नगर जिल्ह्याच्या विकासासाठी ९७१ कोटींची मागणी करणार ः हसन मुश्रीफ

पालकमंत्री हसन मुश्रीफ
पालकमंत्री हसन मुश्रीफ

नगर ः जिल्ह्याच्या विकासासाठी शासनाकडे ९७१ कोटींची मागणी केली जाईल. आगामी २०२०-२१ या आर्थिक वर्षासाठी प्रस्तावित करण्यात आलेल्या ५७१ कोटी ८० लाख रुपयांच्या आराखड्यास मान्यता देण्यात आली आहे. नियोजन समितीच्या आराखड्यातील तरतूद करण्यात आलेला निधी अखर्चित राहणार नाही याची दक्षता घ्या, असे स्पष्ट निर्देश ग्रामविकासमंत्री तथा जिल्ह्याचे पालकमंत्री हसन मुश्रीफ यांनी प्रशासकीय यंत्रणांना दिले. 

नगर येथे जिल्हाधिकारी कार्यालयात जिल्हा नियोजन समितीची बैठक सोमवारी झाली. जलसंधारणमंत्री शंकरराव गडाख, नगरविकास खात्याचे राज्यमंत्री प्राजक्त तनपुरे, जिल्हाधिकारी राहुल द्विवेदी, जिल्हा परिषदेच्या अध्यक्ष राजश्री घुले, आमदार रोहित पवार, संग्राम जगताप, मोनिका राजळे, नीलेश लंके, आशुतोष काळे व किरण लहामटे या वेळी उपस्थित होते.  

बैठकीनंतर मुश्रीफ म्हणाले, की जिल्हा नियोजन समितीच्या ५७० कोटी ८१ लाख रुपयांच्या आराखड्यास २०१९-२० करिता मंजुरी मिळाली होती. मंजूर निधीपैकी ३४० कोटी ३४ लाख रुपयांचा निधी प्राप्त झाला. त्यापैकी २८४ कोटी २० लाख रुपयांचा निधी मंजूर कामांसाठी वितरित करण्यात आला. डिसेंबरअखेर खर्च झालेला निधी १९६ कोटी ३६ लाख आहे. २०२०-२१ आराखड्यानुसार ५७१ कोटी ८० लाखांच्या आराखड्याला मान्यता दिली. लोकशाहीर अण्णा भाऊ साठे नागरी वस्ती सुधार योजनेअंतर्गत सात कोटी ५० लाख रुपये वितरित करण्याचे निश्‍चित करण्यात आले आहे.  

लोकशाहीर अण्णा भाऊ साठे योजनेतून मिळणारा निधी (आकडे लाखांत) ः नगर महापालिका- २.५०, श्रीरामपूर नगर परिषद-१०६.४५, संगमनेर- ४१.९७, कोपरगाव- ७६.२०, राहुरी- ५३.४९, देवळाली प्रवरा- ४६.८४, राहाता- ४३.४७, पाथर्डी- ३८.४०, श्रीगोंदे- ४४.०१, जामखेड- ४६.९९, शिर्डी- ६०.५४, अकोले- ३३.०६, कर्जत- ३७.९४, पारनेर- २९.१२, शेवगाव- ५३.५३, नेवासे- ३७.९३. 

या देवस्थानांना ‘क’ वर्ग दर्जा ः सुद्रिकेश्‍वर महाराज देवस्थान, श्रीराम देवस्थान (ता. श्रीगोंदे), गणेश मंदिर ट्रस्ट (ता. कोपरगाव).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com