Soybean Market : सोयापेंड दर सुधारले; सोयाबीनचे दरही वाढण्याची शक्यता

देशातील सोयापेंडला निर्यातीसाठी मागणी वाढल्यानं दर सुधारले. जानेवारीत देशातील बाजारात ३७ हजार रुपये प्रतिटनाने सोयापेंड मिळत होती.
Soybean Market
Soybean MarketAgrowon

Soybean Rate Price : देशातून आता सोयापेंड निर्यात (Soyameal Export) वाढली. त्यामुळं सोयापेंडचे भावही वाढले आहेत. तरीही भारताची सोयापेंड निर्यातीसाठी पडतळ आहे. सोयापेंडचे दर वाढल्यानं सोयाबीनच्या दरातही सुधारणा होण्याची शक्यता आहे.

आंतरराष्ट्रीय बाजारात सोयापेंडचे दर (Soyameal Rate) वाढल्यानंतर भारतीय सोयापेंडला मागणी वाढली. भारतातून यंदा पहिल्या चार महिन्यांमध्येच गेल्यावर्षीएवठी सोयापेंड निर्यात झाली.

ऑक्टोबर ते जानेवारी या काळात देशातून ६ लाख ३१ हजार टन सोयापेंड निर्यात झाली. तर मागीलवर्षभरातील निर्यात ६ लाख ७१ हजार टन झाली होती. म्हणजेच यंदा सोयापेंड निर्यातीची गती जास्त आहे.

देशातील सोयापेंडला निर्यातीसाठी मागणी वाढल्यानं दर सुधारले. जानेवारीत देशातील बाजारात ३७ हजार रुपये प्रतिटनाने सोयापेंड मिळत होती.

सोयापेंडचे भाव कमी असल्यानं निर्यात वेगाने झाली. मागणी वाढल्याने सोयापेंडचे भाव आता २२ टक्क्यांनी वाढले आहेत. देशात आता ४३ हजार ते ४५ हजार रुपयाने सोयापेंड विकली जात आहे.

Soybean Market
Soybean Market: सोयाबीन दराला खाद्यतेल, सोयापेंड बाजाराचा आधार | Agrowon | ॲग्रोवन

आजची बाजारातील आवक

देशातील बाजारात आज ३ लाख २५ हजार टन सोयाबीन विक्रीसाठी आली होती. महाराष्ट्रातील बाजारात सर्वाधिक १ लाख ५० हजार टन सोयाबीन आले होते. तर मध्य प्रदेशात १ लाख २५ हजार टनांची विक्री झाली. राजस्थानमध्येही २५ हजार टन सोयाबीनची आवक झाली होती.

देशातील दरपातळी

बाजारातील दराचा विचार करता आज बाजारभाव स्थिर होते. बाजारात सोयाबीनला सरासरी ५ हजार २०० ते ५ हजार ५०० रुपये दर मिळाला.

तर प्रक्रिया प्लाट्सचे दर ५ हजार ५५० ते ५ हजार ६५० रुपयांच्या दरम्यान होते. बाजारातील भाव आणि प्रक्रिया प्लांट्सचे भाव मागील आठवडाभरापासून स्थिर आहेत.

Soybean Market
Soybean Market : सोयाबीन दर सुधारण्यास पोषक स्थिती

सोयाबीनही सुधारण्याची शक्यता

देशातून सोयापेंड निर्यात वाढल्यानं सोयाबीनलाही मागणी वाढली आहे. सोयापेंडचे दर वाढल्यानं सोयाबीनचेही दर वाढू शकतात. तसचं खाद्यतेलाचे दरही काहीसे वाढलेले आहेत. रुपयाही डाॅलरच्या तुलनेत कुमकुवत होत आहे.

देशातील सोयापेंडचे भाव वाढले तरी अद्यापही आंतरराष्ट्रीय बाजारातील दरापेक्षा कमीच आहेत. त्यामुळं सोयाबीन निर्यातीची गती कायम राहील. मार्च महिन्यात विक्रमी सोयापेंड निर्यातीचा अंदाज आहे. त्यामुळं सोयाबीनचे दरही वाढतील, असा अंदाज सोयाबीन बाजारातील अभ्यासकांनी व्यक्त केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com