Marathi Agri agricultural News committee established for exams planning Mumbai Maharashtra | Agrowon

परीक्षांच्या नियोजनासाठी समिती स्थापन ः मंत्री उदय सामंत

टीम अॅग्रोवन
बुधवार, 8 एप्रिल 2020

मुंबई  : राज्यातील ‘कोरोना’चा प्रादुर्भाव रोखण्यासाठी उपाययोजनेचा एक भाग म्हणून विद्यापीठ, महाविद्यालयीन आणि सीईटी परीक्षांचे नियोजित वेळापत्रक पुढे ढकलण्यात आले आहे. ‘कोरोना’चा वाढता प्रादुर्भाव पाहता विद्यार्थी आणि पालकांमध्ये परीक्षेसंदर्भात संभ्रम निर्माण झाला आहे. विद्यार्थ्यांचे शैक्षणिक नुकसान होऊ नये म्हणून यासर्व परीक्षांचे नियोजन आणि नियंत्रण करण्यासाठी समिती स्थापन करण्यात आली असल्याचे उच्च व तंत्र शिक्षण मंत्री उदय सामंत यांनी जाहीर केले.

मुंबई  : राज्यातील ‘कोरोना’चा प्रादुर्भाव रोखण्यासाठी उपाययोजनेचा एक भाग म्हणून विद्यापीठ, महाविद्यालयीन आणि सीईटी परीक्षांचे नियोजित वेळापत्रक पुढे ढकलण्यात आले आहे. ‘कोरोना’चा वाढता प्रादुर्भाव पाहता विद्यार्थी आणि पालकांमध्ये परीक्षेसंदर्भात संभ्रम निर्माण झाला आहे. विद्यार्थ्यांचे शैक्षणिक नुकसान होऊ नये म्हणून यासर्व परीक्षांचे नियोजन आणि नियंत्रण करण्यासाठी समिती स्थापन करण्यात आली असल्याचे उच्च व तंत्र शिक्षण मंत्री उदय सामंत यांनी जाहीर केले.

राज्यातील कृषीवगळता सर्व विद्यापीठांच्या कुलगुरूंशी मंत्री सामंत यांनी सोमवारी व्हिडिओ कॉन्फरन्सद्वारे संवाद साधला. यावेळी ते म्हणाले, की विद्यापीठ, महाविद्यालय आणि सीईटी सेलकडून पुढे ढकलण्यात आलेल्या परीक्षा रद्द होणार नाहीत. त्यामुळे विद्यार्थी आणि पालकांनी कोणत्याही अफवांवर विश्वास ठेवू नये. या सर्व परीक्षांचे वेळापत्रक नव्याने जाहीर करण्यात येईल. यासर्व परीक्षांचे नियोजन आणि नियंत्रण करण्यासाठी मुंबई विद्यापीठाचे कुलगुरू डॉ.सुहास पेडणेकर, सावित्रीबाई फुले पुणे विद्यापीठाचे कुलगुरू डॉ. नितीन करमाळकर, एसएनडीटी विद्यापीठाच्या कुलगुरू शशिकला वंजारी, कोल्हापुर येथील शिवाजी विद्यापीठाचे कुलगुरू देवानंद शिंदे, तंत्रशिक्षण विभागाचे संचालक डॉ.अभय वाघ, उच्च तंत्रशिक्षण विभागाचे संचालक धनराज माने यांची समिती गठीत करण्यात आली आहे.

ही समिती राज्यातील ‘कोरोना’चा प्रादुर्भाव, स्थानिक परिस्थितीचा अभ्यास करून महाविद्यालयीन परीक्षेचे वेळापत्रक, नियोजन, शैक्षणिक वर्षाचे नियोजन असा अहवाल तयार करून उच्च व तंत्र शिक्षण विभागाचे सचिव आणि मंत्री यांना सादर करतील त्यानंतर याबाबत निर्णय घेण्यात येईल असेही श्री. सामंत यांनी सांगितले.

विद्यापीठात मल्टीपर्पज लॅब सुरु करण्याबाबत सूचना
राज्यात ‘कोरोना’च्या पार्श्वभूमीवर अकृषी विद्यापीठांमध्ये विविध प्रकारच्या आजारांसंदर्भातील चाचण्या घेता येतील, अशा स्वरुपाच्या मल्टिपर्पज लॅब विद्यापीठांमध्ये सुरु करण्याच्या सूचनाही श्री.सामंत यांनी दिल्या. स्वामी रामानंद तीर्थ मराठवाडा विद्यापीठाने (नांदेड) अशा प्रकारची लॅब सुरु केली आहे. यासाठी केंद्र, राज्य शासन आणि आरोग्य विभागाच्या आवश्यक त्या सर्व परवानग्या तातडीने देण्यात येतील, याच पार्श्वभूमीवर राज्यातील इतर विद्यापीठांनी आपल्याकडे अशा प्रकारच्या लॅब सुरु करण्यासाठी प्रयत्न करावेत. त्यासाठी राज्य शासनाकडून सर्व परवानग्या देण्यात येतील अशी ग्वाही श्री. सामंत यांनी दिली. आरोग्य यंत्रणेला सहकार्य करण्यासाठी एनएसएसच्या विद्यार्थ्यांचीही मदत घेता येईल का याचा सर्व विद्यापीठांनी विचार करावा, अशा सूचनाही मंत्री सामंत यांनी कुलगुरूंना केल्या आहेत.


इतर ताज्या घडामोडी
सोलापूर जिल्ह्यात पावसामुळे महावितरणचे...सोलापूर ः महावितरणच्या अकलूज, पंढरपूर व...
वळण योजना प्रकल्प पूर्ण करा : भुजबळनाशिक : ‘‘जिल्ह्यातील पाणी पश्चिमेकडे वाहून...
कृषीकन्येकडून शेतकऱ्यांना मार्गदर्शनबदलापूर (जि.ठाणे) ः कृषी कार्यानुभव...
मालेगावात कांदा निर्यातबंदीच्या...मालेगाव, जि. नाशिक : गेल्या महिन्यात कांद्याला...
सोलापुरातील शेतकऱ्यांनो कृषी...सोलापूर : यंदाच्या वर्षासाठीची कृषी यांत्रिकीकरण...
जीवामृत निर्मितीचे प्रात्यक्षिकनशिराबाद, जि. बुलडाणाः येथील कृषीकन्या भाग्यश्री...
हिंगोलीतील सहा मंडळात अतिवृष्टीहिंगोली :जिल्ह्यात मंगळवारी (ता.२२) सकाळी...
द्राक्ष उत्पादकांची व्यापारी,...नाशिक : सुमारे ९५ टक्के द्राक्ष व्यापारी हे...
जळगाव जिल्ह्यात केळी उत्पादकांना विमा...जळगाव : शेतकरी प्रश्‍नी शरद जोशी प्रणित शेतकरी...
दुधना नदीला पूर, पिकांत पाणीच पाणीपरभणी : सेलू तालुक्यातील ब्रम्हवाकडी येथील निम्न...
उदगीरमधील ‘देवर्जन’ सात वर्षांनंतर भरलाउदगीर : देवर्जन (ता. उदगीर) येथील मध्यम...
बीड, लातूरमधील मंडळांत दमदार पाऊसऔरंगाबाद : औरंगाबाद, जालना, बीड, उस्मानाबाद,...
गिरणा पट्ट्यात पूर ओसरताच वाळूचा उपसा...जळगाव : गिरणा परीसरातील शेतकऱ्यांना पूर,...
सेस रद्द करा, अन्यथा बंद पुकारूपुणे ः केंद्र सरकारच्या कृषी आणि पणन विषयक तीन...
जळगावात बाजार समित्या बरखास्तीचे राजकारणजळगाव ः जिल्ह्यात दोन्ही काँग्रेस, शिवसेनेची...
शेतकऱ्यांसाठी सुखावणारा कायदा ः...कोल्हापूर ः शेती उत्पन्न व्यापार आणि वाणिज्य...
बुलडाण्यात दहा हजार हेक्टरवर क्षेत्र...बुलडाणा ः जिल्ह्यात शनिवार (ता. १९) व रविवारी (ता...
सिंधुदुर्ग जिल्ह्याला मुसळधार पावसाने...सिंधुदुर्ग ः जिल्ह्याच्या काही भागाला सोमवारी (ता...
अखेर ६६५ शेतकऱ्यांना विम्याचा लाभअकोला ः  सन २०१९ च्या खरीप हंगामात पंतप्रधान...
संत्रा वाहतुकीसाठी रेल्वेकडून वरूड...अमरावती : किसान रेल्वेच्या माध्यमातून येत्या...