Sugar Export : शिल्लक साखरेमुळे किमान ६० लाख टन निर्यातीचे आव्हान

राज्यात गेल्या हंगामातील ३० लाख टन साखर शिल्लक राहण्याचा अंदाज आहे. नव्या उत्पादनानंतर एकूण साखर उपलब्धता १६८ लाख टनापर्यंत राहील.
Sugar Export
Sugar ExportAgrowon

पुणे ः राज्यात गेल्या हंगामातील ३० लाख टन साखर शिल्लक (Sugar) राहण्याचा अंदाज आहे. नव्या उत्पादनानंतर (Sugar Production) एकूण साखर उपलब्धता १६८ लाख टनापर्यंत राहील. त्यामुळे इथेनॉलसासाठी (Ethanol) किमान १२ लाख टन साखर वळवून ६० लाख टन साखरेची निर्यात (Sugar Export) करण्याचे आव्हान राज्यासमोर आहे, अशी माहिती साखर उद्योगातील सूत्रांनी दिली.

Sugar Export
Sugar Industry : शाहू कारखाना देशात सर्वोत्कृष्ट

राज्यात सध्या १४ लाख ८७ हजार हेक्टरवर नवा ऊस उभा आहे. चांगल्या पावसामुळे उत्पादकता हेक्टरी ९५ टनापर्यंत राहील. त्यामुळे येत्या गाळप हंगामासाठी खासगी व सहकारी साखर कारखान्यांकडे किमान १४ लाख ४३ हजार टन ऊस येण्याची शक्यता आहे. यातून शिल्लक उसाची समस्या उद्भवू नये, या साठी एक ऑक्टोबरपासून कारखान्यांची धुराडी पेटविण्यास मान्यता देण्याची शिफारस साखर आयुक्तालयाने मंत्री समितीकडे केली आहे.

Sugar Export
Sugar Industry : शाहू कारखाना देशात सर्वोत्कृष्ट

केंद्र शासनाने २०२२-२३ च्या गाळप हंगामासाठी शेतकऱ्यांना १०.२५ टक्के मूळ साखर उताऱ्यासाठी प्रतिटन ३०५० रुपये रास्त व किफायतशीर दर (एफआरपी) जाहीर केली आहे. तसेच, १०.२५ टक्क्यांच्या पुढे ०.१ टक्के उताऱ्यासाठी शेतकऱ्यांना ३०.५० रुपये दिले जाणार आहेत. १०.२५ टक्क्यांपेक्षा कमी आणि ९.५० टक्क्यांपेक्षा जास्त उतारा असल्यास ०.१ टक्के उताऱ्याकरितादेखील प्रतिटन ३०.५० रुपये मिळणार आहेत. मात्र, ९.५ टक्के किंवा त्यापेक्षा कमी उतारा असल्यास शेतकऱ्याला उसाचा भाव प्रतिटन फक्त २८२१ रुपये २५ पैसे इतका मिळणार आहे.

मंत्री समितीची उद्या बैठक

मंत्रि समितीची बैठक उद्या (ता.१९) होत असून त्यात गाळपाच्या अंतिम तारखेवर शिक्कामोर्तब होईल. राज्यात आगामी गाळप हंगामात १३८ लाख टन साखर नव्याने तयार होण्याची क्षमता आहे. मात्र, १२ लाख टन साखर क्षमता सरळ इथेनॉल निर्मितीकडे वळवण्याचा प्रयत्न आहे. त्यामुळे प्रत्यक्षात दीडशे लाख टन साखर तयार होऊ शकेल, असे आयुक्तालयाच्या सूत्रांनी स्पष्ट केले.

राज्याच्या ऊस गाळपात गेल्या हंगामात तोडणी व वाहतुकीच्या प्रक्रियेत शेतकऱ्यांना त्रास झाला. त्यामुळे यंदाचा गाळप हंगाम लवकर चालू करून ३० एप्रिलपूर्वी संपविण्याचा आमचा मानस आहे.
शेखर गायकवाड, साखर आयुक्त.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com