शेतकरी नियोजन पीक : सीताफळ

पुरंदर तालुक्यातील वडकी येथे माझी आठ एकर शेती आहे. त्यात दोन एकरांवर सीताफळ लागवड आणि उर्वरित क्षेत्रामध्ये पपई, पालक, टोमॅटो, ज्वारी या पिकांची लागवड आहे. बागेमध्ये २० वर्षे वयाची सीताफळ झाडे आहेत.
शेतकरी नियोजन पीक : सीताफळ
Farmer Planning Crop: Custard apple

शेतकरी ः निखिल तानाजी गायकवाड गाव ः वडकी, ता. पुरंदर, पुणे एकूण क्षेत्र ः आठ एकर सीताफळ क्षेत्र ः २ एकर पुरंदर तालुक्यातील वडकी येथे माझी आठ एकर शेती आहे. त्यात दोन एकरांवर सीताफळ लागवड आणि उर्वरित क्षेत्रामध्ये पपई, पालक, टोमॅटो, ज्वारी या पिकांची लागवड आहे. बागेमध्ये २० वर्षे वयाची सीताफळ झाडे आहेत. या वर्षीचे नियोजन 

  •  मे महिन्यात बागेची छाटणी केली. जुनी वाळलेली फळे आणि फांद्या काढून त्यांची योग्य विल्हेवाट लावली. त्यानंतर आंतरमशागतीची कामे केली.
  •  झाडाच्या खोडापासून काही अंतरावर शेणखत, निंबोळी पेंड दिले.
  •  जूनच्या पहिल्या आठवड्यामध्ये गरजेप्रमाणे पाणी दिले.
  •  सीताफळाला पालवी व कळी निघाल्यानंतर बुरशीजन्य आणि इतर रोगांचा प्रादुर्भाव होऊ नये, यासाठी फवारणीचे नियोजन करण्यात आले.
  •  फळधारणा झाल्यानंतर फळे काळी पडू नये यासाठी दर १५ दिवसांनी फवारणी केली.
  • कमी खतांचा वापर  दरवर्षी फळबागेला बहार धरण्याच्या एक महिना आधी शेणखत दिले जाते. त्यामुळे फळाची प्रत सुधारण्यास मदत होते. प्रति झाड ३ ते ४ किलो चांगले कुजलेले शेणखत दिले जाते. वेळेवर काढणी 

  •  बहर धरल्यानंतर साधारणपणे चार ते पाच महिन्यांत फळ काढणीला येते. फळे पक्व झाल्यानंतर मोठ्या आकाराच्या फळांची तोडणी केली जाते. बाजारभावाची माहिती घेऊन मजुरांच्या फळांच्या काढणीचे नियोजन असते. जेणेकरून चांगला दर मिळू शकेल.
  •  फळांच्या आकारमानानुसार त्यांची प्रतवारी केली जाते.
  • विक्री नियोजन 

  •  प्रतवारीनंतर फळे कॅरेटमध्ये भरून सासवड, पुणे येथील मार्केटमध्ये विक्रीसाठी पाठविली जातात. हंगामात दररोज ३० ते ३५ कॅरेट विक्रीसाठी पाठविली जातात.
  •  एक कॅरेटमध्ये साधारण १८ ते २० किलो वजनाची फळे बसतात.
  • उत्पन्न  सीताफळाचे एकरी आठ ते दहा टनाचे उत्पादन मिळते. प्रति किलो सिताफळास दहा ते १५० रुपयांपर्यत दर मिळतो. सरासरी ७० रूपयांपर्यत दर मिळतो. पुढील ३० दिवसांतील कामकाज 

  •  बागेची संपूर्ण छाटणी करण्याचे नियोजन आहे.
  •  त्यानंतर मशागत करून घेतली जाईल.
  •  झाडांच्या बाजूला खत घालणे. त्या सोबत किडींचा प्रादुर्भाव रोखण्यासाठी दाणेदार कीडनाशकांचा शिफारशीनुसार वापर केला जाईल.
  •  त्यानंतर पहिल्यांदा पाट पाणी पद्धतीने हलके पाणी दिले जाईल.
  •  त्यानंतर १५ दिवसांनी सूक्ष्म सिंचनाद्वारे पाणी दिले जाईल.
  • - निखिल गायकवाड, ९६९७४४४८४८  

    Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

    ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    www.agrowon.com