‘नाफेड’अंतर्गत हरभरा खरेदी सुरू करावी

शेतकरी संघटनेची मागणी ः समुद्रपूर परिसरातील शेतकऱ्यांची अडचण
‘नाफेड’अंतर्गत हरभरा खरेदी सुरू करावी
Chana Agrowon

समुद्रपूर, जि. वर्धा ः सुरू हंगामात नाफेडअंतर्गत (NAFED) हरभरा खरेदी (Chana Procurement) सुरू होती. ती खरेदी २३ मे पासून बंद करण्यात आली. त्यामुळे हरभरा खरेदी (Chana Market) पूर्वरत सुरू करण्यात यावी, अशी मागणी शेतकरी संघटनेच्या वतीने करण्यात आली आहे. मागणीचे निवेदन शेतकरी संघटनेचे जिल्हाध्यक्ष उल्लास कोटमकर आणि शिष्टमंडळाने तहसीलदारांमार्फत मुख्यमंत्र्यांना पाठविले.

समुद्रपूर कृषी उत्पन्न समितीअंतर्गत एक हजार ७७७ शेतकऱ्यांनी हरभरा विक्रीसाठी नोंद केली आहे. यातील ७९३ शेतकऱ्यांचा हरभरा आतापर्यंत बाजार समितीने खरेदी केला असला तरी तब्बल ९८४ शेतकरी हरभरा विक्रीच्या प्रतीक्षेत आहेत. त्यामुळे तातडीने शासकीय खरेदी प्रक्रिया सुरू करावी, अशी मागणी करण्यात आली आहे. तहसीलदारांना निवेदन देतेवेळी शेतकरी संघटनेचे जिल्हाध्यक्ष उल्लास कोटमकर, जीवन गुरनले, कवडू कोटमकर, अरुण लढी, डॉ. हेमंत इसनकर, अजाब राऊत, दिनेश निखाडे, सुनील हिवसे यांची उपस्थिती होती.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com