देशभरातील विक्रमी उत्पादनाच्या पार्श्वभूमीवर हरभऱ्याचे दर घसरले आहेत. केंद्र सरकारने जाहीर केलेल्या हमीभावापेक्षा कमी किमतीत हरभरा विकल्या जात आहे.
हरभरा निर्यातीसाठी केंद्र सरकारने शेतकऱ्यांना रोख अनुदान देण्यात यावे, अशी मागणी कडधान्य निर्यातदार आणि व्यापाऱ्यांनी केली.
कडधान्य उद्योग क्षेत्रातील संघटनांनी यासंदर्भात केंद्रीय वाणिज्य आणि उद्योग मंत्रालयाला एक पत्रही पाठवले आहे. हरभरा निर्यातीसाठी शेतकऱ्यांना १० टक्के अनुदान देण्याची मागणी या संघटनांनी पत्राद्वारे केली.
देशातील हरभऱ्याचे उत्पादन वाढले आहे. हरभऱ्याचा हमीभाव (MSP) ५२.३० रुपये असताना बाजारात हरभरा ४३ रुपये प्रति किलो दराने विकला जात आहे. हे नुकसान भरून काढण्यासाठी केंद्र सरकारने हरभरा उत्पादक शेतकऱ्यांना निर्यातीसाठी १० टक्क्यांचे अनुदान द्यावे, असा आग्रह निर्यातदार आणि व्यापारी संघटनांकडून धरण्यात आला आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
