Potato, Tomato Production : बटाटा, टोमॅटो उत्पादन घटणार

यंदा देशात बटाटा आणि टोमॅटोच्या उत्पादनात चार ते पाच टक्क्यांनी घट होण्याचा अंदाज आहे, तर कांद्याचं उत्पादन गेल्या वर्षीच्या तुलनेत वाढण्याची शक्यता आहे.
Tomato Potato Production
Tomato Potato ProductionAgrowon

यंदा देशात बटाटा आणि टोमॅटोच्या उत्पादनात (Potato, Tomato Production) चार ते पाच टक्क्यांनी घट होण्याचा अंदाज आहे, तर कांद्याचं उत्पादन (Onion Production) गेल्या वर्षीच्या तुलनेत वाढण्याची शक्यता आहे. बागायती पिकांच्या उत्पादनाचे अंदाज कृषी मंत्रालयाकडून (Agriculture Department) नुकतेच जाहीर करण्यात आले. या आकडेवारीनुसार, बटाट्याचं उत्पादन २०२१-२२ मध्ये ५ टक्क्यांनी घसरून सुमारे ५ कोटी ३३ लाख टनांवर येईल. मागच्या वर्षी बटाट्याचं उत्पादन सुमारे ५ कोटी ६१ लाख टन इतकं होतं. केंद्र सरकारकडून प्रत्येक पीक वर्षासाठी वेगवेगळ्या वेळी अंदाजाची आकडेवारी जाहीर करण्यात येते.

Tomato Potato Production
Indian Agriculture : गुणवत्ता नियंत्रण अधिकारी पदासाठी फुटले भाव

टोमॅटो उत्पादनात चार टक्के घट

यावेळी टोमॅटोच्या उत्पादनात ४ टक्क्यांनी घट होण्याची शक्यता आहे. यावर्षी टोमॅटोचे उत्पादन सुमारे २ कोटी ३ लाख टन इतकं होण्याची शक्यता आहे. मागच्या वर्षी टोमॅटोचं उत्पादन सुमारे २ कोटी ११ कोटी टन इतकं होतं.

कृषी मंत्रालयाने यावर्षी कांद्याच्या उत्पादनात वाढ दाखवली आहे. यावर्षी सुमारे ३ कोटी १२ लाख टन कांद्याचं उत्पादन होण्याचा अंदाज वर्तवण्यात आला आहे. मागच्या वर्षी सुमारे २ कोटी ६६ लाख टन इतकं उत्पादन झालं होतं.

दुसरीकडे फळं आणि भाजीपाला उत्पादनाबाबत बोलायचं झाल्यास त्यात वाढ होण्याचा अंदाज वर्तवण्यात आलाय. यावर्षी देशात सुमारे २० कोटी ४८ लाख टन भाजीपाला उत्पादनाचा अंदाज आहे, तर गेल्या वर्षी सुमारे २० कोटी ४ लाख टन उत्पादन झालं होतं. यावर्षी फळांचं उत्पादन सुमारे १० कोटी ७२ लाख टन होण्याचा अंदाज आहे. मागच्या वर्षी फळ उत्पादन सुमारे १० कोटी २४ लाख टन इतकं होतं.

मंत्रालयाने जाहीर केलेल्या आकडेवारीनुसार, देशातील फलोत्पादन पिकांच्या उत्पादनात यावर्षी २.३१ टक्क्यांनी वाढ होण्याचा अंदाज आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com