नांदेड : केळीचे भाव (Banana Rate) पाडण्यासंदर्भात एका परप्रांतीय व्यापाऱ्याच्या संभाषणाची क्लिप समाज माध्यमातून व्हायरल झाली आहे. त्यामुळे शेतकऱ्‍यांत तीव्र संताप आहे. या व्यापाऱ्याविरुद्ध कठोर कारवाई करावी, अशी मागणी शेतकऱ्‍यांनी केली आहे. (Take Action Against Banana Traders)
अर्धापूर तालुका व परिसरातून केळीच्या हंगामात १०० ते १५० गाड्या देशभरात पाठविल्यास जातात. या परिसरात दररोज कोट्यवधी रुपयांची उलाढाल होते. यंदाचा हंगाम सुरू झाल्यानंतर केळीच्या भावात तेजी होती. गेल्या तीन ते चार महिन्यांत चांगला भाव मिळत असल्यामुळे शेतकरी समाधानी होते. पण या भावात गेल्या आठवड्यापासून घसरण सुरू झाली आहे.
केळीला प्रतिक्विंटल दोन हजार ते अडीच हजार रुपये मिळवणारा भाव थेट एक हजार ते एक हजार ४०० रुपयांवर आला. भावात घसरण झाल्याने शेतकऱ्‍यांना खूप मोठा आर्थिक फटका बसत आहे. हा भाव पाडण्यात केळी व्यापाऱ्‍यांचे षड्‍यंत्र असल्याची चर्चा सुरू झाली आहे. या संबंधित एका संभाषणाची क्लिप समाज माध्यमातून व्हायरल झाली आहे. दररोज सुमारे चार कोटींची उलाढाल होते. पण ही उलाढाल दोन कोटींवर आली आहे. केळी उत्पादन करणारे शेतकरी अडचणीत आले आहेत. ज्यांच्या बागा कापणीसाठी आल्या आहेत. त्यांचे खूप मोठे नुकसान होणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
