Farming Agricultural News Marathi zillha parishad will give cotton seeds on subsidy Akola Maharashtra | Page 2 ||| Agrowon

अकोला झेडपी शेतकऱ्यांना अनुदानावर देणार बीटी कपाशी बियाणे  

टीम अॅग्रोवन
रविवार, 24 मे 2020

अकोला  ः यंदा विविध संकटांमुळे हवालदिल असलेल्या शेतकऱ्यांना दिलासा देण्याच्या उद्देशाने अकोला जिल्हा परिषद खरीप हंगामात त्यांना मदत करणार आहे. जिल्ह्यातील अल्पभूधारक, सर्वसाधारण शेतकऱ्यांना एक एकरात लागवडीसाठी लागणाऱ्या बीटी कपाशी बियाण्यावर ९० टक्के अनुदान देणार आहे. यासाठी शेतकऱ्यांनी जिल्हा परिषदेकडे ५ जूनपर्यंत अर्ज करावेत असे आवाहनही करण्यात आले आहे. याकरिता १५ लाख रुपयांची सुरुवातीला तरतुद करण्याचे नियोजन करण्यात आले होते. मात्र आता यात वाढ केली जाण्याची शक्यता वर्तविली जात आहे.

अकोला  ः यंदा विविध संकटांमुळे हवालदिल असलेल्या शेतकऱ्यांना दिलासा देण्याच्या उद्देशाने अकोला जिल्हा परिषद खरीप हंगामात त्यांना मदत करणार आहे. जिल्ह्यातील अल्पभूधारक, सर्वसाधारण शेतकऱ्यांना एक एकरात लागवडीसाठी लागणाऱ्या बीटी कपाशी बियाण्यावर ९० टक्के अनुदान देणार आहे. यासाठी शेतकऱ्यांनी जिल्हा परिषदेकडे ५ जूनपर्यंत अर्ज करावेत असे आवाहनही करण्यात आले आहे. याकरिता १५ लाख रुपयांची सुरुवातीला तरतुद करण्याचे नियोजन करण्यात आले होते. मात्र आता यात वाढ केली जाण्याची शक्यता वर्तविली जात आहे.

यावर्षी ‘कोरोना’च्या पार्श्वभूमीवर ग्रामीण कृषी अर्थव्यवस्था अडचणीत आली आहे. दुसरीकडे जागतिक परिस्थितीचा विचार करता यावर्षी भारतातील कापसाला चांगला भाव मिळण्याची शक्यता आहे. हे लक्षात घेऊन अकोला जिल्ह्यातील अल्पभूधारक सर्वसाधारण शेतकऱ्यांना आर्थिक पाठबळ देत उत्पन्न वाढविण्याच्यादृष्टीने जिल्हा परिषदेच्या अध्यक्षा प्रतिभा भोजने आणि कृषी व पशुसंवर्धन सभापती पंजाबराव वडाळ यांच्या पुढाकाराने २०२०-२१मधील खरीप हंगामात कपाशी बीजी-२ बीटी बियाणे लागवडीसाठी ९० टक्के अनुदान योजनेस जिल्हा परिषद मुख्य कार्यकारी अधिकारी डॉ. सुभाष पवार यांनी प्रशासकीय मान्यता दिली आहे.

ही योजना अकोला जिल्ह्यातील सर्वसाधारण अल्पभूधारक शेतकऱ्यांसाठी असून प्रतिलाभार्थी कमाल एक एकरासाठी दोन कपाशी बियाणे पाकिटे याप्रमाणे मर्यादित राहिल. यासाठी शेतकऱ्यांनी सातबारा, नमुना ८अ उतारा, आधार कार्ड संलग्न बँक खाते पुस्तिकेच्या पहिल्या पानाची सत्यप्रत, अपंग असल्यास तसे अधिकृत प्रमाणपत्र अर्जासोबत ग्रामपंचायतीमार्फत पंचायत समितीला सादर करावे लागेल.

पंचायत समिती स्तरावर छाननी करून पात्र लाभार्थ्यांची यादीतून कृषी समितीद्वारे लाभार्थ्यांची अंतिम निवड करण्यात येईल. निवड झालेल्या लाभार्थ्यांनी अधिकृत परवानाधारक निविष्ठा विक्रेत्यांकडून संकरित कपाशी बीटी बियाणे खरेदी करून विहित खरेदी पावती कृषी विभागाकडे सादर केल्यानंतर ९० टक्के अनुदानाची रक्कम थेट लाभ हस्तांतरण (डीबीटी) द्वारे लाभार्थ्याच्या बँक खात्यात जमा करण्यात येईल. पेरणीनंतर कपाशी क्षेत्राची तपासणी करण्यात येईल. या योजनेचा जास्तीत जास्त शेतकऱ्यांनी लाभ घ्यावा, असे आवाहन जिल्हा परिष अध्यक्षा प्रतिभा भोजने, कृषी व पशुसंवर्धन सभापती पंजाबराव वडाळ, मुख्य कार्यकारी अधिकारी डॉ. सुभाष पवार, कृषी विकास अधिकारी डॉ. मुरली इंगळे यांनी केले आहे.


इतर ताज्या घडामोडी
जळगाव जिल्ह्यात टंचाईमुळे जादा दराने...जळगाव : जिल्ह्यात यंदा पेरणी वेळेत झाली, पण...
औरंगाबाद, जालना, बीड जिल्ह्यात...औरंगाबाद : मराठवाड्यातील औरंगाबाद, जालना, बीड आदी...
बीड विभागात १८ लाख क्विंटल कापसाची खरेदीबीड  ः राज्य कापूस पणन महासंघाच्या बीड...
महाळूंग येथील कोविड केअर सेंटरला `आयएसओ...सोलापूर : माळशिरस तालुक्‍यातील महाळूंग येथील...
नांदेड, परभणी, हिंगोलीत खतांसाठी...नांदेड : यंदा नांदेड, परभणी, हिंगोली जिल्ह्यांनी...
नाशिक जिल्ह्यात शेतकऱ्यांची धावपळ,...नाशिक : खरीप पिकांना वाढीच्या अवस्थेत खतांची...
पीकविमा प्रस्ताव सादर करण्यासाठी ३१...परभणी : ‘‘पंतप्रधान पीकविमा योजनेअंतर्गंत...
महाराष्ट्राच्या विकासात डॉ. चव्हाण...मुंबई : जनसेवा, राज्याची आणि देशाची सेवा...
सोलापूरसह नजीकच्या गावांमध्ये ...सोलापूर  : सोलापूर शहर आणि शेजारील...
नाशिक जिल्ह्यात सोयाबीन बियाण्यांच्या...नाशिक : खरीप हंगामात जिल्ह्यातील सोयाबीनची पेरणी...
नगरमध्ये मागणीच्या ५० टक्केच युरिया...नगर ः जोमात असलेल्या खरीप पिकांसाठी युरियाची...
शेतकऱ्याने तुटपुंज्या मदतीचा धनादेश...नाशिक : निसर्ग चक्री वादळाने ३ जून रोजी येवला...
अकोला : आवश्‍यक खते मिळवताना...अकोला ः या हंगामातील पिकांची लागवड होऊन बहुतांश...
सिंधुदुर्गात खते मिळाली; पण वेळेत नाहीतसिंधुदुर्ग ः खरीप हंगामाच्या सुरुवातीला जिल्ह्यात...
बुलडाण्यात सोयाबीनबाबत २७०० पेक्षा अधिक...बुलडाणा ः निकृष्ट बियाणे तसेच इतर कारणांमुळे...
विदर्भात खत कमतरतेमुळे जादा दराने विक्रीनागपूर : विदर्भातील सर्व जिल्ह्यात सध्या युरियाची...
रत्नागिरी जिल्ह्यात पुरेसा खत पुरवठारत्नागिरी : खरीप हंगामाच्या सुरुवातीला वेळेत खत न...
सांगलीत खतांची कमतरतासांगली ः जिल्ह्यात ८० टक्के खतांचा पुरवठा केला...
कोकण, मध्य महाराष्ट्रात मुसळधारेचा इशारापुणे : राज्यात मॉन्सून सक्रीय होण्यास पोषक हवामान...
मराठवाड्यात आतबट्ट्याचा दुग्ध व्यवसायऔरंगाबाद : दर दिवसाच्या दूध संकलनात फरक पडला नाही...