Agriculture Market : शेतीमालाच्या दरात घसरण सुरूच

सध्या शेतीमालाच्या दरात घसरण सुरू असून, अनेक शेतकऱ्यांनी सोयाबीन, कापूस, हरभरा या शेतीमालाला चांगला दर मिळेल या आशेने पेरणी मोठ्या प्रमाणात केली.
Soybean Cotton Rate
Soybean Cotton RateAgrowon

नांदेड : जिल्ह्यात सध्या शेतीमालाच्या दरात (Agriculture Market Rate) घसरण सुरूच आहे. नांदेड कृषी उत्पन्न बाजार समितीच्या नवा मोंढा बाजारात सध्या हरभरा (Chana), तूर, हळद (Turmeric) व सोयाबीनची आवक (Soybean Arrival) सुरू आहे.

यात हळदीला सरासरी दर सहा हजार तीनशे, सोयाबीन ५,२५० रुपये, तूर ६,४०० रुपये, तर हरभऱ्याला ४,०५० रुपये प्रतिक्विंटल दर मिळत असल्याची माहिती बाजार समितीच्या सूत्राने दिली.

Soybean Cotton Rate
Soybean Market : आंतरराष्ट्रीय बाजारात सोयाबीन उच्चांकी पातळीवर

जिल्ह्यात सध्या शेतीमालाच्या दरात घसरण सुरू असून, अनेक शेतकऱ्यांनी सोयाबीन, कापूस, हरभरा या शेतीमालाला चांगला दर मिळेल या आशेने पेरणी मोठ्या प्रमाणात केली.

नैसर्गिक संकटाचा सामना करत उत्पादन हाती आल्यानंतर त्याला चांगले दर मिळेल, अशी आशा असताना मागील काही दिवसांपासून शेतीमालाच्या दरात सतत घसरण होत आहे. सोयाबीनला नांदेड बाजार समितीमध्ये कमाल दर ५,३४०, किमान ४,७९५ तर सरासरी पाच हजार दोनशे पन्नास रुपये दर मिळत आहे.

हळदीला कमाल दर ७,१५० किमान ६,०००, तर सरासरी सात हजार तीनशे रुपये दर मिळाला. तुरीला कमाल दर ६,४७० कमाल ६,५५०, तर सरासरी ६,४०० दर मिळाला.

दरम्यान, हरभऱ्याची आवक सुरू झाली असून, या हरभऱ्याला कमाल दर ४,०५० किमान ४,०५०, तर सरासरी चार हजार पन्नास रुपये दर मिळाल्याची माहिती बाजार समितीच्या सूत्रांनी दिली.

बाजारामध्ये शेतीमालाचे दर सतत घसरत असल्यामुळे शेतकऱ्यांनी सावध भूमिका घेऊन आवश्यकतेनुसार शेतीमालाचे विक्री करत आहेत. दरम्यान शेतीमाल घरात पडल्यामुळे शेतकऱ्यांचे अनेक व्यवहार ठप्प झाले आहेत.

जिल्ह्यात धने काढणीला प्रारंभ

देगलूर, धर्माबाद, नायगाव व बिलोली या भागांत शेतकऱ्यांनी पीक बदल करून धने पिकाची लागवड केली आहे. सध्या या भागात धन्याची काढणी सध्या सुरू असून, धर्माबाद बाजारामध्ये धन्याची विक्री केली जाते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com