Onion Rate : कांद्याच्या दरात सुधारणा

सोलापूर कृषी उत्पन्न बाजार समितीच्या आवारात गतसप्ताहात कांदा दरात किंचित सुधारणा झाली.
Market Committee
Market Committee Agrowon

सोलापूर ः सोलापूर कृषी उत्पन्न बाजार समितीच्या (Market Committee) आवारात गतसप्ताहात कांदा (Onion) दरात किंचित सुधारणा झाली. कांद्याला प्रतिक्विंटलला सर्वाधिक ४००० रुपये इतका दर मिळाल्याचे बाजार समितीच्या सूत्रांकडून सांगण्यात आले.

Market Committee
Market Committee : नांदगाव बाजार समितीत शेतकऱ्यांच्या मालाचे हाल

बाजार समितीच्या आवारात गतसप्ताहात कांद्याची आवक रोज १०० ते २०० गाड्यांपर्यंत राहिली. कांद्याची सर्व आवक स्थानिक बार्शी, मोहोळ, पंढरपूर या भागासह सांगली आणि पुणे भागातून झाली. गेल्या पंधरवड्यापासून कांद्याच्या आवकेत चढ-उतार होतो आहे. पण मागणी असल्याने कांद्याच्या दरात किंचित सुधारणा झाली आहे.

कांद्याला प्रतिक्विंटलला किमान १०० रुपये, सरासरी १५०० रुपये आणि सर्वाधिक ४००० रुपये असा दर मिळाला. त्याशिवाय बटाटा, टोमॅटो, वांगी आणि कारल्याला मागणी राहिली, त्यांचे दरही पुन्हा टिकून राहिले. बटाटा आणि टोमॅटोची प्रतिदिन प्रत्येकी ५०० ते ७०० क्विंटल तर वांगी आणि कारल्याची १० ते ३० क्विंटलपर्यंत आवक राहिली.

बटाट्याला प्रतिक्विंटलला किमान ८०० रुपये, सरासरी १५०० रुपये आणि सर्वाधिक २५०० रुपये, टोमॅटोला किमान ७०० रुपये, सरासरी १५०० रुपये सर्वाधिक २००० रुपये, वांग्याला किमान २५०० रुपये, सरासरी ३५०० रुपये आणि सर्वाधिक ५००० रुपये तर कारल्याला किमान २००० रुपये, सरासरी २५०० रुपये आणि सर्वाधिक ३५०० रुपये असा दर मिळाला.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com