Cotton Rate : चीन, पाकिस्तान, अमेरिकेत कापसाचे भाव कसे आहेत?

कापसाचा बाजारा हा एका देशापुरता मर्यादीत नाही. आपल्या कापसाचे भावही जागतिक भावावर अवलंबून असतात. भारतातून दुसऱ्या देशांमध्ये कापूस आणि कापड निर्यात चांगली की आपल्या कापसालाही चांगला भाव मिळतो.
Cotton Rate
Cotton Rateagrowon

अनिल जाधव
पुणेः कापसाचा बाजारा (Cotton Market) हा एका देशापुरता मर्यादीत नाही. आपल्या कापसाचे भावही (Cotton Rate) जागतिक भावावर अवलंबून असतात.

भारतातून दुसऱ्या देशांमध्ये कापूस आणि कापड निर्यात चांगली की आपल्या कापसालाही चांगला भाव मिळतो.

यंदा अमेरिका, पाकिस्तान, भारत, इंडोनेशिया आणि बांगलादेशमध्ये कापूस उत्पादन (Cotton Production) कमी राहण्याचा अंदाज आहे. तर भारताप्रमाणेच चीन आणि पाकिस्तानमध्येही कापसाचे भाव तेजीत आहेत.

Cotton Rate
Cotton Rate : कापसाचे भाव वाढण्याची शक्यता

नुकत्याच प्रसिध्द झालेल्या अहवालात युएसडीएनं जागतिक कापूस उत्पादन घटीचा अंदाज व्यक्त केला.

यंदा जागतिक कापूस उत्पादन ४ लाख गाठींनी कमी होऊन १ हजार ४६५ लाख गाठींवर स्थिरावेल, असा अंदाज व्यक्त केला.

मागील हंगामात १ हजार ४६९ लाख गाठी उत्पादन मिळालं होतं. मागील हंगामात चीनचा वापर मोठ्या प्रमाणात कमी झाला होता.

त्यामुळं मागील हंगामातील शिल्लक साठा अधिक होता. परिणामी यंदा कापूस पुरवठा आडीच हजार लाख गाठींवर पोचला.

Cotton Rate
Cotton Market : कापसाचे दर चालू महिन्यात कसे राहतील? | Agrowon | ॲग्रोवन

युएसडीएच्या मते, यंदा  ब्राझीलमधील उत्पादन काहीसं वाढून १६८ लाख गाठींवर पोचलं. मात्र भारत, अमेरिका, इंडोनेशिया आणि व्हिएतनाम या देशांमधील कापूस उत्पादन घटलं.

अमेरिकेतील उत्पादन ३५ लाख गाठींनी कमी झालं. यंदा अमेरिकेत १८७ लाख गाठी कापूस झाला. तर भारतात ३३० लाख गाठी उत्पादन होईल.

पाकिस्तानमध्ये यंदा उत्पादन मोठ्या प्रमाणात घटलं. पाकिस्तानधील उत्पादन २९ लाख गाठींनी कमी होऊन ४७ लाख गाठींवर स्थिरावेल, असं युएसडीएनं म्हटलंय.


कापूस वापर वाढू शकतो


जागतिक मंदीच्या अहवालांमुळं युएसडीएनं यंदा कापूस वापर ८५ लाख गाठींनी घटण्याचा अंदाज व्यक्त केला. यंदा जगाचा कापूस वापर १ हजार ४०७ लाख गाठींवर स्थिरावेल.

युएसडीएनं चीनचा कापूस वापर गेल्यावर्षीएवढा म्हणजेच ४२५ लाख गाठींवर कायम ठेवला. पण चीनमधील कोरोना निर्बंध आता शिथिल होत आहेत.

त्यामुळं चीनचा कापूस वापर वाढेल. तसंच इतरही देशांमधील वापर अधिक होईल, असा अंदाज आहे. 

सीबाॅटवरील दरपातळी


सीबाॅटवर कापसाचे वायदे मागील दीड महिन्यात ७९ सेंट ते ८९ सेंट प्रतिपाऊंडच्या दरम्यान राहीले. रुपयात रुईचा हा भाव १४ हजार २२५ ते १६ हजार रुपये होतो.

तर काॅटलूक ए इंडेक्स म्हणजेच, जगातील महत्वाच्या देशांमध्ये प्रत्यक्ष कापूस खरेदीचा सरासरी भाव काहीसा स्थिर दिसला. ए इंडेक्स १०० च्या दरम्यान होता.

चीन, पाकिस्तानमध्येही तेजी


चीनमधील कापसाचे दर मागील पंधरवड्यात काहीसे वाढले. चीनमध्ये सध्या रुईला १७ हजार ५०० ते १८ हजार रुपये प्रतिक्विंटलचा दर मिळतोय. कोरोना निर्बंध कमी झाले तसा चीनमधील कापूस बाजार सुधारला.

तर भारतातील रुईचे दर १७ हजार ५०० ते १८ हजार ५०० रुपयांच्या दरम्यान आहेत. तसेच पाकिस्तानमधील कापसाचे दरही वाढले आहेत. पाकिस्तानमध्ये मागील दीड महिन्यात रुईला सरासरी १६ हजार ते १९ हजार रुपये क्विंटलचा दर मिळाला.

देशात दर वाढतील


कापसाचे भाव केवळ भारतातच जास्त नाही. तर चीन आणि पाकिस्तानमध्ये कापसाचे भाव तेजीत आहेत. त्यामुळं आंतरराष्ट्रीय बाजारात दर वाढल्यास देशातील कापूस दरही वाढतील.

आज भारतातील कापूस दरात काहीशी वाढ पाहायला मिळाली. आज कापसाची सरासरी दरपातळी ८ हजार ३०० ते ८ हजार ६०० रुपयांच्या दरम्यान आहे.

तर पुढील काळात कापसाचे दर वाढण्याची शक्यता असल्याचंही जाणकारांनी सांगितलं.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com