दूध का खराब होते?

दूध काढण्याची अस्वच्छ पद्धत, तापमानातील बदल, शीतकरणाच्या साधनाची कमतरता, धार काढणाऱ्या व्यक्तींची अस्वच्छता यासांरख्या कारणांमुळे दुधामध्ये सुक्ष्मजंतूंची वाढ झपाट्याने होत असते. यामुळे दूध खराब होण्याची दाट शक्यता असते.

पर्यायी वाहतुकीचे मार्ग उपलब्ध नसणे, वाहतुकीचे अंतर जास्त असणे या सर्व गोष्टींमुळे लहान किंवा मध्यम शेतकऱ्यांकडे उत्पादित होणारे दूध शहरांकडे पाठविण्यास विलंब होतो.

आपल्याकडील शेतकरी जनावरांची धार साधारणपणे दिवसातून दोन वेळा काढत असतात. मात्र काहीवेळेस डेअरीला पोहोचवललेलं दूध एकाच वेळेस वाहतूक करून प्रक्रिया केंद्राकडे पाठविले जाते.

सामान्य वातावरणात २० ते ४० अंश सेल्सिअस तापमानाला दुधातल्या जिवाणूंची वाढ झपाट्याने होत असते. दुधामध्ये सूक्ष्म जिवाणूंची संख्या वाढल्यामुळे दूध नासण्यास सुरवात होते. जिवाणूंची संख्या वाढू नये म्हणून दुधाची ५ अंश सेल्सिअस तापमानाला साठवणूक करणे गरजेची आहे.