वारणानगर, जि. कोल्हापूर : वारणा दूध संघाने (Warana Milk) गाईच्या दूध खरेदीदरात (Cow Mik Purchase) प्रतिलिटर ३ रुपये, तर म्हशीच्या दुधास प्रतिलिटर २ रुपये दरवाढ देण्याची घोषणा संघाचे अध्यक्ष, आमदार डॉ. विनय कोरे (Dr. Vinay Kore) व कार्यकारी संचालक मोहन येडूरकर यांनी केली. ही दरवाढ शुक्रवारपासून (ता. २१) लागू होणार आहे.
डॉ. कोरे म्हणाले, की शेतकऱ्यांना दूध दरवाढ देण्याचा निर्णय संचालक मंडळाने घेतला असून, आता गाय दूधासाठी ३.५ फॅटला व ८.५ एस.एन.एफ.ला ३५ रुपये दर झाला आहे. म्हैस दुधासाठी ६.० फॅट व ९.० एसएनएफला ४७.५० पैसे इतका उच्चांकी दर मिळणार आहे.
वेळोवेळी शेतकऱ्यांचा विचार करून संघाने वर्षभरात गाय दुधास ९ रुपये, तर म्हशीच्या दुधास ८ रुपये दरवाढ दिली आहे. सध्या संघाकडील दूध व दूध पावडरला वाढीव मागणी प्राप्त झाली आहे. संघाची दही, लस्सी, ताक, श्रीखंड, आम्रखंड या दुग्धजन्य पदार्थांच्या विक्रीत मोठी वाढ झाल्याचेही त्यांनी सांगितले.
संघाने लम्पी स्कीन आजारावर लसीकरण मोहीम सुरू करून दीड लाखांवर मोफत लस जनावरांना दिली, तसेच अमृत पशुधन सुरक्षा कवच योजनेतून ३० लाख रुपयांचे अनुदान दूध उत्पादकांना दिले आहे.
अल्पदरात पशू वैद्यकीय सेवा व रेडी संगोपन या सारखे उपक्रम संघामार्फत राबविले जात असल्याचे कार्यकारी संचालक मोहन येडूरकर यांनी सांगितले. याप्रसंगी संघाचे उपाध्यक्ष एच. आर. जाधव, अकाउंट्स मॅनेजर सुधीर कामेरीकर, संकलन व्यवस्थापक डॉ. अशोक पाटील, मार्केटिंग इनचार्ज अनिल हेर्ले आदी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
