सध्याच्या हवामानात पीक व्यवस्थापन कसे कराल?

सोयाबीन पिक सध्या फुलोरा ते शेंगा धरण्याच्या अवस्थेत असल्याने पिकास पाण्याचा ताण बसत असल्यास संरक्षित पाणी द्यावे.
बदलत्या हवामानात कृषी जैवविविधतेचे महत्त्व
बदलत्या हवामानात कृषी जैवविविधतेचे महत्त्व

हवामान अंदाजानूसार मराठवाडयात दिनांक २६ ऑगस्ट ते १ सप्टेंबर दरम्यान पाऊस सरासरीपेक्षा कमी तर दिनांक २ सप्टेंबर ते ८ सप्टेंबर दरम्यान पाऊस सरासरीएवढा राहण्याची शक्यता आहे. १७ ते २१ ऑगस्ट दरम्यान बाष्पोत्सर्जनाचा वेग वाढलेला होता त्यानंतर तो काही प्रमाणात कमी झालेला आहे. वसंतराव नाईक मराठवाडा कृषि विद्यापीठ, परभणी येथील ग्रामीण कृषि मौसम सेवा योजनेतील तज्ञ समितीने पुढील प्रमाणे कृषि हवामान आधारीत कृषि सल्ल्याची शिफारस केली आहे.

बदलत्या हवामानात कृषी जैवविविधतेचे महत्त्व
Soybean : सोयाबीन आणि युरियाची मात्रा

सोयाबीन

सोयाबीन पिक सध्या फुलोरा ते शेंगा धरण्याच्या अवस्थेत असल्याने पिकास पाण्याचा ताण बसत असल्यास संरक्षित पाणी द्यावे. सोयाबीन पिकात पिवळा मोझॅक दिसून येत असल्यास प्रादूर्भाव ग्रस्त झाडे तात्काळ उपटून नष्ट करावीत. पांढऱ्या माशीचा प्रादुर्भाव कमी करण्यासाठी पिकामध्ये प्रति एकर १५-२० पिवळे चिकट सापळे लावावेत. सोयाबीन पिकावरील पिवळा मोझॅक प्रसारासाठी कारणीभूत असलेल्या पांढऱ्या माशीच्या व्यवस्थापनासाठी थायामिथोक्झाम १२.६०% + लँम्ब्डासायहॅलोथ्रीन (९.५०% झेडसी) २.५ मिली किंवा बिटासायफ्लूथ्रीन (८.४९ %) + इमिडाक्लोप्रीड १९.८१% ७ मिली प्रति ४० ग्रॅम प्रति १० लिटर पाण्यात मिसळून फवारणी करावी. सोयाबीन पिकावरील स्पोडोप्टेरा, उंटअळी, केसाळअळी, घाटेअळी या पाने खाणाऱ्या अळ्यांच्या व्यवस्थापनासाठी फ्लुबेंडामाईड (३९.३५ %) ३ मिली किंवा क्लोरअॅन्ट्रानिलीप्रोल १८.५ % ३ मिली किंवा इमामेक्टीन बेन्झोएट ५ % ४.४ ग्रॅम प्रति १० लिटर पाण्यात मिसळून फवारणी करावी. सोयाबीन पिकावरील शेंगावरील करपा रोगाच्या प्रतिबंधात्मक उपाययोजनेसाठी फुलोरा अवस्थेतील सोयाबीन पिकावर टेब्यूकोनॅझोल (१० टक्के) + सल्फर ६५ टक्के १५ ग्रॅम प्रति १० लिटर पाण्यात मिसळून पावसाची उघड बघून फवारणी करावी.

बदलत्या हवामानात कृषी जैवविविधतेचे महत्त्व
Cotton : कापूस पट्ट्यात बोंडअळीचा प्रादुर्भाव वाढू लागला

ज्वारी

उशीरा पेरणी केलेल्या खरीप ज्वारी पिकावर लष्करी अळीचा प्रादुर्भाव दिसून येत असल्यास व्यवस्थापनासाठी थायामिथोक्झाम १२.६ टक्के + लॅब्म्डा सायहॅलोथ्रीन ९.५ % ५ मिली किंवा स्पिनेटोरम ११.७ % ४ मिली प्रति १० लिटर पाण्यात मिसळून वरील किटकनाशकांची आलटून पालटून फवारणी करावी. फवारणी करत असतांना किडनाशक पोंग्यात पडेल अशाप्रकारे फवारणी करावी.

बाजरी पिकात आंतरमशागतीची कामे करून तण नियंत्रण करावे. ऊस पिकावर पायरीला (पाकोळी) चा प्रादुर्भाव दिसून येत आहे. व्यवस्थापनासाठी ५ % निंबोळी अर्क किंवा व्हर्टीसीलीयम लेकॅनी किंवा मेटारायझीयम ॲनीसोप्ली या जैविक बुरशीची ४० ग्रॅम प्रति १० लिटर पाण्यात मिसळून फवारणी करावी. रासायनिक व्यवस्थापनासाठी क्लोरोपायरीफॉस २० % ६०० मिली प्रति एकर फवारणी करावी.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com