पावसाळ्यात धार काढताना ही काळजी घ्या!

स्वच्छ दूध उत्पादनामुळे दुधाची प्रत चांगली राहण्यास मदत होते. पावसाळ्यात वातावरणातील ओलावा वाढल्याने जीव-जंतूची वाढही मोठ्या प्रमाणात होत असते.

गायीची धार काढण्याअगोदर गायीला चांगला खरारा करून घ्यावा. कास स्वच्छ, निर्जंतुक पाण्याने धुऊन घ्यावी. धार काढण्यापूर्वी कास स्वच्छ कापडाने कोरडी करून घ्यावी.

धार काढणाऱ्या व्यक्तींचे हात स्वच्छ आणि कोरडे असावेत. त्यांची नखे कापलेली असावीत. दूध हलक्या हाताने मात्र वेगाने काढावे.

गायीची धार काढण्याची वेळ शक्यतो बदलू नये. दूध काढण्यासाठी वापरायची भांडी स्वच्छ, कोरड्या आणि निमुळते तोंड असलेल्या भांड्यात काढावी. भांडी शक्यतो स्टेनलेस स्टीलची असावी.

धार काढताना पूर्ण दूध काढून घ्यावे. धार काढण्याची पद्धत योग्य म्हणजे पूर्ण हात पद्धतीने धार काढली पाहिजे.