Cotton Rate : कापसाच्या वजनकाट्यात घोळ, शेतकऱ्यांनी व्यापाऱ्याला बदडले

तालुक्यात सध्या कापूस हंगाम जोरावर असून खेडा खरेदीचेही पेव फुटलेले आहे. विना परवानगी ही खरेदी होत असून व्यापारी वजन काट्यात खोट करून शेतकऱ्यांना लुटत आहेत.
Cotton Rate
Cotton RateAgrowon

संग्रामपूर, जि. बुलडाणा ः तालुक्यात सध्या कापूस हंगाम (Cotton Season) जोरावर असून खेडा खरेदीचेही (Kheda Kharedi) पेव फुटलेले आहे. विना परवानगी ही खरेदी होत असून व्यापारी वजन काट्यात खोट करून शेतकऱ्यांना लुटत आहेत. हा प्रकार तालुक्यात सोमवारी (ता. २८) समोर आला असून आदिवासी भागात शेतकऱ्यांनी संबंधित व्यापाऱ्याला चपलेने बदडले. याचा व्हिडिओ सोशल मीडियात सर्वत्र धुमाकूळ घालत आहे. हे प्रकरण आपसात मिटवण्यात आले आहे.

Cotton Rate
Cotton Rate : शेतकरी करताहेत कापसाचा साठा

तालुक्यातील सातपुड्याच्या पायथ्या असलेल्या लाडणापूर शिवारात शिकदार जामसिंग डुडवा या शेतकऱ्याच्या शेतात ही घटना समोर आल्याचे सांगितले जाते. जागेवरच अकोट बाजाराचा दर देण्याचे आमिष देत हा व्यापारी वजन काट्यात घोळ करून शेतकऱ्यांची फसवणूक करीत होता. शेतकऱ्याने संबंधित वजन काट्याचे निरीक्षण केले असता त्यामध्ये घोळ झालेला दिसून आला.

Cotton Rate
Desi Cotton : सुभाष शर्मा यांचा देशी कापूस वाण लागवडीचा प्रयोग

हा वजनकाटा विशिष्ट ठिकाणी लॉक व्हायचा. त्यामुळे एका क्विंटलमागे साधारणपणे २० किलो अधिक कापूस मोजल्या जात होता. १२ क्विंटल कापसाचे वजन १० क्विंटलच दाखवण्यात आले. यामुळे शेतकऱ्याला शंका आली. तेथून काट्यात केलेल्या घोळाचे बिंग फुटले.

अकोला जिल्ह्यातील अडगाव येथील या व्यापाऱ्याने घटनास्थळावरून पळ काढला होता. मात्र, शेतकऱ्यांनी मापाऱ्यासह इतर हमालांना पकडून ठेवले. व्यापारी घटनास्थळावर परत येईपर्यंत कुणालाही जाऊ दिले नाही. बराच वेळ हे प्रकरण सुरू होते. शेतकरी व व्यापाऱ्यात तडजोड झाल्याने याची पोलिस तक्रार झाली नाही. मात्र, असे प्रकार गावोगावी होत असून शेतकऱ्यांची लुबाडणूक सुरू आहे.

बाजार समितीचे दुर्लक्ष ----

ग्रामीण भागात खेडा खरेदी जोरात सुरू असून या माध्यमातून बाजार समितीचे उत्पन्न सुद्धा बुडत आहे. या खरेदीवर कुणाचेही नियंत्रण नाही. वजनकाटे मापन विभागही झोपेत आहे. कुठेही या विभागाकडून कारवाई केल्या जात नाही. खेड्यांमध्ये व्यापारी शेतकऱ्यांना जागेवरच मोठ्या बाजारातील दर देण्याचे आमिष दाखवत काट्यात लुटत आहेत, हे या प्रकाराने पुन्हा एकदा उघडकीस आणले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com