Gold Market : सोने बाजारात २५ कोटींची उलाढाल

साडेतीन मुहूर्तांपैकी एक पूर्ण मुहूर्त असलेल्या विजयादशमी अर्थात दसऱ्याचा पर्वावर खरेदीसाठी ग्राहकांनी बुधवारी (ता. ५) मोठा उत्साह दाखविला.
Gold Market
Gold MarketAgrowon

जळगाव ः साडेतीन मुहूर्तांपैकी एक पूर्ण मुहूर्त असलेल्या विजयादशमी अर्थात दसऱ्याचा (Dussera Festival) पर्वावर खरेदीसाठी ग्राहकांनी बुधवारी (ता. ५) मोठा उत्साह दाखविला. कोरोना महामारीच्या दोन वर्षांनंतर बुधवारी निर्बंधमुक्त वातावरणात ग्राहकांनी खरेदीची (Gold Market) आनंद लुटला. एकट्या सुवर्णबाजारात ग्राहकांच्या खरेदीमुळे २५ कोटींची उलाढाल झाल्याचा अंदाज आहे.

Gold Market
Gold Rate : सोने दरात नरमाई; चांदीच्या दरात तेजी

बुधवारी सकाळपासूनच ढगाळ वातावरण होते, तरी खरेदीचा उत्साह नागरिकांमध्ये दांडगा होता. सकाळी दहापासूनच सोने, चांदीच्या दुकानांत सोने-चांदी खरेदीसाठी ग्राहकांची गर्दी होण्यास सुरुवात झाली.

विविध प्रकारचे दागिने बाजारात दसऱ्याच्या पार्श्वभूमीवर सादर करण्यात आले होते. त्यांच्या खरेदीला प्रतिसाद मिळाला. सोने खरेदीसाठी मध्य प्रदेशसह बुलडाणा भागातील ग्राहकही जळगावात आले होते. सराफ बाजारात सायंकाळपर्यंत मोठी गर्दी होती.

विजयादशमीला काही वर्षांपूर्वी सोन्याचा तुकडा खरेदी केला जात असे. दोन-तीन वर्षांपासून सोन्याचे दागिने खरेदीकडे कल वाढला आहे. मंगळसूत्र, पोत, बांगड्या, अंगठी, नेकलेस आदी आकर्षक डिझाइनच्या दागिन्यांना मागणी होती.
मनोहर पाटील, जनसंपर्क अधिकारी, रतनलाल सी. बाफना ज्वेलर्स, जळगाव.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com