Paddy Procurement : सिंधुदुर्ग जिल्ह्यात भाताची खरेदी धीम्या गतीने

किमान आधारभूत किंमत योजनेअंतर्गत जिल्ह्यातील २१ केंद्रांवर भातखरेदी सुरू झाली आहे.
Paddy Procurment
Paddy Procurment

सिंधुदुर्गनगरी ः किमान आधारभूत किंमत योजनेअंतर्गत (MSP Procurement Scheme) जिल्ह्यातील २१ केंद्रांवर भातखरेदी (Paddy Procurement) सुरू झाली आहे. आतापर्यंत अवघी ७ हजार ७१८ क्विंटल खरेदी झाली आहे. धीम्या गतीने ही खरेदी सुरू आहे. अजूनही १७ केंद्रांवर भातखरेदी सुरू झाली नसल्याची स्थिती आहे.

Paddy Procurment
Paddy Sowing : विठ्ठलवाडा येथे पेरीव धानाचा प्रयोग यशस्वी

किमान आधारभूत किंमत योजनेअंतर्गत जिल्ह्यात भातखरेदी सुरू झाली आहे. या वर्षी शासनाने प्रतिक्विंटल २०४० रुपये दर जाहीर केला आहे. गेल्या वर्षी १९९० रुपये दर होता. गेल्या वर्षी २८ भातखरेदी केंद्रांना शासनाने मंजुरी दिली होती. या केंद्रांवर पूर्ण हंगामात ८९ हजार क्विंटल भातखरेदी झाली होती.आतापर्यंतच्या हंगामातील ही सर्वांत मोठी खरेदी होती.

दरम्यान, या वर्षी शासनाने ३८ भातखरेदी केंद्रांना मंजुरी दिली आहे. यातील २१ केंद्रांवर आतापर्यंत खरेदी सुरू झाली आहे. जिल्ह्यात तालुका खरेदी विक्री संघाच्या माध्यमातून भातखरेदी केली जाते. भातविक्रीला अजूनही थंड प्रतिसाद मिळत आहे. आतापर्यंत केवळ ७ हजार ७१८ क्विंटल भात खरेदी झाली आहे. येत्या आठ दिवसांत खरेदी अधिक जलदगतीने सुरू होईल, अशी अपेक्षा आहे.

जिल्ह्यात ३८ भातखरेदी केंद्रांना मंजुरी देण्यात आली आहे. आतापर्यंत ७ हजार ७१८ क्विंटल भातखरेदी झाली आहे. भातखरेदीसाठी आवश्यक बारदाणे आणि इतर सर्व साहित्य पुरेसे आहे.

- ए. एस. देसाई, व्यवस्थापक, मार्केटिंग फेडरेशन

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com