Sugar Export : केंद्राची ६० लाख टन साखर निर्यातीस परवानगी

केंद्राने ६० लाख साखर निर्यातीस परवानगी दिली आहे. १ नोव्हेंबर २२ ते ३१ मे २०२३ या मुदतीकरिता हा कोटा आहे.
Sugar Export
Sugar ExportAgrowon

कोल्हापूर : केंद्राने ६० लाख साखर निर्यातीस (Sugar Export) परवानगी दिली आहे. १ नोव्हेंबर २२ ते ३१ मे २०२३ या मुदतीकरिता हा कोटा (Sugar Export Quota) आहे. केंद्रीय खाद्य मंत्रालयाने (Food Ministry) शनिवारी (ता. ५) या बाबतचे परिपत्रक जारी केले. देशातील कारखाने गेल्या तीन वर्षांच्या साखर उत्पादनाच्या (Sugar Production) १८.२३ टक्के एकसमान निर्यात करू शकतात, असे नमूद केले आहे.

केंद्राने निर्यात कोट्यास परवानगी देताना काही नियम कारखान्यांना दिले आहेत. ज्या कारखान्यांना साखर निर्यात करायची नाही ते साखर कारखाने कोटा एक्स्चेंज करू शकतात. ज्यांना साखर निर्यात करायची नाही त्यांनी ६० दिवसांच्या आत कोटा एक्स्चेंज करावा. ज्यांना साखर निर्यात करायची नसेल त्यांनी याच कालावधीत केंद्राला या बाबत कळवावे. तसेच कोटा परत करावा.

Sugar Export
Sugar Export : निर्यातीवरील निर्बंधाने महाराष्ट्रातील शुगर लॉबीला धक्का

कारखान्यांनी कोट्याची अदलाबदल न केल्यास अथवा कोट्याच्या ९० टक्के साखर निर्यात न केल्यास केंद्र जून जुलैच्या कोट्यामध्ये दंड म्हणून संबंधित कारखान्याचा देशांतर्गत विक्री कोट्यामध्ये ३० टक्क्यांपर्यंत कोटा कमी देऊ शकते.

Sugar Export
Sugar Export : साखर निर्यातीवरील निर्बंध एक वर्षासाठी वाढवले

कोणत्याही परिस्थितीत कारखान्यांनी निर्यातीला प्राधान्य देण्यासाठी ही नियमावली तयार केल्याचे केंद्राने म्हटले आहे. कच्च्या साखरेसह अन्य सर्व प्रकारची साखर निर्यात करता येणार आहे. केंद्राला निर्यातीची दररोज माहिती मिळावी यासाठी दररोज याची नोंद ऑनलाइन ठेवण्याचेही केंद्राने म्हटले आहे.

महाराष्ट्रातूनच सर्वाधिक निर्यात

केंद्राच्या निकषानुसार महाराष्ट्रातून सुमारे २० लाख टन साखर निर्यात होऊ शकते. उत्तर प्रदेशाला ही जवळपास इतकाच कोटा आहे. मात्र यंदा ही महाराष्ट्रातूनच सर्वाधिक निर्यात होईल, अशी शक्यता आहे

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com