Nampur APMC : नामपूर बाजार समिती दहा दिवस बंद

दिवाळीच्या पार्श्‍वभूमीवर येथील बाजार समिती आवारातील कांदा व भुसार मालाचे लिलाव २१ ऑक्टोबरपासून ३१ तारखेपर्यंत बंद राहणार आहेत. त्यामुळे कोट्यवधी रुपयांची आर्थिक उलाढाल ठप्प होणार आहे.
Nampur APMC
Nampur APMCAgrowon

जि. नाशिक : दिवाळीच्या पार्श्‍वभूमीवर येथील बाजार समिती आवारातील कांदा व भुसार मालाचे लिलाव २१ ऑक्टोबरपासून ३१ तारखेपर्यंत बंद राहणार आहेत. त्यामुळे कोट्यवधी रुपयांची आर्थिक उलाढाल ठप्प होणार आहे. आर्थिक टंचाई, मंजूर टंचाई, कांदा व्यापाऱ्यांचा विनंती अर्ज आदी बाबींमुळे कांदा खरेदी मार्केट बंद (Onion Market Closed) राहील. दरम्यान, बाजार समित्या (APMC) तीन दिवस बंद न ठेवण्याच्या जिल्हा निबंधकांच्या आदेशाला केराची टोपली दाखविल्याचा आरोप होत आहे.

Nampur APMC
Agriculture Recruitment : विभागीय परीक्षेद्वारे होणार कृषी पर्यवेक्षक भरती

उन्हाळ कांद्याच्या दरात गेल्या काही दिवसांपासून समाधानकारक वाढ झाल्याने येथील बाजार समिती आवारात मोठ्या प्रमाणात कांद्याची आवक होत आहे. नामपूर कांदा व्यापारी असोसिएशनच्या मागणीनुसार दहा दिवस कांदा मार्केट बंद राहणार आहे.

Nampur APMC
Agriculture Labors : मजूर खरंच मजेत आहेत का ?

तीन दिवसांपेक्षा जास्त दिवस मार्केट बंद करू नये, असे आदेश जिल्हा निबंधक डॉ. सतीश खरे यांनी दिले असले तरी नामपूरसह जिल्ह्यातील अनेक बाजार समित्या बंद राहणार असल्याने बाजार समित्यांनी जिल्हा निबंधकांच्या आदेशाला केराची टोपली दाखवली आहे. ऐन दरवाढीच्या काळात कांदा खरेदी बंद राहणार असल्याने शेतकऱ्यांनी नाराजी व्यक्त केली आहे. गेल्या काही दिवसात येथील कांदा मार्केटमध्ये कांद्याचे सरासरी दर दोन हजार रुपये प्रतिक्विंटलपर्यंत पोहोचल्याने येथे आवक वाढली आहे.

परंतु, कांदा व्यापाऱ्यांच्या शेडवर दिवाळीमुळे मजूर उपलब्ध नसल्याने कांदा मार्केट बंद राहणार आहे. बाजार समितीच्या निर्णयाबाबत शेतकरी संघटनेच्या पदाधिकाऱ्यांनी नाराजी व्यक्त केली आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com