म्हशींच्या रेडकांचे मृत्यु होण्याची कारणे!

आपल्याकडील सरासरी ५० टक्के रेड्कांचा मृत्यु होत असतो. रेडकांचे बहुतांश मृत्यु हे त्यांचे वय सहा महिने असतानाच होत असतो.

जन्मानंतर दहाव्या दिवशी रेडकाला जंताचे औषध न दिल्यास जंत प्रादुर्भावाची शक्यता वाढते.

जन्मतः रेडकाची कमी असलेली रोगप्रतिकारशक्ती विविध आजारास कारणीभूत ठरते. रेड्काच्या वजनानुसार १५ टक्के चिक २४ तासात दोन ते तीन वेळा विभागून पाजावा.

जीवनसत्त्व 'अ'च्या कमतरतेमुळे रेडकाची वाढ खुंटते. त्वचा रोग होऊन, ती निस्तेज दिसू लागते. यासाठी रेडकांना महिन्यातून पाच दिवस जीवनसत्त्वाची टॉनिक दिली पाहिजे.

बदलत्या वातावरणाचा देखील रेड्कांच्या वाढीवर परिणाम होत असतो. निवाऱ्याचे योग्य व्यवस्थापन करून, बदलत्या वातावरणापासून रेडकांचे संरक्षण करू शकता.