साहेब, पोलिसांच्या त्रासापासून मला वाचवा : युवा शेतकऱ्याची याचना

नगर ः काकडी विक्रीला घेऊन जाताना मोफत दोन किलो काकडी दिली नसल्याचा राग धरुन गेल्या सहा दिवसांपासून पोलिस कर्मचाऱ्याकडून त्रास दिला जात आहे. कधीही अवेळी येऊन घराची झडती घेत आहेत. त्यांच्या दहशतीपोटी मी सहा दिवसांपासून घराबाहेर आहे. त्यामुळे मी त्रस्त झालो असून मला बेलवंडी पोलिस ठाण्यातील पोलिसांकडून होणाऱ्या त्रासापासून वाचवा, अशी याचना वाडेगव्हाण (ता. पारनेर) येथील प्रगतिशील युवा शेतकरी दीपक प्रभाकर खंदारे यांनी नगर येथील पोलिस अधीक्षकांकडे मेलवर निवेदन देऊन केली आहे.
साहेब, पोलिसांच्या त्रासापासून मला वाचवा  : युवा शेतकऱ्याची याचना
साहेब, पोलिसांच्या त्रासापासून मला वाचवा : युवा शेतकऱ्याची याचना

नगर  ः काकडी विक्रीला घेऊन जाताना मोफत दोन किलो काकडी दिली नसल्याचा राग धरुन गेल्या सहा दिवसांपासून पोलिस कर्मचाऱ्याकडून त्रास दिला जात आहे. कधीही अवेळी येऊन घराची झडती घेत आहेत. त्यांच्या दहशतीपोटी मी सहा दिवसांपासून घराबाहेर आहे. त्यामुळे मी त्रस्त झालो असून मला बेलवंडी पोलिस ठाण्यातील पोलिसांकडून होणाऱ्या त्रासापासून वाचवा, अशी याचना वाडेगव्हाण (ता. पारनेर) येथील प्रगतिशील युवा शेतकरी दीपक प्रभाकर खंदारे यांनी नगर येथील पोलिस अधीक्षकांकडे मेलवर निवेदन देऊन केली आहे.

दिपक खंदारे यांनी पोलिस अधीक्षकांसह जिल्हाधिकारी, जिल्हा अधीक्षक कृषी अधिकारी, कृषी आयुक्त व अन्य ठिकाणी पाठवलेल्या निवेदनात म्हटले आहे, की मी काकडीसह विविध शेतपिकांचे उत्पादन घेतो. सध्या लॉकडाउन असल्याने मी १७ एप्रिलला सायंकाळी ट्रॅक्टरमध्ये काकडी घेऊन शिरुर (जि. पुणे) येथे विक्रीसाठी जात असताना दुचाकीवर आलेल्या एका व्यक्तीने मला दोन किलो काकडी मोफत मागितली. ही काकडी व्यापाऱ्याला विकलेली असल्याने देता येत नसल्याचे सांगितल्यावर त्या व्यक्तीने मला मारहाण केली. त्यानंतर संबंधित व्यक्ती पोलिस असल्याचे कळाले.

मोफत काकडी दिली नसल्याचा राग धरुन त्यांच्यासह बेलवंडी पोलिस ठाण्यातील पोलिस मला त्रास देत असून आत्तापर्यंत दोन वेळा घरी येऊन झडती घेतली आहे. मला मारणार असल्याचे माझ्या कुटुंबीयांजवळ ते बोलत आहेत. मला पोलिस ठाण्यात बोलावत आहेत. त्यामुळे मी सहा दिवसांपासून बेलवंडी पोलिसांच्या दहशतीखाली असून घरी गेलो नाही. मला बाजारात जाण्यासह भिती वाटत असल्याने शेतात माझ्या मालाची नासाडी होत आहे. माझे काही बरेवाईट झाल्यास बेलवंडी पोलिस जबाबदार राहतील, असे स्पष्ट करतानाच पोलिस अधीक्षकांनी यात लक्ष घालून मला होणारा मानसिक त्रास थांबवावा आणि मला वाचवावे, असे खंदारे यांनी निवेदनात म्हटले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com