Vegetable Market : सोलापुरात गाजर, काकडीला उठाव, दरही टिकून

सोलापूर कृषी उत्पन्न बाजार समितीच्या आवारात गतसप्ताहात गाजर, काकडीला चांगला उठाव मिळाला.
Market Committee
Market CommitteeAgrowon

सोलापूर ः सोलापूर कृषी उत्पन्न बाजार समितीच्या (Solapur APMC) आवारात गतसप्ताहात गाजर (Carrot), काकडीला (Cucumbar) चांगला उठाव मिळाला. त्यांचे दरही टिकून राहिल्याचे बाजार समितीच्या सूत्रांकडून सांगण्यात आले. बाजार समितीच्या आवारात गतसप्ताहात रोज गाजर आणि काकडीची आवक प्रत्येकी १० ते २० क्विंटलपर्यंत राहिली.

Market Committee
Sangli Market Committee : सांगली बाजार समितीच्या चौकशीसाठी समिती

त्यांची आवक स्थानिक भागातूनच राहिली. पण मागणीच्या तुलनेत आवक कमी राहिली. गेल्या काही दिवसांपासून त्यांना चांगला उठाव मिळतो आहे. गाजराला प्रतिक्विंटलला किमान १००० रुपये, सरासरी १५०० रुपये आणि सर्वाधिक २००० रुपये तर काकडीला किमान ८०० रुपये, सरासरी २००० रुपये आणि सर्वाधिक २५०० रुपये असा दर मिळाला. त्याशिवाय वांगी, कारली, कोबीचे दरही काहीसे स्थिर राहिले.

त्यांचीही आवक तशी जेमतेमच राहिली. वांग्याची रोज २० ते ३० क्विंटल, कोबीची ३० ते ४० क्विंटल आणि कारल्याची २ ते ५ क्विंटल अशी आवक राहिली. वांग्याला प्रतिक्विंटलला किमान ६०० रुपये, सरासरी १२०० रुपये आणि सर्वाधिक १८०० रुपये, कारल्याला किमान १००० रुपये, सरासरी १५०० रुपये आणि सर्वाधिक २००० रुपये तर कोबीला प्रतिक्विंटलला किमान ४०० रुपये, सरासरी ८०० रुपये आणि सर्वाधिक १००० रुपये असा दर मिळाल्याचे सांगण्यात आले.

कांदा दर स्थिर


कांद्याचे दर मात्र गतसप्ताहात काहीसे स्थिर राहिले. कांद्याची आवक रोज १०० ते २०० गाड्यापर्यंत राहिली. कांद्याची सर्व आवक स्थानिक भागातूनच राहिली. कांद्याला प्रतिक्विंटलला किमान १०० रुपये, सरासरी १२०० रुपये आणि सर्वाधिक २५०० रुपये असा दर मिळाल्याचे सांगण्यात आले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com