Onion Rate : कांदा दर घसरल्याने लिलाव बंद पाडून रास्ता रोको

उन्हाळ कांद्याच्या भावात सातत्याने घसरण होत असल्याच्या निषेधार्थ बुधवारी (ता. २३) प्रहार जनशक्ती पक्ष व संतप्त कांदा उत्पादक शेतकऱ्यांनी देवळा बाजार समितीत लिलाव बंद करून पाचकंदील येथे रास्ता रोको आंदोलन केले.
Onion Rate
Onion RateAgrowon

देवळा, जि. नाशिक : उन्हाळ कांद्याच्या भावात (Onion Rate) सातत्याने घसरण होत असल्याच्या निषेधार्थ बुधवारी (ता. २३) प्रहार जनशक्ती पक्ष व संतप्त कांदा उत्पादक (Onion Farmer) शेतकऱ्यांनी देवळा बाजार समितीत लिलाव बंद करून पाचकंदील येथे रास्ता रोको आंदोलन केले.

Onion Rate
Onion Rate : लासलगावी उन्हाळ कांद्याला ५०० ते २७२१ रुपये दर

कांदा उत्पादक शेतकऱ्यांना किमान ३० रुपये प्रतिकिलो भाव अपेक्षित आहे. मात्र, त्यामानाने अत्यल्प भाव मिळत असल्यामुळे शेतकऱ्यांच्या या संतप्त भावना शासनाला कळाव्यात, यासाठी बुधवारी प्रहार जनशक्ती पक्षाच्या व संतप्त कांदा उत्पादक शेतकऱ्यांनी देवळा बाजार समितीत कांदा लिलाव बंद करून पाच कंदीलवर रास्ता रोको आंदोलन केले.

Onion Rate
Onion Rate : दरवाढीनंतर पुन्हा कांदा दरात ५० टक्क्यांनी घसरण

या वेळी प्रहार जनशक्ती पक्षाचे जिल्हा संघटक भाऊसाहेब मोरे, युवा तालुकाध्यक्ष बापू देवरे, तालुकाध्यक्ष नानाजी आहेर, युवा तालुकाध्यक्ष शशिकांत पवार, सटाणा तालुकाध्यक्ष गणेश काकुळते, खर्डे येथील उपसरपंच सुनील जाधव, विकास सोसायटीचे संचालक संदीप पवार, माधव ठोंबरे, भाऊसाहेब पवार, शशिकांत ठाकरे, विनोद आहेर, नाना गांगुर्डे, रामदास पवार, नितीन देवरे आदी शेतकरी उपस्थित होते.

उन्हाळ कांद्याला अपेक्षीत दर मिळत नसल्याने कांदा उत्पादक शेतकरी हवालदिल झाला आहे. महागडे कांदा बियाणे विकत घेऊन कांद्याची लागवड केली. त्यासाठी हजारो रुपये खर्च झाला.

कांद्याला भाव वाढेल, या आशेने शेतकऱ्यांनी चाळीत कांदा साठवून ठेवला; मात्र, या कांद्याला अपेक्षित भाव मिळत नसल्याने शेतकऱ्यांमध्ये प्रचंड नाराजी व्यक्त होत आहे. सध्या कांद्याला केवळ सातशे ते आठशे रुपये प्रतिक्विंटल भाव मिळत आहे. यातून उत्पादन खर्चदेखील वसूल होत नसल्याने शेतकरी आर्थिक संकटात सापडला आहे.

शेतकऱ्यांचा असंतोष तीव्र; भावना शासनापर्यंत पोहोचवा

कांद्याला उत्पादन खर्चाखाली दर मिळत असल्याने शेतकऱ्यांचा असंतोष तीव्र असून, या भावना शासनापर्यंत पोहोचवाव्यात, या मागणीचे निवेदन पदाधिकारी व शेतकऱ्यांनी यांनी सहायक पोलिस निरीक्षक पुरुषोत्तम शिरसाट यांना दिले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com