Farming Agricultural News Update Marathi seventy percent turmeric packs waiting for auction Sangli Maharashtra | Agrowon

देशभरातील शेतकऱ्यांकडे ७० टक्के हळद पोती पडून

अभिजित डाके
बुधवार, 22 एप्रिल 2020

हळदीला अपेक्षित दर मिळत नाहीये. त्यातच ‘कोरोना’च्या पार्श्वभुमीवर सौदे बंद आहेत. त्यामुळे माझ्याकडील हळदीची ७० पोती घरातच ठेवली आहेत. मालाला उठाव नाही. त्यामुळे आर्थिक फटका बसण्याची शक्यता आहे. 
- मनोज पाटील, हळद उत्पादक शेतकरी, पोखर्णी, ता. वाळवा, जि. सांगली.

सांगली : देशातील महाराष्ट्र, तेलंगणा, आंध्रप्रदेश आणि तामिळनाडू या प्रमुख राज्यांतील बाजारसमित्यांमध्ये हळदीचे सौदे होतात. परंतु, ‘कोरोना’च्या पार्श्वभूमीवर या बाजार समित्यांमधील सौदे सध्या बंद असल्याने देशभरातील शेतकऱ्यांकडे नव्या हळदीची ७० टक्के म्हणजेच सुमारे ५५ ते ६० लाख पोती पडून असल्याची माहिती व्यापारी सूत्रांनी दिली. परिणामी, या हळदीचे नुकसान होण्याची शक्यता असल्याने शेतकरी हवालदिल झाले असून, बाजार समित्या अजून किती दिवस बंद राहणार, असा प्रश्न उपस्थित केला जात आहे.  

देशातील हळदीचा हंगाम सुरु झाला आहे. तामिळनाडू, आंध्रप्रदेश आणि महाराष्ट्रात हळदीचे सौदे काढण्यात येत होते. साधारणपणे सौदे सुरु झाले की दोन महिन्यांत सुमारे ५० टक्के हळदीची विक्री होते. त्यानंतर दहा महिन्यांत ५० टक्के हळदीची विक्री होते.  मात्र, मार्च महिन्याच्या मध्यावधीतच देशात कोरोना विषाणूचा प्रादुर्भाव होण्यास सुरवात झाली. या दरम्यान देशभरात २५ ते ३० टक्के हळदीची विक्री झाली होती. ‘कोरोना’चा प्रसार होऊ नये म्हणून  देश लॉकडाऊन करण्याचा निर्णय केंद्र सरकारने घेतला.

त्यामुळे बाजार समित्यांमधील सर्व पिकांचे सौदे बंद करण्यात आले. त्याकाळात बाजार समितीत हळद विक्रीसाठी आली होती. ती हळद आजही बाजार समितीतील व्यापाऱ्यांनी आपल्या गोदामांमध्ये ठेवली आहे. अद्यापर्यंत हळदीसाठी प्रसिध्द असलेल्या बाजार समित्यांनी सौदे सुरु केलेले नाहीत. त्यामुळे अनेक शेतकऱ्यांनी हळद आपल्या घरातच ठेवली आहे. यामुळे हळदीचे उत्पादन घेण्यासाठी शेतकऱ्यांनी गुंतवलेले भांडवल अडकले आहेत. हा खर्च कधी भरुन निघणार अशी चिंता शेतकऱ्यांना भेडसावत आहे. वास्तविक पाहता मराठवाडयात गुढीपाडव्याला हळदीचे सौदे सुरु होतात. परंतू, तेथेही सौद्यांना अद्याप प्रारंभ झालेला नाही. 
 
‘हळदीच्या मागणीत वाढ होण्याची शक्यता’
गेल्या चार ते पाच वर्षांपासून हळदीला सरासरी ७००० ते ९००० रुपये क्विंटल दर मिळत आहे. यंदा नव्या हळदीला १४ हजार रुपये क्विंटल असा दर मिळाला. त्यानंतर दरात घसरण झाली. सौदे सुरु झाल्यानंतर हळदीच्या मागणीत वाढ होईल, परंतू दरावर फारसा परिणाम होण्याची शक्यता नसल्याचे हळद उद्योगातील जाणकारांनी व्यक्त केले आहे.

अशी आहे स्थिती

  • हळद पावडर निर्मिती ठप्प.
  • देशात हळदीचे उत्पादन १० ते १५ टक्क्यांनी वाढण्याची शक्यता.
  • हळद व पावडरीची निर्यात थांबली.
  • हळद ठेवण्यासाठी शासकीय गोदामे उपलब्ध करुन देण्याची गरज.
  • शासनाने सौदे सुरु करण्यासाठी पुढाकार घेण्याची शेतकऱ्यांची मागणी.

इतर अॅग्रोमनी
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...
साखर विक्रीची मुदत १० जूनपर्यंत वाढवा...कोल्हापूर : इंडियन शुगर मिल्स असोसिएशनने (इस्मा)...
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
कापूस उत्पादनात २४ लाख गाठींनी घट शक्यजळगाव ः देशात कापसाच्या उत्पादनात सुमारे २४ लाख...
इंडोनेशियात साखर दरावरुन वातावरण तापले कोल्हापूर: लॉकडाऊनमुळे इंडोनेशियात साखर जात...
आत्मनिर्भर भारत योजनेला मंजुरी :...नवी दिल्ली : आत्मनिर्भर (स्वावलंबी) भारत योजनेत...
कीडनाशकांवर बंदीबाबत उद्योगातून तीव्र...पुणे : केंद्रीय कृषी मंत्रालयाच्या २७ रासायनिक...
काढणी-मळणी यंत्रांना मागणी वाढण्याची...पुणे: कोविड १९ साथीनंतर तयार झालेल्या आपत्कालिन...
देशातून ३६ लाख टन साखर निर्यात पुणे: देशातील साखर कारखान्यांनी निर्यातीसाठी...
धोरणं बदलल्यास खाद्यतेलात भारत...एके काळी दोन वेळच्या अन्नासाठी इतर देशांकडे हात...
कृषी सलग्न व्यवसायासाठी ‘मुद्रा’मुद्रा योजनेत तीन प्रकार आहेत.  शिशू...
‘कोरोना’विषयक सेवेतून आम्हाला मुक्त करा...पुणे : ‘राज्यातील ९ हजार कृषी सहायकांना विविध...
एप्रिलमध्ये यंदा खत विक्रीत देशात ७१...नवी दिल्लीः कोरोना विषाणूच्या संसर्गामुळे देशात...
तारण अन् गहाणखतज्या चल बाबी आहेत, त्यांचे जे तारण बँक घेते,...
जळगावचा सुवर्णबाजारात ४२ दिवसानंतर...जळगाव ः राज्यभरात प्रसिद्ध असलेला जळगावचा...
पुढील हंगामावरही शिल्लक साखरेचे ओझे? कोल्हापूर: देशात यंदा गेल्या वर्षीच्या तुलनेत...
इंडोनेशिया, इराणकडून साखरेला मागणी कोल्हापूर: गेल्या दोन महिन्यांपासून साखर...
गावबंदी सर्व्हेक्षण : भाज्या, फळांचे ६०...कोरोना महामारीच्या उद्रेकामुळे राज्यात लावलेली...
डाळ उद्योग अडचणीत; ३० कोटींचा फटकाजळगाव : कोरोनाच्या संकटात खानदेशातील डाळ...