Milk Rate : मुंबईत सुटे दूध विक्री दरात उद्यापासून सात रुपयांनी वाढ

नव्याने लागू केलेले दर फेब्रुवारी महिन्यापर्यंत लागू असतील, असाही निर्णय महासंघाच्या बैठकीत घेण्यात आला.
Milk Rate
Milk RateAgrowon

मुंबई : शहरात होणाऱ्या सुट्या दूध विक्रीत (Loose Milk Rate) सात रुपयांची वाढ करण्यात आली असून १ सप्टेंबरपासून नवे दर (Milk Rate) लागू होणार आहेत. मुंबई दूध उत्पादक संघाने हा निर्णय घेतला असून अमूल दूध आणि अन्य दूध संघांनी दोन रुपयांची वाढ केल्यानंतर महासंघाने हा निर्णय घेतला आहे. सध्या सुट्‍या दुधाचा प्रतिलिटर दर ७३ ते ७५ रुपये आहे.

Milk Rate
Milk Rate : 'वारणा'कडून गायीच्या दूधदरात दोन, 'गोकूळ'कडून एक रुपया दरवाढ

नव्याने लागू केलेले दर फेब्रुवारी महिन्यापर्यंत लागू असतील, असाही निर्णय महासंघाच्या बैठकीत घेण्यात आला.

मुंबई शहरात अमूल आणि गोकुळ या दोन ब्रँडचे दूध मोठ्या प्रमाणात विक्री होते; मात्र, मुंबई आणि ठाण्यासह अनेक ठिकाणी सुटे दूधही मोठ्या प्रमाणात विकले जाते. अनेक ठिकाणी तबेल्यांतील म्हशींचे दूध घरोघरी विक्री होते. वाढत्या महागाईमुळे जनावरांच्या चाऱ्याच्या दरातही वाढ झाली आहे.

हरभरा आणि अन्य खाद्यांच्या दरातही १५ ते २० टक्क्यांनी वाढ झाल्याचे मुंबई दूध उत्पादक महासंघाचे सदस्य सी. के. सिंह यांचे म्हणणे आहे. दरवाढीबाबत घेतलेल्या बैठकीत चर्चा झाली. मुंबई शहरात रोज सात लाख लिटर दूधविक्री होते. याआधी मुंबईत अमूल आणि मदर डेअरीने दुधाच्या दरात दोन रुपयांची वाढ केली असून १७ ऑगस्टपासून नवे दर लागू केले आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com