ग्राम स्वच्छता, प्रयोगशील शेतीला चालना

लोणी बुद्रुक (ता.पाथरी, जि.परभणी येथेपाणीपुरवठा योजनेच्या स्रोतांचे बळकटीकरण करण्यासाठी महात्मा गांधी राष्ट्रीय ग्रामीण रोजगार हमी योजनेअंतर्गत नवीन सिंचन विहिरींचे काम सुरू करण्यात आले आहे.
ग्राम स्वच्छता, प्रयोगशील शेतीला चालना
Farmside road built by the villagers

लोणी बुद्रुक (ता.पाथरी, जि.परभणी येथे पाणीपुरवठा योजनेच्या स्रोतांचे बळकटीकरण करण्यासाठी महात्मा गांधी राष्ट्रीय ग्रामीण रोजगार हमी योजनेअंतर्गत नवीन सिंचन विहिरींचे काम सुरू करण्यात आले आहे. डिसेंबर, २०१७ मधील ग्रामपंचायतीच्या निवडणुकीत थेट जनतेने निवडून दिल्यामुळे मी लोणी बुद्रुक (ता.पाथरी, जि.परभणी) गावचा सरपंच झालो. ग्रामस्थांनी टाकलेल्या विश्‍वास सार्थ ठरविण्यासाठी लोकाभिमुख उपक्रम राबविण्याचे नियोजन केले. यापूर्वी नळपाणीपुरवठा योजनेअंतर्गत नळजोडणी तसेच हातपंपाद्वारे कुटुंबांना पिण्यासाठी पाणीपुरवठा केला जाते असे. परंतु पाणी गुणवत्ता तपासणीनंतर ग्रामस्थांच्या निरोगी आरोग्यासाठी ग्रामपंचायतीच्या गाळ्यामध्ये पाणी शुद्धीकरण संयंत्र बसविले. त्याद्वारे प्रत्येक कुटुंबास पाच रुपयांमध्ये वीस लिटर शुद्ध पाणी दिले जाते. लोणी बुद्रुक (ता.पाथरी, जि.परभणी येथे पाणीपुरवठा योजनेच्या स्रोतांचे बळकटीकरण करण्यासाठी महात्मा गांधी राष्ट्रीय ग्रामीण रोजगार हमी योजनेअंतर्गत नवीन सिंचन विहिरींचे काम सुरू करण्यात आले आहे. गावशिवारातील ओढ्यावर दोन बंधारे बांधण्यात आले आहेत. शेतरस्त्याचा हा प्रश्‍न मार्गी लावण्यासाठी शेतकऱ्यांनी वर्गणी जमा केली. त्याद्वारे जवळपास अर्धा किलोमीटरचा रस्ता तयार करण्यात आला आहे. शेती विकासासाठी आम्ही पुढाकार घेतला आहे. ग्राम विकासाचे उपक्रम

  • गावामध्ये पंधरा स्वयंसाह्यता बचत गटांच्या माध्यमातून महिला एकत्र आल्या आहेत. यातून महिन्याकाठी गरजू व्यक्तींना कर्ज दिले जाते.
  • ग्राम शिक्षण समितीच्या पुढाकारातून जिल्हा परिषदेच्या शाळेतील वर्गखोल्यांची रंगरंगोटी करण्यात आली आहे. विद्यार्थ्यांच्या कलागुणांना चालना देण्यासाठी विविध उपक्रमांचे आयोजन. 
  • गावातील अनेक जण सैन्यदल, सीमा सुरक्षा दलात कार्यरत आहेत. स्वातंत्र्य दिन, प्रजासत्ताक दिनानिमित्त त्यांचा ग्रामपंचायतीतर्फे गौरव. 
  • ग्रामपंचायतीच्या आजी -माजी पदाधिकाऱ्यांच्या वाढदिवसानिमित्त रक्तदान शिबिराचे आयोजन. 
  • जिल्हा नियोजन समितीच्या निधीतून सांस्कृतिक सभागृहाचे बांधकाम पूर्ण.  
  • लॉकडाउनच्या काळात गावातील ऊसतोड कामगारांना गावी सुखरूप आणण्यासाठी प्रयत्न. 
  • तांडा वस्ती सुधार योजनेतून त्या ठिकाणी शाळा वर्गखोल्या, रस्ते, पथदिव्याची सुविधा.     
  • ग्राम स्वच्छतेवर भर 

  • ग्रामपंचायतीस वित्त आयोगाचा निधी, समाज कल्याण विभाग यांच्याकडून प्राप्त विकास निधीतून गावामध्ये सिमेंट रस्ते बांधले, पेव्हर  ब्लॉक बसविले. ग्राम स्वच्छतेवर भर दिला.
  • ग्रामपंचायतीने घंटा गाडी सुरू केली आाहे. 
  • गावातील ९० टक्के कुटुंबात स्वच्छतागृह बांधकाम करून वापर सुरू केला आहे. सार्वजनिक स्वच्छतागृह प्रस्तावित आहे.
  • गावाजवळील स्मशानभूमीमध्ये पेव्हर ब्लॉक बसवून, रंगरंगोटी करून, सुशोभीकरण करून, तेथे वृक्षारोपण करण्यात आले आहे. 
  • शाळा तसेच सार्वजनिक ठिकाणी, गावातील रस्त्यांच्या दुतर्फा वृक्षारोपण करून त्यांना ट्री गार्ड बसविण्यात आले आहेत. 
  • Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

    ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.