Agriculture story in marathi forward market for agriculture commodities | Agrowon

हळद, गवार बीच्या फ्युचर्स किंमतीत घट

डॉ. अरुण कुलकर्णी
शुक्रवार, 29 नोव्हेंबर 2019

या सप्ताहात हरभरा, गवार बी, हळद व गहू यांच्या भावात घट झाली. इतर पिकांमध्ये वाढ झाली. सध्याच्या स्पॉट किमतींच्या तुलनेने गवार बी व हळद वगळता इतर सर्व पिकांच्या फेब्रुवारी/मार्च फ्युचर्स किमतींत वाढ दिसून येत आहे.

या सप्ताहात हरभरा, गवार बी, हळद व गहू यांच्या भावात घट झाली. इतर पिकांमध्ये वाढ झाली. सध्याच्या स्पॉट किमतींच्या तुलनेने गवार बी व हळद वगळता इतर सर्व पिकांच्या फेब्रुवारी/मार्च फ्युचर्स किमतींत वाढ दिसून येत आहे.

आता खरीप पिकाची आवक सुरू झाली आहे. खरीप पिकांच्या विक्रीचे व रबीच्या उत्पादनाचे नियोजन करण्याची ही वेळ आहे. या अंकात आपण मक्याचा तपशील पाहू. मक्याचा हमी भाव रु. १,७६० आहे. या वर्षी अवेळी झालेल्या पावसामुळे खरीप पिकावर त्याचा प्रतिकूल परिणाम झाला आहे. मात्र रब्बी पीक चांगले येईल अशी अपेक्षा आहे. भारतातील सध्या मक्याची स्पॉट किमत रु. १,८५० आहे. डिसेंबर फ्युचर्स किमत १,९०१ आहे. ती चांगल्या रबी पिकाच्या उत्पादनामुळे फेब्रुवारी डिलिवरीसाठी रु. १,८७५ असेल. या परिस्थितीत सध्यातरी भाव वाढण्याची शक्यता कमी वाटते.

गेल्या सप्ताहातील एनसीडीइएक्स व एमसीएक्समधील किमतीतील चढउतार खालीलप्रमाणे होते.
मका (खरीप)
खरीप मक्यामध्ये अजून फारसे व्यवहार होत नाहीत. मक्याच्या (डिसेंबर २०१९) किमती ऑक्टोबर महिन्यात रु. २,००० ते रु. २,०६० च्या दरम्यान होत्या. या सप्ताहात फ्युचर्स (डिसेंबर २०१९) किमती २.४ टक्क्यांनी वाढून रु १,९०१ वर आल्या आहेत. स्पॉट किमती (सांगली) रु. १,८५० वर आल्या आहेत. या वर्षीचा हमी भाव रु. १,७६० आहे.

सोयाबीन
सोयाबीन फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,६६२ ते रु. ३,८२२). या सप्ताहात त्या १.३ टक्क्यांनी वाढून रु. ४,०४२ वर आल्या आहेत. स्पॉट (इंदूर) किमती १.७ टक्क्यांनी वाढून रु. ४,०२४ वर आल्या आहेत. नवीन वर्षासाठी हमी भाव रु. ३,७१० आहे. फेब्रुवारी डिलिवरीसाठी रु. ४,०८२ भाव आहे. सोयाबीन मधील तेजी अजून कायम राहण्याची शक्यता आहे.

हळद
हळदीच्या फ्युचर्स (डिसेंबर २०१९) किमती १८ ऑक्टोबरपर्यंत उतरत होत्या. (रु. ६,१२० ते रु. ५,७२०). नंतर त्या वाढत आहेत. या सप्ताहात त्या ३.८ टक्क्यांनी उतरून रु. ५,६०० वर आल्या आहेत. स्पॉट (निझामाबाद) किमती रु. ५,९४९ वर आल्या आहेत. एप्रिलच्या फ्युचर्स किमती सध्याच्या स्पॉट किमतींच्या तुलनेने ०.१ टक्क्यांनी कमी आहेत (रु. ५,९९६).

गहू
गव्हाच्या (डिसेंबर २०१९) किमती १६ ऑक्टोबरपासून उतरत होत्या. (रु. २,१८० ते रु. २,१३६). या सप्ताहात त्या रु. २,१४१ वर आल्या आहेत. स्पॉट (कोटा) किमती रु. २,१३३ वर आल्या आहेत. फेब्रुवारीच्या फ्युचर्स किमती सध्याच्या स्पॉट किमतींपेक्षा ०.३ टक्क्यांनी अधिक आहेत (रु. २,१६१).

गवार बी
गवार बीच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ३,९३८ ते रु. ४,११८). गेल्या सप्ताहात त्या ०.४ टक्क्यांनी घसरून रु. ४,२९४ वर आल्या होत्या. या सप्ताहात त्या ४.१ टक्क्यांनी घसरून रु. ४,११८ वर आल्या आहेत. स्पॉट (जोधपूर) किमती रु. ४,०७० वर आल्या आहेत. सध्याच्या स्पॉट (जोधपूर) किमतींपेक्षा फेब्रुवारीमधील फ्युचर्स किमती ०.६ टक्क्यांनी कमी आहेत (रु. ४,२०८).

हरभरा
हरभऱ्याच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ४,२४७ ते रु. ४,५२०). या सप्ताहात त्या ०.१ टक्क्यांनी घसरून रु. ४,४४४ वर आल्या आहेत. स्पॉट (बिकानेर) किमती रु. ४,३५७ वर आल्या आहेत. सध्याच्या स्पॉट (बिकानेर) किमतींपेक्षा मार्चमधील फ्युचर्स किमती १.१ टक्क्यांनी अधिक आहेत (रु. ४,४३४).

कापूस
एमसीएक्समधील कापसाच्या फ्युचर्स (डिसेंबर २०१९) किमती ऑक्टोबर मध्ये वाढत होत्या. (रु. १८,९०० ते रु. १९,४१०). या सप्ताहातसुद्धा त्या १ टक्क्याने वाढून रु. १९,३२० वर आल्या आहेत. स्पॉट (राजकोट) किमती रु. १८,५१९ वर आल्या आहेत. फेब्रुवारी च्या फ्युचर्स किमती रु. १९,३२० वर आलेल्या आहेत. त्या सध्याच्या स्पॉट किमतींपेक्षा ४.९ टक्क्यांनी अधिक आहेत.

मूग
मुगाच्या फ्युचर्स (डिसेंबर २०१९) किमती ऑक्टोबर महिन्यात वाढत होत्या (रु. ६,२९१ ते ६,५८९). या सप्ताहात त्या २.६ टक्क्यांनी घसरून रु. ६,६५० वर आल्या आहेत. स्पॉट (मेरता) किमती रु. ६,५४१ वर आल्या आहेत. फेब्रुवारीच्या फ्युचर्स किमती रु. ७,०९० वर आल्या आहेत. मुगाचे हमी भाव रु. ७,०५० आहेत.

बासमती तांदूळ
बासमती तांदळामध्ये अजून व्यवहार होत नाहीत. स्पॉट (कर्नाल) किमती रु. ३,२५० वर आल्या आहेत. (सर्व किमती प्रती क्विंटल; कापसाची किमत प्रती १७० किलोची गाठी).

arun.cqr@gmail.com 


इतर अॅग्रोमनी
मध ठरू पाहतेय साखरेला पर्याय...खरंच ‘...नागपूर : साखरेमुळे वाढत चाललेल्या आरोग्याच्या...
कापसाची ४९०० ते ५००० रुपये दरात खेडा...जळगाव  ः राज्यात कापूस पट्ट्यात कापसाचे दर...
पपईला जागेवरच १८ रुपये प्रतिकिलो दरजळगाव ः खानदेशात पपईचा हंगाम सुरू झाला असून,...
गुजरातमधून मागणी मंदावल्याने गूळ दरांत...कोल्हापूर : गेल्या वर्षीच्या तुलनेत यंदा गुजरातला...
वाशीम : त्रुट्यांमुळे ‘किसान सन्मान’...वाशीम  ः पंतप्रधान किसान सन्मान निधी योजनेचा...
हळद, गवार बीच्या फ्युचर्स किंमतीत घटया सप्ताहात हरभरा, गवार बी, हळद व गहू यांच्या...
नागपुरी संत्रा चीनच्या 'प्रोटोकॉल'...नागपूर : माजी केंद्रीय कृषिमंत्री शरद पवार...
संकेश्‍वरी मिरचीचा ‘ठसका’ यंदा गायबकोल्हापूर : गेल्या महिन्यातील अतिवृष्टीने यंदा...
वायदा बाजारात सोयाबीन, कापसाच्या...या सप्ताहात खरीप मका, हळद, गवार बी यांच्यात घट...
कडधान्यातील स्वयंपूर्णता यंदा ठरणार...नवी दिल्ली ः देशात यंदा मॉन्सूनच्या उशिरा...
देशात रब्बी मूग पेरणीत २९ टक्के घटनवी दिल्ली: देशात रब्बी हंगामाच्या पेरणीला...
सोयाबीनशिवाय सर्व पिकांच्या वायदा...या सप्ताहात गहू व गवार बी वगळता इतर सर्व...
राज्यात कापूस दर हमीभावापेक्षा कमीचजळगाव  ः राज्यात कापसाचे दर हमीभावापेक्षा...
‘कॉन्टॅक्टलेस लेंडिंग’ पद्धतीची...नोव्हेंबर २०१६ मध्ये सरकारने ५०० आणि १०००...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
तीन वर्षांत हळदीच्या दरात दीड हजार...सांगली ः सांगली जिल्ह्यासह अन्य भागांत  ...
मका, हळद, गव्हाच्या किमतीमध्ये वाढरब्बी मक्याच्या बाजारातील स्पॉट किमती सध्या...
पाडव्याच्या मुहूर्तावर कोल्हापुरात...कोल्हापूर  : कोल्हापूर कृषी उत्पन्न बाजार...
अर्थशास्त्राला शेती, शेतकऱ्यांचे प्रश्न...सन २०१९ चे अर्थशास्त्राचे नोबेल भारतीय वंशाचे...
मका, हळद, हरभऱ्याच्या किमतीत वाढीचा कलरब्बी मक्याच्या बाजारातील स्पॉट किमती सध्याच्या...