Farming Agricultural News Marathi regional review meeting of agriculture department Nashik Maharashtra | Agrowon

कामाच्या माध्यमातून दिसावे कृषी विभागाचे प्रतिबिंब : कृषिमंत्री दादा भुसे

टीम अॅग्रोवन
शनिवार, 15 फेब्रुवारी 2020

कृषी विभागातील कर्मचाऱ्यांच्या काही मागण्या प्रलंबित आहेत. त्या सोडवण्यासाठी मी स्वतः मध्यस्थी करेल. शेतकऱ्यांचे प्रश्न प्राधान्याने सोडवल्यास ते तुमचा मनापासून सन्मान करतील. मात्र, त्यासाठी कृषी विभागाने कामामध्ये सुधारणा करणे आवश्यक आहे.
— दादा भुसे, कृषिमंत्री

नाशिक  : विशिष्ट शेतकऱ्यांसाठीच कृषी विभाग काम करतो, असा आरोप होतो. कामामध्ये सर्वसामान्य गरजू शेतकऱ्यांची संख्या कमी असते, हे चित्र बदलायला हवे. तळागाळातील शेतकरी न्यायाच्या प्रतीक्षेत आहेत. त्यांना योजनांचा लाभ देऊन कामाच्या माध्यमातून कृषी विभागाचे प्रतिबिंब दिसायला हवे, असे प्रतिपादन कृषिमंत्री दादा भुसे यांनी केले.

नाशिक विभागीय कृषी आढावा बैठकीचे शुक्रवारी (ता. १४) आयोजन करण्यात आले होते. या वेळी मंत्री भुसे बोलत होते. कृषी सचिव एकनाथ डवले, कृषी आयुक्त सुहास दिवसे, फलोत्पादन संचालक श्री. जमधडे, प्रभारी विभागीय कृषी सहसंचालक संजीव पडवळ, विभागीय अधीक्षक कृषी अधिकारी सुनील वानखेडे या वेळी उपस्थित होते. 

श्री. भुसे म्हणाले, की शेतकऱ्यांच्या अपेक्षांची पूर्ती व्हावी आणि कर्मचाऱ्यांच्या कामात गती यावी, यासाठी डिजिटलायझेशनवर भर देण्यात येईल. कृषी विभागाच्या प्रगतीचा आलेख उंचावत असला तरी दुसरीकडे शेतकरी आत्महत्या वाढत आहेत ही गंभीर बाब आहे. त्यामुळे शेतकरी आत्महत्या रोखण्यासाठी सामूहिकरीत्या काम करावे.

या वेळी श्री. डवले म्हणाले, की पीक उत्पादकता वाढीसोबत शेतकऱ्यांच्या उत्पन्नवाढीसाठी प्रयत्न सुरू आहेत. कृषी विभागातील कार्यरत घटकांनी स्वतःच्या शेतात प्रयोग राबवून गाव व परिसरातील शेतकऱ्यांना दिशादर्शक ठरेल असे काम करून दाखवावे.

कृषी आयुक्त श्री. दिवसे म्हणाले, की नव्या तयार होणाऱ्या आकृतिबंधात कामकाजाची गुणवत्ता सुधारताना स्पेशलायझेशनवर भर दिला जाईल. त्यात कामांच्या जबाबदाऱ्या निश्चित करताना कृषी अर्थशास्त्र केंद्रित काम करण्याच्या विभागाला सूचना केल्या आहेत. या वेळी प्रयोगशील शेतकरी व उत्कृष्ट काम करणाऱ्या कृषी कर्मचाऱ्यांचा सन्मान कृषिमंत्र्यांच्या हस्ते करण्यात आला. 

ग्रामविकासासारखे मॉडेल राबवा
ग्रामविकासासारखे कृषी विकासाचे मॉडेल विकसित करून कृषी व संलग्न विभाग एकाच छताखाली जिल्हा व तालुका स्तरावर एकत्रित आणून शेतकऱ्यांना आवश्यक सुविधा देणे सोईस्कर होईल, अशी सूचना या वेळी कृषी अधिकऱ्यांनी मांडली.
 


इतर अॅग्रो विशेष
यंदाची चैत्री वारी रद्द, पंढरपुरात येऊ...सोलापूर ः पंढरपुरात श्री विठ्ठल-रुक्मिणीमातेची...
पुणे बाजार समितीत १७ हजार क्विंटल फळे...पुणे: कोरोना विषाणूचा प्रादुर्भाव रोखण्यासाठी...
जळगाव बाजारसमितीत सोशल डिस्टन्सिंगकडे...जळगाव  ः येथील बाजार समितीत भाजीपाल्याची आवक...
देशात कोरोनाबाधीत १०७१ रुग्ण  नवी दिल्ली: देशात कोरोनाबाधीत रुग्णांची...
कोकण रेल्वेकडून अत्यावश्यक वस्तूंची जलद...रत्नागिरीः देशभरातील जनतेला आवश्यक वस्तूंचा...
सोनाई प्रकल्पात दहा लाख लिटर दूध नासले...पुणे: कोरोनामुळे राज्यात दुधाचा महापूर सुरू झाला...
बार्शी तालुक्यातील द्राक्षपट्टा...सोलापूर  ः कोरोना विषाणूच्या पार्श्वभूमीवर...
पुणे विभागात ३२९ क्विंटल भाजीपाल्याची...पुणे  ः ‘कोरोना’चा प्रादुर्भाव रोखण्यासाठी...
शाळांमध्ये शिल्लक धान्यांचे ...पुणे : कोरोनाच्या पार्श्वभुमीवर राज्यातील शाळांना...
कृषी पदव्युत्तर पदवी प्रवेशाच्या सामाईक...पुणे  : महाराष्ट्र कृषी विद्यापीठ परीक्षा...
शालेय विद्यार्थ्यांना मिळणार तांदूळ,...नगर ः शालेय पोषण आहार योजनेंतर्गत ग्रामीण भागातील...
लॉकडाऊनमधून बियाणे उद्योग वगळलापुणे : शेतकऱ्यांना बियाण्यांचा पुरवठा सुरळीत...
पुणे बाजार समितीत आज केवळ फळे, कांदा...पुणे: लॉकडाऊनमध्ये बाजार समित्यांमध्ये...
'कृषी'च्या सामाईक प्रवेश परिक्षेत...परभणी: महाराष्‍ट्र कृषी विद्यापीठे परीक्षा...
संकटातही कंदरच्या शेतकऱ्यांकडून आखातात...पुणेः सोलापूर जिल्ह्यातील कंदर (ता. करमाळा) येथील...
मध्य महाराष्ट्र, विदर्भात वादळी पावसाचा...पुणे : राज्यात पुर्वमोसमी पावसाला पोषक हवामान आहे...
माल वाहतुक करणाऱ्या वाहनांवरील टोल...मुंबई ः ‘कोरोना’च्या पार्श्वभूमीवर राज्यातील...
स्पेनच्या राजकन्येचा कोरोनामुळे मृत्यू...माद्रीद : स्पेनच्या राजकन्या मारीया टेरेसा यांचा...
राज्यात १२ नवे कोरोना रुग्ण, बाधितांची...मुंबई: राज्यात १२ नवे कोरोना पॉझिटिव्ह रुग्ण...
पुण्यात पोलिस बंदोबस्तात बाजार समिती...पुणे : कोरोनामुळे शहरात लॉकडाऊन असतानाही...