केळी दरात सुधारणा सुरूच

निर्यातक्षम किंवा परदेशात निर्यातीच्या केळीला २२०० रुपये प्रतिक्विंटलपेक्षा अधिक दर आहे. रावेर, जळगाव बाजार समितीतर्फे १९५० रुपये प्रतिक्विंटलचा कमाल दर केळीला जाहीर केला जात आहे.
Banana
Banana Agrowon

जळगाव ः जिल्ह्यात केळी दरात (Banana Rate) सुधारणा सुरूच आहे. दरात मागील महिनाभरापासून सतत वाढ झाली असून, सध्या १९५० ते कमाल २२०० रुपये प्रतिक्विंटलचा दर केळीला आहे.

निर्यातक्षम किंवा परदेशात निर्यातीच्या केळीला (Export Quality Banana) २२०० रुपये प्रतिक्विंटलपेक्षा अधिक दर आहे. रावेर, जळगाव बाजार समितीतर्फे (Jalgaon APMC) १९५० रुपये प्रतिक्विंटलचा कमाल दर केळीला जाहीर केला जात आहे. केळीची आवक (Banana Arrival) जिल्ह्यात अत्यल्प किंवा हवी तेवढी नाही. यातच मागणी चांगली आहे. उत्तरेकडे दिल्ली, पंजाब, काश्मिर, उत्तर प्रदेशातील मॉल्समध्ये दर्जेदार केळीला उठाव आहे. तेथे चोपडा, फैजपूर (ता. यावल) व सावदा (ता. रावेर) येथील एजंट केळीची पाठवणूक करीत आहेत.

१६ किलोच्या कोरोगेटेड बॉक्समध्ये पॅकिंग करून केळीची पाठवणूक सुरू आहे. तसेच आखातातही केळीची निर्यात सुरू आहे. तीन कंपन्या केळीची आखातात निर्यात करीत आहेत. त्यासाठी फिल्ड पॅकिंग केली जात आहे. १३ किलोच्या कोरोगेटेड बॉक्समध्ये परदेशात निर्यातीच्या केळीची पॅकिंग केली जात आहे. केळीची आवक सध्या १३० ट्रक (एक ट्रक १६ टन क्षमता) एवढीच आहे. आवक कमी व मागणी अधिक आहे. याशिवाय राज्यासह राजस्थान, छत्तीसगड आदी भागातही केळीला मागणी आहे. कमी दर्जाच्या केळीलाही चांगले किंवा १४०० रुपये प्रतिक्विंटलपेक्षा अधिक दर आहेत. आखातात जळगाव जिल्ह्यातून सध्या रोज चार कंटेनर (एक कंटेनर २० टन क्षमता) केळीची पाठवणूक सुरू आहे. विक्रमी दरही परदेशात निर्यातीच्या केळीला मागील आठवड्यात मिळाले आहेत.

आखातासह उत्तरेकडे मागणी

मागील हंगामात कोविडचे काहीसे संकट होतेच. शिवाय केळीची आवक प्रतिदिन १८० ते २०० ट्रकपेक्षा अधिक होती. परंतु मागील वर्षी जून व जुलैमध्ये लागवडीच्या केळी पिकात कुकुंभर मोसॅक विषाणूचा प्रकोप झाला. यात केळीचे मोठे नुकसान रावेर, यावल, मुक्ताईनगर, चोपडा, जामनेर आदी भागात झाले. परिणामी सध्या केळीची आवक कमी आहे. कोविडचे संकट बाजारातून दूर झाले आहे. दुसरीकडे उष्णतेमुळे केळीला आखातासह उत्तरेकडे मागणी आहे. यामुळे दरात सतत सुधारणा झाली व उठाव टिकून आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com