Tomato Rate : आवक घटूनही टोमॅटो दरात घसरण

ऑक्टोबर महिन्यात पिंपळगाव बसवंत बाजार समितीमध्ये ४०० रुपये प्रतिक्रेटप्रमाणे असलेले दर नोव्हेंबर महिन्यात १०० रुपये प्रतिक्रेटपर्यंत खाली आले आहेत.
Tomato Rate
Tomato RateAgrowon

चालू वर्षीच्या हंगामात आव्हानात्मक परिस्थितीला सामोरे जात उत्पादक शेतकऱ्यांनी टोमॅटो पीक (Tomato Crop) उभे केले. सततचा पाऊस, अनेक भागांत अतिवृष्टीमुळे (Heavy Rain) मर, करपा अशा रोगांच्या विळख्यात लागवडी (Tomato Cultivation) सापडल्या, असे असतानाही पीक संरक्षणावर (Crop Protection) खर्च वाढता असतानाही शेतकऱ्यांनी दोन पैशाच्या अपेक्षेने लागवडी जागवल्या. ऑक्टोबर व नोव्हेंबर महिन्यांत दराने साथ दिली. मात्र नोव्हेंबर सुरुवातीपासूनच आवक (Tomato Arrival) कमी होऊनही मागणी घटल्याने दराला (Tomato Rate) मोठा फटका बसत असल्याची स्थिती आहे.

Tomato Rate
Tomato Rate: टोमॅटोचे दर का घसरले?

ऑक्टोबर महिन्यात पिंपळगाव बसवंत बाजार समितीमध्ये ४०० रुपये प्रतिक्रेटप्रमाणे असलेले दर नोव्हेंबर महिन्यात १०० रुपये प्रतिक्रेटपर्यंत खाली आले आहेत. तर जिल्ह्यातील गिरणारे, पिंपळनारे फाटा, खोरी फाटा अशा व्यापारी खरेदी केंद्रावर २० ते ७० रुपये प्रतिक्रेट इतक्या खाली आल्याने शेतकऱ्यांची मोठी आर्थिक कोंडी होत आहे.

चालू वर्षाचा हंगाम उत्पादनाच्या अंगाने अडचणीचा राहिला. हंगामात प्रतिकूल वातावरणात माल तयार करून बाजारात आणला. सप्टेंबर व ऑक्टोबर महिन्यांत पिंपळगाव बसवंत बाजार समितीमध्ये आवक मोठ्या प्रमाणात झाल्याचे दिसून आले.

Tomato Rate
Tomato Rate : टोमॅटोचे दर घसरल्याने शेतकरी हतबल

सप्टेंबर महिन्यात परराज्यांतील बाजारात मागणी असल्याने आवक वाढून दरही टिकून होते. मात्र नंतर आवक कमी होत असताना दराच्या अंगाने मागणी कमी झाल्याने आर्थिक नुकसान सोसावे लागत आहे. यापूर्वी दरात सुधारणा होती. मात्र पीक संरक्षणावर खर्च वाढल्याने काही अंशी यापूर्वी फायदा झाला, अशी स्थिती आहे.

Tomato Rate
Tomato Processing : टोमॅटो मुल्यवर्धनातून मिळवा अधिकचा नफा

परराज्यांत स्थानिक मालाची आवक सुरू झाल्याचा परिणाम उत्तर प्रदेश, मध्य प्रदेश, कर्नाटक राज्यात दिवाळीपूर्व मागणी होती. मात्र, तेथील स्थानिक मालाचे उत्पादन हाती असल्याने नाशिक भागातून मागणी कमी झाल्याने पुरवठा कमी झाल्याचे समजते. त्यामुळे दरावर परिणाम झाल्याचे व्यापाऱ्यांचे म्हणणे आहे.

पिंपळगाव बाजार समितीतील आवक व दर स्थिती

महिना...आवक(क्विंटल)...किमान...कमाल....सरासरी (दर प्रतिक्रेट-२०किलो)

ऑगस्ट...३, ९१, ५९६...३०...५४१...२६५

सप्टेंबर...१०, ६५, २८९...३१...७०१...३६०

ऑक्टोबर...९, ३४, ३२४...४१...८८१...४८०

नोव्हेंबर (ता.११ अखेर)...२, ३०, १२८...४१...४११...१९९

सध्या नाशिक जिल्ह्यात आवक कमी आहे. मात्र परराज्यांत मागणी असलेल्या बाजारपेठांचा लगतच्या क्षेत्रातून आवक तेजी बाजारातच होऊ लगल्याने मागणीवर परिणाम झाला. वाहतूक खर्च कमी येत असल्याने मागणी कमी आहे. आपल्याकडे संकरित वाण आहे; शिवाय परराज्यांत शेतकरी स्थानिक देशी वाण बाजारात आणत असल्याने त्यास मागणी वाढल्याने हा परिणाम आहे.
महेंद्र शिंदे, टोमॅटो अडतदार, कृषी उत्पन्न बाजार समिती, पिंपळगाव बसवंत
दुय्यम प्रतीचा माल नीचांकी २० रुपये प्रतिक्रेट, तर गुणवत्तेचा माल ५० ते ८० रुपयांदरम्यान विक्री होत आहे. त्यामुळे टोमॅटो तोडणी व बाजारात नेण्यासाठी वाहतूक खर्चही वसूल होत नसल्याची स्थिती आहे. व्यापारी माल खरेदी करत आहे. मात्र बाहेरचा पुरवठा बंद झाल्याने खरेदी दबावात करत आहे. त्यामुळे मोठी आर्थिक कोंडी झाली आहे.
सुदाम म्हैसधुणे, मुंगसरे, ता.जि. नाशिक
बाजारभाव कमी होऊन, टाकलेले भाडंवलदेखील वसूल होणार नाही. शेतकरी आर्थिक कोंडीत सापडला आहे.
गणेश मते, निगडोळ, ता. दिंडोरी

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com