Cotton Rate : अपेक्षित दराअभावी कापसाच्या आवकेत घट

परभणी जिल्ह्यातील कापसाच्या प्रमुख बाजारपेठ असलेल्या मानवत, सेलू, परभणी कृषी उत्पन्न बाजार समित्यांमध्ये जाहीर लिलावांद्वारे कापूस खरेदी सुरू आहे.
Cotton
CottonAgrowon

परभणी ः परभणी जिल्ह्यातील कापसाच्या प्रमुख बाजारपेठ (Cotton Market) असलेल्या मानवत, सेलू, परभणी कृषी उत्पन्न बाजार समित्यांमध्ये जाहीर लिलावांद्वारे कापूस खरेदी (Cotton Procurement) सुरू आहे. मागील आठवड्यापासून कापसाचे दर (Cotton Rate) ९००० रुपयांपेक्षा कमी झाले आहेत. त्यामुळे कापसाची आवक कमी झाली आहे.

Cotton
Cotton Market : कापूस दरात चैतन्य कधी येणार?

मानवत कृषी उत्पन्न बाजार समितीत यंदा १४ नोव्हेंबर रोजी जाहीर लिलावांद्वारे कापूस खरेदी सुरु झाली. त्या वेळी कापसाला प्रतिक्विंटल किमान ८७०० ते कमाल ९५२१ रुपये दर मिळाले. परंतु त्यानंतर कापसाच्या दरात चढ-उतार होत आहेत.

सोमवारी (ता. ५) ते शनिवार (ता. १०) या कालावधीत कापसाला प्रतिक्विंटल किमान ८५०० ते कमाल ८९५० रुपये दर मिळाले. या कालावधीत कापसाच्या ५० ते १५० गाड्यांची आवक झाली.

Cotton
Cotton Import Duty : कापसावरील आयातशुल्क कायम ठेवा

सेलू बाजार समितीत सोमवार (ता. ५) ते शनिवार (ता. १०) या कालावधीत कापसाला किमान ८५०० ते कमाल ८९९० रुपये दर मिळाले. परभणी कृषी उत्पन्न बाजार समितीत दररोज ५० ते ६० क्विंटल आवक होत आहे.

प्रतिक्विंटल किमान ८५०० ते कमाल ८७०० रुपये दर आहेत, असे बाजार समितीच्या सूत्रांनी सांगितले. दरात सुधारणा होऊन प्रतिक्विंटल किमान १० हजार रुपये दर मिळतील, या अपेक्षेने अनेक शेतकरी कापूस विक्रीस आणत नसल्याने आवक कमी झाली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com