ओडिशातील फळभाज्यांच्या मागणीत वाढ

ओडिशामधील फळभाज्यांची मागणी वाढली आहे. वाढती मागणी लक्षात घेत फळभाज्या उत्पादन वाढवण्यावर लक्ष केंद्रित करण्याचे आदेश फलोत्पादन विभागला दिले आहेत.

राज्यातील सूक्ष्मसिंचन समितीची एक बैठक राज्याचे मुख्य सचिव सुरेशचंद्र मोहपात्रा यांच्या अध्यक्षतेखाली पार पडली. या बैठकीत राज्यातील फळभाज्यांची वाढती मागणी आणि उत्पादन याचा आढावा घेण्यात आला.

राज्यातील फळभाज्यांची वाढती मागणी लक्षात घेऊन वाढीव उत्पादनासाठी योग्य पावले उचलण्याची सूचना फलोत्पादन विभागाला करण्यात आली. कांदा, आंबा, पेरू,पपई आणि कांडा, लिंबू उत्पादनावर भर देण्याची गरज व्यक्त करण्यात आली.

सिंचनाच्या पारंपरिक पद्धतीपेक्षा तुषारसिंचन, ठिबक सिंचनाचे प्रकार शेतकऱ्यांमध्ये लोकप्रिय होतील, शेतकऱ्यांना ते अंगिकारता येतील, याचा एक कृती आराखडा सादर करण्याची सूचना संबंधित विभागाला करण्यात आली.