Bogus Fertilizer : बोगस खत प्रकरणी दिखाव्यापुरती कारवाई नको

सोलापूर जिल्ह्यात बोगस विद्राव्य खत विक्रीचा प्रकार उघड झाल्यानंतर आणि ‘अॅग्रोवन’ने या प्रकरणाची पोलखोल सुरू केल्यानंतर स्वाभिमानी शेतकरी संघटना आक्रमक झाली आहे.
Bogus Fertilizer
Bogus Fertilizer Agrowon

सोलापूर ः सोलापूर जिल्ह्यात बोगस विद्राव्य खत (Bogus Fertilizer) विक्रीचा प्रकार उघड झाल्यानंतर आणि ‘अॅग्रोवन’ने या प्रकरणाची पोलखोल सुरू केल्यानंतर स्वाभिमानी शेतकरी संघटना (Swabhimani Shetkari Sanghatana) आक्रमक झाली असून, संघटनेचे पंढरपूर तालुकाध्यक्ष सचिन पाटील (Sachin Patil) यांनी तहसीलदार सुशील बेल्हेकर यांना निवेदन देत बोगस खत विक्रेत्यांवर (Bogus fertilizer Seller) दिखाव्यापुरती कारवाई करू नका, ठोस कारवाई करा, अन्यथा तीव्र आंदोलन करू, असा इशारा दिला आहे.

Bogus Fertilizer
बैलचलित तीन पासेचे खत कोळपे

सोलापूर जिल्ह्यातील बोगस खत विक्रीबाबत ‘अॅग्रोवन’ने गेल्या तीन दिवसांपासून ‘शेतकऱ्यांच्या जखमेवर मीठ’ ही विशेष वृत्तमालिका लावून या विषयाची पोलखोल सुरू केली आहे. त्या पार्श्वभूमीवर स्वाभिमानी शेतकरी संघटनेने आंदोलनाचा पवित्रा घेतला आहे. तहसीलदारांना दिलेल्या निवेदनात म्हटले आहे, पंढरपूरसह सोलापूर जिल्ह्यामध्ये भेसळयुक्त खते बियाणे, कीटकनाशके विक्रीचे पेव फुटले आहे. या भेसळयुक्त खते-बियाणे कीटकनाशकांमुळे शेतकऱ्याचे अतोनात नुकसान होत आहे.

Bogus Fertilizer
Fertilizer : ब्रॅण्डेड कंपनीचे खत, तरी सिमला मिरची काही वाढेना

त्यानंतर आवाज उठवल्यानंतर कुठेतरी तुटपुंजी कारवाई करून सारवासारव करण्याचा प्रयत्न केला जातो, सापडेल तोच चोर, अशी कारवाई कृषी विभाग करत आहे, कृषी विभाग व कृषी अधिकारी आर्थिक हितसंबंध जोपासून अशा कंपन्यांना मोकाट सोडून देताना दिसत आहे. त्यामुळे भेसळयुक्त खते व बियाणे कीटकनाशके विक्रेत्यांना कुणाचीही भीती राहिली नाही, कृषी विभाग कूच कामी ठरत आहे. त्यामुळे तहसील प्रशासनाकडून तज्ज्ञ अधिकाऱ्यांचे एक पथक तयार करण्यात यावे आणि तालुक्यातील सर्व खते-बियाणे, कीटकनाशके विक्री करणारे दुकानदार, खतनिर्मिती करणाऱ्या कंपन्यांवर अचानक धाडी टाकून तपासणी करावी, अशी मागणी या निवेदनात करण्यात आली आहे.

युरियाची जाणीवपूर्वक टंचाई

सध्या पंढरपूर तालुक्यांमध्ये युरियाची टंचाई दाखवली जात आहे. त्यामुळे अनेक खत दुकानदार चढ्या दराने खत विक्री करत आहेत. युरिया पाहिजे असेल, तर इतर खते घेतल्याशिवाय युरिया मिळणार नाही, अशा प्रकारे शेतकऱ्याची अडवणूक करताना दिसत आहेत, अशा दुकानदारांकडे सुद्धा डमी ग्राहक पाठवून त्यांना पकडून योग्य ती कारवाई करावी, असेही या निवेदनात म्हटले आहे.

दिखाव्यापुरती कारवाई करू नका, जो सापडेल तो चोर अशी कारवाई सुरू आहे, पण त्याच्या मुळाशी जाऊन दोषींवर ठोस कारवाई करावी, अन्यथा तीव्र आंदोलन करू.
सचिन पाटील, तालुकाध्यक्ष, स्वाभिमानी शेतकरी संघटना, पंढरपूर

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com