कोल्हापुरात ‘कोरोना’चे २ रुग्ण

कोल्हापुर  : नजीकच्या सांगली जिल्ह्यातील कोरोनाग्रस्त रुग्णांच्या संपर्कामुळे कोल्हापूर जिल्ह्यात ‘कोरोना’चे दोन रुग्ण सापडल्याने खळबळ उडाली आहे. कोल्हापुरात रुग्ण सापडल्याने तातडीने भक्तीपुजा नगर येथे फवारणी सुरू करण्यात आली आहे.

इस्लामपूर येथील नातेवाईकांच्या संपर्कात आल्यानंतर पेठवडगाव येथील महिलेला कोरोनाचा संसर्ग झाला. मिरज येथील शासकीय रुग्णालयात या महिलेला दाखल करण्यात आले आहे. यानंतर पुण्याहून आलेल्या एका तरुणालाही कोरोना झाल्याचे निदान होताच भीतीचे वातावरण पसरले आहे. इस्लामपूरतील ज्या कुटुंबाकडून हा प्रसार झाला त्या कुटुंबाचा कोल्हापुरमधील काही नागरिकांशी संपर्क आल्याच्या चर्चेने दिवसभर भितीचे वातावरण होते.