांची आर्थिक स्थिती कोलमडली आहे. याचा विचार करता त्यांना दिलासा देण्याकरिता वीजबिलात सूट मिळावी, अशी अपेक्षा आहे. त्याकरिता केंद्र आणि राज्य शासन स्तरावर चर्चा केली जाईल, असेही खासदार पटेल यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com