बारामती : बारामती दराच्या प्रश्नांवरून राज्य सरकारने दुधाला एफआरपी (Milk FRP) लागू करण्यासाठी उपमुख्यमंत्री अजित पवार (Ajit Pawar) यांच्या अध्यक्षतेखाली मंत्रिमंडळ उपसमिती नेमली आहे. एफआरपीच्या या मुद्द्यावर शेतकरी संघटनेने (Shetkari Sanghatana) मात्र आक्षेप घेतला आहे. एफआरपीऐवजी आरएसएफ(RSF), महसुली उत्पन्नातील वाटणीप्रमाणे दुधाला दर (Milk Price) द्यावा, अशी मागणी शेतकरी संघटनांनी केली आहे.
शेतकरी संघटनेचे जिल्हाध्यक्ष पांडुरंग रायते म्हणाले, ‘‘शेतकऱ्यांनी एफआरपी (उचित आणि लाभदायक किंमत) याला विरोध करायला हवा. ऊस कारखानदारीतील नफेखोरीप्रमाणेच दूध संस्थासुद्धा यामुळे नफेखोरी करू लागतील. कायदेशीर बाबींप्रमाणे आरएसएफप्रमाणे दूध उत्पादकांचा उत्पन्नातील वाटा ठरला पाहिजे. दूध आणि दुधापासून जे फस्ट प्रॉडक्ट तयार होतात, त्यातील ७० टक्के रक्कम ही कच्चा उत्पादकाला मिळायला हवी. उर्वरित ३० टक्क्यांमध्ये दूध संस्थांनी भागवले पाहिजे.’’
एफआरपीच्या चर्चेमुळे जी परिस्थिती ऊस शेतीची झाली आहे. तीच परिस्थिती दूधधंद्याची होण्याची शक्यता आहे. आरएसएफनुसार दुधाचा दर बाजारातील किमतीप्रमाणे ठरवणे गरजेचे आहे. ग्राहक ६० रुपये लिटरने दूध विकत घेत आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
