१) सोयाबीन बाजार दबावातच (Soybean Market)
आंतरराष्ट्रीय बाजारात सोयाबीन आणि सोयापेंडच्या दरातील नरमाई कायम आहे. सोयाीबनचे वायदे १३.३५ डाॅलर प्रतिबुशेल्सवर आहेत. तर सोयापेंडच्या वायद्यांनी हंगामातील निचांकी ४१४ डाॅलर प्रतिटनांचा टप्पा गाठला.
देशातील बाजारात सोयाबीनचे दर आजही स्थिर होते. सोयाबीनची भावपातळी ५ हजार ते ५ हजार ३०० रुपयांच्या दरम्यान आहे. देशातील बाजारात सोयाबीची भावपातळी काही दिवस कायम राहण्याचा अंदाज सोयाबीन बाजारातील अभ्यासकांनी व्यक्त केला.
२) आंतरराष्ट्रीय बाजारत कापूस तेजीत (Cotton Rate)
आंतरराष्ट्रीय बाजारात कापसाच्या वायद्यांमध्ये मोठी वाढ झाली आहे. कापसाच्या वायद्यांनी आज ८६.८९ सेंट प्रतिपाऊडचा टप्पा गाठला होता. तर प्रत्यक्ष कापूस खरेदी दराची सरासरी म्हणजेच काॅटलूक ए इंडेक्स ९५ सेंट प्रतिपाऊंडवर होता.
देशातील बाजारात मात्र कापसाचे भाव दबावात आहेत. सध्या कापसाला प्रतिक्विंटल सरासरी ७ हजार २०० ते ८ हजार रुपयांच्या दरम्यान भाव मिळत आहे. बाजारातील आवकेचा दबाव कमी झाल्यानंतर दरात सुधारणा दिसू शकते, असा अंदाज कापूस बाजारातील अभ्यासकांनी व्यक्त केला.
३) शेवग्याला चांगला उठाव (Shevga Rate)
राज्यातील बाजारात सध्या शेवग्याची आवक कमी प्रमाणात होत आहे. त्यामुळे शेवग्याचे भाव टिकून आहेत. राज्यातील पुणे, मुंबई, नाशिक आणि नागपूर या बाजारांमध्ये आवक काहीशी अधिक दिसत असली तरी सरासरीपेक्षा कमीच आहे.
त्यामुळे सध्या शेवग्याला प्रतिक्विंटल सरासरी ३ हजार ते ४ हजार रुपयांच्या दरम्यान मिळत आहे. पुढील काळातही शेवग्याची आवक आणि दर याचदरम्यान राहण्याचा अंदाज व्यापारी व्यक्त करत आहेत.
४) हिरव्या मिरचीच्या दरात तेजी (Green Chilli)
हिरव्या मिरचीचे दर सध्या तेजीत आहेत. वाढत्या उन्हामुळे राज्यातील बाजारात हिरव्या मिरचीची आवक कमी होत आहे. सध्या राज्यातील मोठ्या बाजारांमधील हिरव्या मिरचीची आवक काहीशी अधिक दिसते. पण मागणीही अधिक आहे.
त्यामुळे हिरव्या मिरचीच्या दरातील तेजी टिकून आहे. सद्या हिरव्या मिरचीला प्रतिक्विंटल सरासरी ३ हजार ते ४ हजार ५०० रुपयांच्या दरम्यान भाव मिळत आहे. हे दर पुढील काळातही टिकून राहतील, असा अंदाज भाजीपाला बाजारातील अभ्यासकांनी व्यक्त केला.
५) सध्या हरभऱ्याला काय भाव मिळतोय? (Chana Rate)
चालू हंगामातील नाफेडची हरभरा खरेदी आता २० लाख २२ हजार टनांवर पोचली आहे. गेल्यावर्षीनंतर नाफेडची ही सर्वाधिक खरेदी असू शकते, असे व्यापारी सांगत आहेत. नाफेडने यंदा ८ राज्यांमध्ये हरभरा खरेदी केला. जवळपास ९ लाख शेतकऱ्यांकडून १० हजार ८०० कोटींचा हरभरा खरेदी झाला आहे.
तर आतापर्यंत मध्य प्रदेशात सर्वाधिक खेरदी केली. त्यानंतर महाराष्ट्रात ६ लाख ७१ हजार टन खेरदी झाली. मध्य प्रदेशातील हरभरा खरेदीने ७ लाख ७३ हजार टनांचा टप्पा पार केला.
गुजरातमध्ये ३ लाख १७ हजार टन तर राजस्थानमध्ये १ लाख १२ हजार टनांची खरेदी झाली. देशात यंदा हरभरा उत्पादनात मोठी घट झाली. त्यातच नाफेडची खरेदीही वेगाने सुरु आहे. त्यामुळे हरभरा दरात वाढ अपेक्षित होती.
पण हंगामाच्या सुरुवातीपासूनच हरभरा भाव दबावात आहेत. हरभऱ्याला सध्या सरासरी प्रतिक्विंटल ४ हजार ५०० ते ५ हजार रुपयांच्या दरम्यान भाव मिळत आहे. नाफडेची खेरदी सुरु असेपर्यंत हरभरा भाव स्थिर राहू शकतात, असा अंदाज व्यापारी आणि जाणकार व्यक्त करत आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
